الموضوع: هل عصام شرف عضو سابق بلجنة السياسات بالحزب الوطني

يعنى المسألة كلها حب و كره

شكرا للتوضيح

أحمد شفيق كان راجل محترم وانا من كلامه حسيت بمصداقيته بس الشعب حافظ مش فاهم طالما مبارك عينه يبقى من النظام السابق ويتشال ومستنوش عليه انه يعمل حاجة...عموما هارد لك يا شفيق ومصلحة مصر اهم وان شاء دكتور عصام شرف يفي بالغرض

المشاركة الأصلية كتبت بواسطة SkyBird

مش عايزة ذكاء انها اشاعة مصدرها اللجنة اللاكترونية للحزب الوطني

ده سبب ان عملت الموضوع لأني لم اجد علي النت ما يؤكد الحكاية دي
بس الظاهر اها طلعت معلومة حقيقة و انا اتفاجأت بها لأن زي ما حضرتك قلت " مش عايزة ذكاء انها اشاعة"
مع احترامي لذكاء حضرتك المعلومة شكلها صحيح

المشاركة الأصلية كتبت بواسطة enas75

معلش سؤال هو الحزب الوطني ده والعياذ بالله هو حزب الشيطان واي عضو فيه يبقي كافر مثلا
كل القيادات في البلد بمعناها الشامل وليس الضيق بتاع الوزراء والمحافظين.....اعضاء لجنه السياسيات
لازم نشغل دماغنا شويه .....انا اللي يفرق معايا الراجل طاهر اليد....صاحب رؤيا .....يقدر يشيل المسئوليه ...يبقي ماشي
وبعدين انتو حتضحكو علي نفسكو .....اي حد كان عايز يعمل حاجه للبلد دي كان بينضم للحزب الوطني...عاجبه ولا مش عاجبه
ا.....ده كان واقع موجود ...نغيره للاحسن
مش كل ما نلاقي حد كويس نقول لالالالالالالالالالالالال الالا ده تبع حسني
انتو ناسين ان حسني حكم 30سنه ...علي كده 3/4 الشعب المفروض نولع فيه واحنا اولهم لان احنا جيل حسنيي مبارك

للأسف دي النغمة اللي كانت سائدة قبل استقالة شفيق و في يوم و ليلة الكلام اتغير و اتضح ان في ناس كانت في الحكومة و في الحزب الوطني شريفة

المشاركة الأصلية كتبت بواسطة Everlasting

شفيق كان مكروه من الثوار .. شرف محبوب من الثوار .. شفيق فرض علينا .. شرف جرى التشاور مع الثوار قبل اختياره. شفيق استهزأ بالثورة وأدلى بتصريحات مستفزة ضد الثوار ... شرف شارك الثوار ثورتهم.

مع كامل احترامي للثوار اللي حضرتك بتتكلم عليهم بس انا كمان من الثوار و غيري كتيييير قوي من الثوار كنا غير مؤيديين لرحيل شفيق (ولا الثورة حكر علي مجموعة معينة؟)
و هل مؤهلات رئيس الوزراء القادم و الرئيس القادم ان يرضي عنه المجموعة التي اختارت عصام شرف؟
و ان يكون ممن يمدحون الثورة؟

المشاركة الأصلية كتبت بواسطة Sharky

يعنى المسألة كلها حب و كره

شكرا للتوضيح

واضح انها طلعت كده
المسألة مش وجوه جديدة ولا حاجة..

المشاركة الأصلية كتبت بواسطة ehab_mansour

علي كده كل من يعارض الثوار في الرأي هتطردوه بره البلد !!!!!!!!!!!!!!!!!!!
وهيبقي ما ينفعش يرشح نفسه لمنصب
صباح الديكتاتورية والفكر المتسلط
راح تسلط مبارك وجه تسلط الثورة والثوار

والله المستعان
اللهم نجنا من القرية الظالم اهلها

بالظبط كل من يجرؤ و يعارض الائتلاف المتواجد حاليا في ميدان التحرير سيتم اسقاطه بالمظاهرات و تأليب الرأي العام عليه من خلال الفضائيات و الانترنت..و من يرضي عنه الائتلاف سيتم تلميعه و تقديمه لنا علي انه الاختيار الامثل

للأسف انا بدأت احس بنفس اللي كنت حاسس به قبل 25 يناير!
في ناس بتتكلم بالنايبة عني و عارفة مصلحتي اكتر مني
و لما احاول اعترض يطلعوني قلة مندسة و يقنعوني ان الغالبية معاهم و انا لوحدي اللي معترض
الواحد ما لحقش يفرح بالثورة

غريبة قوي هي دعوات الاستقرار لحكومة شفيق بس, انما الدكتور المحترم عصام شرف المفروض نشكك فيه من قبل حتى ما يشكل الحكومة؟؟؟؟؟؟؟؟؟؟؟؟؟؟؟

عموما من غير لعب بالألفاظ, رفض الناس لشفيق لأنه و من لسانه تلميذ نجيب لمبارك. رفض الناس لشفيق لأنه أعلن مرارا و تكرارا تأييده لمبارك و رفضه لتنحيه. رفض الناس لشفيق لعدم اعترافه بالثورة و مطالبها من البداية, ازاي يبقى من القائمين على تنفيذ المطالب دي؟؟؟ رفض الناس لشفيق لأنه وزير في عهد مبارك لمدة 9 سنوات متتالية ثم مكلف برئاسة الوزراء من مبارك شخصيا, بمعنى أخر هو شخص متوافق تماما مع نظام مبارك و متوافق مع سياساته المختلفة. رفض الناس لشفيق عشان عدم قدرته على اثبات مصداقية تصريحاته منذ تولى الوزارة بداية من التعهد بحماية المتظاهرين بالتحرير ثم التعهد بملاحقة مهاجميهم و التعهد بعدم التستر على الفساد.......الخ. رفض الناس لشفيق لمحاولته الألتفاف على مطالب الناس في التغيير الوزاري الأخير الذي قام به و الأصرار على وجوه مرفوضة من الناس.

كفاية الأسباب دي و لا اشرح كمان؟؟؟؟؟؟؟؟؟؟؟؟ لو الكلام اللى فوق ده ينطبق على الدكتور المحترم عصام شرف, اتهموا الناس بالتناقض.