استشارة بخصوص تغيير ماء الريدياتير

**elmoski** · 04-03-2011 08:36 PM

انا صاحب الموضوع اللي بعنوان ( المياه بتغلي داخل القربة)

انا بس عاوز اعرف هل الثرموستات بتاع الموتور ده ممكن يكون باظ بمجرد ان الميكانيكي سحب شوية مياه من الريدياتير وزودنا بدلها شوية ميه خضراء مانعه للصدأ ؟؟؟؟

انا نويت اشتري ثرموستات جديد من التوكيل و مكلفني 230 جندي : (( و انا قررت اشيل مية الحنفيه دي خالص و احط مياه تبريد ... فخايف يتكرر الموضوع تاني ويبوظ الترموستات الجديد لان واحد صاحبي قالي ان الميكانيكي دخل غاز في دورة التبريد وعشان كدة الترموستات باظ فهل الكلام ده مظبوط ؟؟ و عاوز اعرف ازاي اغير الميه كلها وتنصحوني احط نوع ايه يكون كويس ومين ممكن اعمل عنده الموضوع ده في اسكندرية؟؟

**besso** · 04-03-2011 09:15 PM

اللى اعرفه من واقع دراستى ان المياه الخضراء ليس لها اى ضرر على المحرك بالعكس ده احسن من المياه العاديه لانه بيمنع تكون الجير داخل دائره التبريد والصدا

**elmoski** · 04-03-2011 09:49 PM

هو انا عارف ان ملهاش ضرر بس انا قصدي هل في طريقة لتفريغ الماء القديم من الريدياتير وهل ده ليه علاقه ببوظان ثرموستات الموتور ولا لأ

**mrastra** · 04-03-2011 10:14 PM

السلام عليكم ورحمة الله
اخى الكريم اولا الثرومستات مش بيركب فى الموتور ولكن بيركب فى الردياتير
المية الخضراء افضل بكثير من مياة الحنفية والافضل من الاتنين مياة تكثف التكييف المنزلى
ازاى تفضى كل المية من دائرة التبريد فى كوعة مياة واصلة من الموتور الى الردياتير من تحت مش من فوق دى تشلها من اى نحية اللى تقدر توصلها بسهولة وبعدين تدور الموتور وتزود شوية حوالى دقيقة وبعين تربط كوعة المياة تانى وتجيب مياة خضراء وافضلها موبيل وتزود عادى جدا من الردياتير او من القربة

**elmoski** · 04-03-2011 10:29 PM

هو في حاجة في الموتور هي فعلا مش ترموستات بس ده زي حساس حرارة بيتحكم في دخول و خروج المياه من الموتور ده اللي انا اقصده

**Mina-Magdy** · 13-03-2011 07:30 PM

المشاركة الأصلية كتبت بواسطة mrastra

السلام عليكم ورحمة الله
اخى الكريم اولا الثرومستات مش بيركب فى الموتور ولكن بيركب فى الردياتير
المية الخضراء افضل بكثير من مياة الحنفية والافضل من الاتنين مياة تكثف التكييف المنزلى
ازاى تفضى كل المية من دائرة التبريد فى كوعة مياة واصلة من الموتور الى الردياتير من تحت مش من فوق دى تشلها من اى نحية اللى تقدر توصلها بسهولة وبعدين تدور الموتور وتزود شوية حوالى دقيقة وبعين تربط كوعة المياة تانى وتجيب مياة خضراء وافضلها موبيل وتزود عادى جدا من الردياتير او من القربة

الراجل دة كل كلامة مظبوط احب اضيف حاجةصغيرة ان اغلبيت المياة الخضراء الى فى السوق فيها صودا كاوية وبتعمل تاكل لجسم الردياتير رجاء موبيل هى الافضل والاضمن