باركولى ,,,, بقيت فرد من عائله نيسان

السلام عليكم ورحمه الله وبركاته


الاخوه الكرام و الاحبه

انا متابع المنتدى دااااااااااااااااااااااا من شهووووووووووووووووووووووو ووووور
وكان معايا شيرى a15

وقريت تقريبا قسم المشاكل و الاعطال
باقسامه الفرديه :d
بمواضيعه
وصفحاته ال فوق ال 40 هوايه بقى اكتسب من الخبرات بتاعت الناس

والحمدلله رب العالمين
ربنا اكرم علينا ,,, واشترينا نيسان تيدا 2011 من يومين بالظبط
من الشرقيه مكانا ,,,
اتوماتك
ولسه عندنا شيرى بردو
هو كله تبع الوالد ربنا يديم ف عمره ,,,,, لكن الواحد بينفرد بردو بالعربيات براحته :00020140:


حبيت اشاركم وانضم للاسره الجميله فوق الوصف
والاخوه المتعاونين مع بعض فوق الوصف


ياريت لو تفيدونى ازاى احافظ على العربيه وخصوصا انها اتوماتك
ودى تانى عربيه ليا اسوقها اتوماتك
بعد ما كنت بركب عربيه عمى :d
الباجيرو طبعا فرق السما و الارض


تحياتى لكم جميعا

السلام عليكم
أخي الكريم ... كيف حالك
اولا
الف الف مبارك علينا احنا وجودك معانا وماشاء الله اليومين اللي فاتوا دول كسبنا اكتر من اخ عزيز لينا ونتمني نكون ليك خير عون واوفي اصدقاء واخوان بأمر الله
ثانيا
ألف الف مبارك عليك التيدا وربنا يرزقك خيرها ويكفيك شرها يارب العالمين ... وتتمتع بيها وتشوف خيرها ويسترلك طريقك
ومتنساش الدعاء ده
"اللهم اني اسالك خيرها وخير ما جبلتها عليَ ... واعوذ بك من شرها ومن شر ماجبلتها عليَ"
ثالثا
اهم حاجة للعربية الصيانة الدورية وخاصة السيور وتغير الزيت خاصة لو اوتوماتيك ...وربنا يباركلك فيها
وفي انتظار تفاعلك ومشاركاتك معانا ان شاء الله وتقريرك المميز عن التيدا المكسيكي الجديدة 2011 ورايك ايه فيها
وربنا يباركلك في الوالد ويعيش ويجيبلكوا ... ووصله سلامنا :))
تقبل مروري
وأقعد بالعافية :)))

الف مبروك ربنا يرزقك خيرها ويكفيك شرها

اهم حاجه واظب على الصيانات

وخليك حنين عليها في 1500 او 2000 كيلو وبعد كده براحتك

مبروووووووووووووووووووووو ووووووووووووووووووووووووو ووك

ربنا يكفيك شر عين الحاسود

الله عليك , وعلى ملاك التيدا الجدد

اهلا بيك يا فندم ومنورنا ونورت قسم نيسان بموضوعاته ومشاكله وفراحه وبكل حاجة فيه

عاوز اهنيك على العربية

واقولك انك احسنت الاختيار بامانة , وربنا يعطيك خيرها ويكفيك شرها

وربنا يخليلكم الحاج ويعطيله الصحة ويبارك فى عمره

قولى بقا العربية لونها ايه اتوماتيك اول فئة ولا تانى فئة , سيدان ولا هاتش باك

بخصوص النصايح , حاول تخلص ال1000 كيلو الاولى بسرعة واعمل صيانة الالف

وخاليك حنين على العربية فى اول 1000 مش تقرص عليها اكتر من 100 كيلو فى السرعة وبلاش كيك دون , ولكن لما توصل الى 800 كيلو مثلا ابقا شد شدات خفيفة متنوعة كل فترة عشان تخلى العربية تفوق معاك بس على مراحل مش دايما

وتجنب الوقفات الفجائية فى اول 300 كيلو عشان الطنابير والفرامل بيطبعوا على بعض

وبخصوص السواقة

مفيش اسهل من الاتوماتيك , لما تطلع تدوس فرامل وتدوس على الزرار الفضى من الجنب وتحرك الفتيس على الd وتتحرك عادى

ولما تيجى تقف وتركن تدوس فرامل والزرار الفضى بردوا وتجيب الفتيس على الn وبعد كدا ترفع فرامل اليد , وبعد كدا تحرك الفتيس الى ال p وتبطل العربية

واتمتع بالعربية انت معاك تيدا عربية ممتازة ومحترمة جدااا

واى استفسار احنا فى الخدمة

ومستنين تقرير قوى عن السيارة

وان شاء الله نلتقى بيك قريب

تحياتى

الف الف مبرووووووووووووووووك على العربية
و ربنا يديك خيرها و يكفيك شرها و ربنا يخليلك الحاج و يباركلك فيه
زي ما قال لحضرتك الاعضاء الكرام النصايح اللي تمشي عليها ان شاء الله
و ان شاء الله عاوزين من حضرتك تقييم مبدئي كده عنها ان شاء الله

السلام عليكم ورحمه الله وبركاته



لا انا كدا مش هعرف اعمل quote لكل الردود :D

متشكر جدا جدا على الردود الجميييييييييييله دى ,,, وربنا يبارك فيكم جميعا
جزاكم الله كل خير


@sonasteal
مع انى والله كرهت الصيانه و الخدمات بتاعتها بسبب توكيل شيرى , وخصوصا ان كان عندنا 2 شيرى

لكن ان شاء الله مع نيسان و ال بسمعه عن التوكيلات بتاعتها بصراحه حاجه تفرح ,,, ان شاء الله ما نتأخرش ف ولا صيانه


@bassamhafez
اانا حنييييييييييييييييييييييي ين عليها جدا
بس العربيه هي ال بتجرى لوحدها
:D


@sedyrohy
الله يكرم اصلك
ربنا يبعد عننا جميعا عين الحسود والله ,,, عين شريره
وصعبه اوى
ربنا يعافينا كلنا يارب


@ahmed.tv
استاذنا الكريم
الله يبارك فيك يارب ,,, الف شكر لحضرتك
العربيه الحمدلله انا مبسوط منها كا عربيه , واختيار الحمدلله
بعد ما والدى كان عاوز يجيب صنى سوبر صالون
لكن اقنعته ان التيدا افضل على الاقل من وجهه نظرى كا شكل


العربيه لونها رمادى فاتح ,,,,, و الفرش من جوا اسمر

مع انى والله زعلان حاسس انا لفرش الاسمر اوحش بكتير من الفرش البيج ,,,
وان البيج اشيك بكتير خالص

وكمان علشان التابلو كمان اسمر ف حاسس ان العربيه مضلمه اوى من جوا

يمكن دا ال حاجه الوحيده ال ماعجبتنيش بصراحه


والعربيه الفئه الاولى ف الاتوماتك سيدان ,,,,,, سعرها 115

العربيه والله انا بمشى على اقل من مهلى ,,,, بس لما بيكون الطريق مفتوح ,,, قدامى جبت بيها 120 و 130
ومش لغرض السرعه ولا انى اجرب العربيه

لكن هي بتسحب لوحدها وبتوصل لكدا مع انى ما بقرصش عليها



اما موضوع الكيك دون ف انا ما اعرفوش لسه بصراحه ,, اسمع عنه لكن مش عارف ازاى

وان شاء الله التقرير قريب


@basemsaeed

ربنا يبارك فيك يا فندم
والف شكر لك
لكن التقيييم لسه شويتين كدا

لانى لسه ما عملتش غير 250 كيلو




تحياتى للجميع

مبروك السيارة والنيسانيون زادوا واحد منور القسم يا باشا.

اقتباس:

---

المشاركة الأصلية كتبت بواسطة ahmed.tv

الله عليك , وعلى ملاك التيدا الجدد

اهلا بيك يا فندم ومنورنا ونورت قسم نيسان بموضوعاته ومشاكله وفراحه وبكل حاجة فيه

عاوز اهنيك على العربية

واقولك انك احسنت الاختيار بامانة , وربنا يعطيك خيرها ويكفيك شرها

وربنا يخليلكم الحاج ويعطيله الصحة ويبارك فى عمره

قولى بقا العربية لونها ايه اتوماتيك اول فئة ولا تانى فئة , سيدان ولا هاتش باك

بخصوص النصايح , حاول تخلص ال1000 كيلو الاولى بسرعة واعمل صيانة الالف

وخاليك حنين على العربية فى اول 1000 مش تقرص عليها اكتر من 100 كيلو فى السرعة وبلاش كيك دون , ولكن لما توصل الى 800 كيلو مثلا ابقا شد شدات خفيفة متنوعة كل فترة عشان تخلى العربية تفوق معاك بس على مراحل مش دايما

وتجنب الوقفات الفجائية فى اول 300 كيلو عشان الطنابير والفرامل بيطبعوا على بعض

وبخصوص السواقة

مفيش اسهل من الاتوماتيك , لما تطلع تدوس فرامل وتدوس على الزرار الفضى من الجنب وتحرك الفتيس على الd وتتحرك عادى

ولما تيجى تقف وتركن تدوس فرامل والزرار الفضى بردوا وتجيب الفتيس على الn وبعد كدا ترفع فرامل اليد , وبعد كدا تحرك الفتيس الى ال p وتبطل العربية

واتمتع بالعربية انت معاك تيدا عربية ممتازة ومحترمة جدااا

واى استفسار احنا فى الخدمة

ومستنين تقرير قوى عن السيارة

وان شاء الله نلتقى بيك قريب

تحياتى

---

استاذ احمد

هو زيت التلين ممكن يقعد فى العربية لد امتى

عشان انا عامل بالعربية لحد دلوقتى 1400 كيلوا ولسه ما عملتش صيانه ال 1000 لعدم تفرغى :majd(4):

اقتباس:

---

المشاركة الأصلية كتبت بواسطة m_love4me

السلام عليكم ورحمه الله وبركاته


الاخوه الكرام و الاحبه

انا متابع المنتدى دااااااااااااااااااااااا من شهووووووووووووووووووووووو ووووور
وكان معايا شيرى a15

وقريت تقريبا قسم المشاكل و الاعطال
باقسامه الفرديه :d
بمواضيعه
وصفحاته ال فوق ال 40 هوايه بقى اكتسب من الخبرات بتاعت الناس

والحمدلله رب العالمين
ربنا اكرم علينا ,,, واشترينا نيسان تيدا 2011 من يومين بالظبط
من الشرقيه مكانا ,,,
اتوماتك
ولسه عندنا شيرى بردو
هو كله تبع الوالد ربنا يديم ف عمره ,,,,, لكن الواحد بينفرد بردو بالعربيات براحته :00020140:


حبيت اشاركم وانضم للاسره الجميله فوق الوصف
والاخوه المتعاونين مع بعض فوق الوصف


ياريت لو تفيدونى ازاى احافظ على العربيه وخصوصا انها اتوماتك
ودى تانى عربيه ليا اسوقها اتوماتك
بعد ما كنت بركب عربيه عمى :d
الباجيرو طبعا فرق السما و الارض


تحياتى لكم جميعا

---

مرحبا بالعضو الجديد

احسنت الاختيار :B4_388:

وعاوزين من حضرتك بيان و تقرير اول باول:welcome2:

ألف ألف مبروك -ربنا يبارك لك فيها ويكفيك شرها

اقتباس:

---

المشاركة الأصلية كتبت بواسطة harizy

مبروك السيارة والنيسانيون زادوا واحد منور القسم يا باشا.

---

الله يبارك ف حضرتك يا فندم
دا انا ال ازدت شرف انى انضميت لنيسان و للاخوه الافاضل هنا

اقتباس:

---

المشاركة الأصلية كتبت بواسطة egypt0777

استاذ احمد

هو زيت التلين ممكن يقعد فى العربية لد امتى

عشان انا عامل بالعربية لحد دلوقتى 1400 كيلوا ولسه ما عملتش صيانه ال 1000 لعدم تفرغى :majd(4):

---

اعتقد يا فندم على حسب المواضيع ال قريتها
انه غلط جدا
ولازم حضرتك تغيره ف اسرع وقت
وتعمل صيانه ال 1000 كيلوا علشان ما تضيعش على حضرتك

اقتباس:

---

المشاركة الأصلية كتبت بواسطة egypt0777

مرحبا بالعضو الجديد

احسنت الاختيار :b4_388:

وعاوزين من حضرتك بيان و تقرير اول باول:welcome2:

---

مرحب بحضرتك
ان شاء الله اول بس ما اجرى ببيها كدا واروح واجى كذا مشوار

اقتباس:

---

المشاركة الأصلية كتبت بواسطة محمد ابراهيم 1

ألف ألف مبروك -ربنا يبارك لك فيها ويكفيك شرها

---

الله يبارك ف حضرتك
الف شكر على الدعوه الحلوه دى

اقتباس:

---

المشاركة الأصلية كتبت بواسطة m_love4me

@ahmed.tv
استاذنا الكريم
الله يبارك فيك يارب ,,, الف شكر لحضرتك
العربيه الحمدلله انا مبسوط منها كا عربيه , واختيار الحمدلله
بعد ما والدى كان عاوز يجيب صنى سوبر صالون
لكن اقنعته ان التيدا افضل على الاقل من وجهه نظرى كا شكل


العربيه لونها رمادى فاتح ,,,,, و الفرش من جوا اسمر

مع انى والله زعلان حاسس انا لفرش الاسمر اوحش بكتير من الفرش البيج ,,,
وان البيج اشيك بكتير خالص

وكمان علشان التابلو كمان اسمر ف حاسس ان العربيه مضلمه اوى من جوا

يمكن دا ال حاجه الوحيده ال ماعجبتنيش بصراحه


والعربيه الفئه الاولى ف الاتوماتك سيدان ,,,,,, سعرها 115

العربيه والله انا بمشى على اقل من مهلى ,,,, بس لما بيكون الطريق مفتوح ,,, قدامى جبت بيها 120 و 130
ومش لغرض السرعه ولا انى اجرب العربيه

لكن هي بتسحب لوحدها وبتوصل لكدا مع انى ما بقرصش عليها



اما موضوع الكيك دون ف انا ما اعرفوش لسه بصراحه ,, اسمع عنه لكن مش عارف ازاى

وان شاء الله التقرير قريب




تحياتى للجميع

---

لون العربية بسم الله ماشاء الله جميل جدا ربنا يباركلك فيها
على فكرة فى ناس دايخة على لون الفرش الاسمر الغامق ده , لان بيستحمل اى تراب وبهدلة
انا عربيتى اللون الموف والطابلوه اسود والفرش غامق بردوا

وبخصوص الكيك دون ده سهل جدا اكبس رجلك على دواسة البنزين جامد وشوف العربية حتعمل ايه لوحدها
بس متعملوش دلوقتى

اقتباس:

---

المشاركة الأصلية كتبت بواسطة egypt0777

استاذ احمد

هو زيت التلين ممكن يقعد فى العربية لد امتى

عشان انا عامل بالعربية لحد دلوقتى 1400 كيلوا ولسه ما عملتش صيانه ال 1000 لعدم تفرغى :majd(4):

---

الناس بتنصح ان كل ما بتخلصه بدرى يكون افضل , وياريت تلحق تروح تعمل الصيانة عشان كمان تلحق الخصم اللى عملينه السبع فى قطع الغيار

وحتشوف ان بقا فيه فرق كبير فى اداء العربية وحيتحسن افضل من الاول

الف شكر ليك استاذ احمد على ردك

الكيك داون ان شاء الله هجربه بعد ال الاف

لانى من هواه الجرى بالعربيات جدااااااااااااااااا

وجبت بالشيرى الصينى 180 قبل كدا

ومابمشيش بيها اقل من 120 - 130



تحياتى لك

عربيات النيسان الكيك داون بتاعها جبار جدا ويتحدى اتخن عربية والتسارع بتاعها بيخوف من قوته

فالى الامام .... الى الامام 000 نيسان ... نيسان

الف مبروك علي العربية وربنا يديك خيرها ويكفيك شرها

اقتباس:

---

المشاركة الأصلية كتبت بواسطة ahmedya1976

الف مبروك علي العربية وربنا يديك خيرها ويكفيك شرها

---

الله يجازيك خير يارب

اقتباس:

---

المشاركة الأصلية كتبت بواسطة egypt0777

عربيات النيسان الكيك داون بتاعها جبار جدا ويتحدى اتخن عربية والتسارع بتاعها بيخوف من قوته

فالى الامام .... الى الامام 000 نيسان ... نيسان

---

والله يا خوفى من الكيك دون دا


---------------------


استاذ احمد
ارجوك
والنهارده انا ماشى بالعربيه

دوست على البنزين جامد لقيت الامبير طلع لحد 4 و5 و6 مره واحده
وبعدين شلت رجلى بسرعه
يا دوب ما كملش لحظه

وبعدين بقى طول ما انا ماشى

كل لما اهدى خالص ف مطب ولا حاجه
والعربيه تجيب الاولانى

بسمع صوت الماتور
ما كنتش بسمعه قبل كدا خاااااااالص

بقيت بسمعه دلوقتى وصوت ملحوظ كمان
زي لفاته كدا
بسمع كدا زي
عننننننننننننننن
هاديه خالص السير بيلف يعنى


ولحد ما ينقل من الاوانى يرجع الصوت طبيعى


ارجوك طمنونى يا دكااااااااتره :_Alshmokh08[1]:

يا باشا الف الف الف مبروك علي العربية و مبروك علينا عضو نيساني جديد

اقتباس:

---

المشاركة الأصلية كتبت بواسطة peaceman

يا باشا الف الف الف مبروك علي العربية و مبروك علينا عضو نيساني جديد

---

الله يبارك فيك يا باشا

ويرضى عليك



$$$$$$$$ استاذ احمد مستنى رد حضرتك

لانى قلقان ومش عاوز اركب العربيه وانا مقلق منها

اقتباس:

---

المشاركة الأصلية كتبت بواسطة m_love4me

استاذ احمد
ارجوك
والنهارده انا ماشى بالعربيه

دوست على البنزين جامد لقيت الامبير طلع لحد 4 و5 و6 مره واحده
وبعدين شلت رجلى بسرعه
يا دوب ما كملش لحظه

وبعدين بقى طول ما انا ماشى

كل لما اهدى خالص ف مطب ولا حاجه
والعربيه تجيب الاولانى

بسمع صوت الماتور
ما كنتش بسمعه قبل كدا خاااااااالص

بقيت بسمعه دلوقتى وصوت ملحوظ كمان
زي لفاته كدا
بسمع كدا زي
عننننننننننننننن
هاديه خالص السير بيلف يعنى


ولحد ما ينقل من الاوانى يرجع الصوت طبيعى


ارجوك طمنونى يا دكااااااااتره :_Alshmokh08[1]:

---

عشان يطلع الار بى ام مرة واحدة الى 4 و5 و6 فى لحظة واحدة يعنى مرة واحدة .. معنى كدا ان العربية مش حاسة بغيار والفتيس كان فى وضع الn فممكن يكون ايدك زقت الفتيس غلط الى الn والله اعلم

وكمان انا عايزك تتاكد بس انك جايب الغيار على ال d مش محطوطة على غيار مكتوب عليه 2
او 1

فى موضوعات فى القسم هامة لموضوع التفيس الاتوماتيك

عيش فيها شوية واقرائها لان تقريبا حضرتك اول مرة تسوق اوتوماتيك زى ما انت قولت قبل كدا , وحتاخد منها خبرة كويسة

http://www.nilemotors.net/Nile/31655-a.html
http://www.nilemotors.net/Nile/41925-2008.html
http://www.nilemotors.net/Nile/74319-a.html
http://www.nilemotors.net/Nile/77545-over-driver.html
http://www.nilemotors.net/Nile/104431-over-drive.html

واتاكد كمان من لمبة ال الاوفر دريف مطفية عشان الاوفر دريف يكون شغال والعربية تقدر تنقل الى النقلة الرابعة
لان لو اللمبة منورة ومكتوب عليها اوف يبقا انت كدا لغيت الاوفر دريف وخاليت عزم العربية يبقا عالى فى الغيارات وكدا العربية مش بتنقل الا على 3 غيارات بس

ولو كل اللى بيقوله محصلش , وفى مشكلة لقدر الله يبقا تروح مركز الصيانة القريب منك وهما حيحلولك الدنيا

بس خالى دى اخر حاجة , واتاكد من اللى قولتلك عليه الاول

وطمنا عليك

بسيطة ان شاء الله

طيب وصوت الماتور بقيت بسمعه ليه
:(:(:(

ما عشان اللى قولت لحضرتك عليه

السلام عليكم ورحمه والله وبركاته


معلش كنت بتكلم ف الموب لما رديت على حضرتك :d



متشكر جدا على ردك الكريم بصراحه مش عارف اقول

هو صحيح دى تانى مره اسوق اتوماتك بس سوقت اتوماتك قبل كدا
الباجيروا لمده تزيد عن شهر

حاسس طبعا انها كانت انعم واسهل بكتير واقوى :d :00020140: ما علينا لانها باجيروا اكيد


طيب دلوقتى ,,,, هل ف ضرر على العربيه او الماتور او الجير ,,, لو جبت على ال n
بالغلط

وزودت بنزين

الحاجه التانيه


انا كنت على d بالفعل ومتأكد من كدا لان بدليل العربيه سحبت معايا بس لما الار بى ام على انا خوفت ف رفعت رجلى ف ثانيه




حاجه كمان
صوت الماتور ال بقوله لحضرتك وانا على الغيار الاولانى ,,, بعد ما الموضوع دا حصل

يعنى وانا على d

والعربيه ماشيه لما بهدى جامد او لسه جاي اطلع بالعربيه

بقيت بحس بصوت الماتور

وماكنتش بحس بيه قبل كدا خالص :(


هو دا ال قالقنى


وامبارح بليل نزلت فتحت الكبوت ووقفت قدام الماتور ,,, حسيت انه صوته على

يعنى كنت بسمع صوت لف السيورر فقط
دلوقتى بقيت سامع حاجه زي تكتكتتكتكتكتكتك
تركتركتركرتكر
كدا يعنى

:(

:( :((

اهىء اهىء

انا معرفش حقيقى اللى بيحصل عندك

ولا اقدر اقولك انه بسبب الكيك دون ولا الاوفر دريف اللى ممكن يخلى الصوت الار بى ام بقا عالى كدا
لانك بتقول فى صوت جى من الماتور مزعج وعالى وانت واقف


فكدا بقا حضرتك تروح بقا على اقرب مركز خدمة قريب منك وتقولهم على المشكلة اللى عندك وان شاء الله خير

وطمنا عليك

متشكر جدا لردك استاذ احمد

جزاك الله كل خير


ومش عارف والله
انا نزلت امن شويه جربت العربيه

ومشيت بيها


يمكن انا مركز مع صوت الماتور زياده اوى

العربيه صوتها هادى جدا الحمدلله

يمكن بس حاسس ان صوتها بقى واضح سنه بسيطه
عن اول ما استلمتها من المعرض

او انا مقلق زياده عن اللزوم



مشتكر جدا لحضرتك

بص يا باشا

اتمتع بعربيتك

وده اللى بنقوله للناس , بلاش تكون مركز اوى فى حاجات بسيطة , احيانا ممكن التركيز ده يخليك تتسبب فى مشكلة من لامشكلة

شوفت بصوفك للصوت وانك ركزت معاه اوى روحت معاك لفين , لكذا افتراض

عامة اتمتع بالعربية وان شاء الله خير متقلقش

ولو فى اى مشكلة لقدر الله فى اى وقت , اطمن لانك معاك توكيل محترم جدا وعربية كويسة

تحياتى

اقتباس:

---

المشاركة الأصلية كتبت بواسطة ahmed.tv

بص يا باشا

اتمتع بعربيتك

وده اللى بنقوله للناس , بلاش تكون مركز اوى فى حاجات بسيطة , احيانا ممكن التركيز ده يخليك تتسبب فى مشكلة من لامشكلة

شوفت بصوفك للصوت وانك ركزت معاه اوى روحت معاك لفين , لكذا افتراض

عامة اتمتع بالعربية وان شاء الله خير متقلقش

ولو فى اى مشكلة لقدر الله فى اى وقت , اطمن لانك معاك توكيل محترم جدا وعربية كويسة

تحياتى

---

فعلا نصيحة ليك عشان حتكره العربية

استمتع بيها :ilikeit:

السلام عليكم ورحمه الله وبركاته


متشكر جدا لرد حضرتك استاذ احمد

وكل الاخواه الافاضل


وحاضر والله انا هسمع كلامك وان شاء الله هتمتع بيها اخر حاجه



بس انا قبلت ما اشوف المشاركات دى ,,, انا اتصلت بالراجل بتاع المعرض وهو راجل محترم وخلوق

وقولتله انا حاسس ان صوت الماتور على شويه
قالى عالى جدا بعد الالف كيلوا كله شىء هيبقى زي الفل ما تقلقش خالص
ودا الطبيعى العربيه لسه بتلين و الماتور بليلن
وكل لما تقرص بيه واو تعمل شىء جديد هتلاقى حاجه بتظهر لحد ما العربيه تلين تماما



وقولتله انى فتحت الكابوت لما كنت ف المعرض ماكنتش ساعه غير صوت السير وهو بيلف فقط
وامبارح فتحت الكبوت و وسمعت صوت السير بردو مع صوت تكت تكت تكت تكت كدا


قالى انت مونت العربيه قولتله ايون حطيت صفيحه واحده على قد مشوارى
قالى وهو لسه فيها ,,, قولتله خلاص فيها اخر شويه صغيرين

قالى الصوت دا صوت رشاشات الانجكشن بتاعت البنزين
ودا الصوت الطبيعى جدا و بالذات ان العربيه قربت تخلص البنزين
ولازم ما تسبهاش تخلصه كدا ف اول الف خااااااااااااااالص
علشان الرواسب ال بتبقى ف البنزين الجميل بتاع مصر



بس مش اكتر

الف مبروك و ربنا يباركلك فيها و انا سبقتك من شهر كده و جبت التيدا الهاتشباك و تقريبا صوت الموتور معقول
نصيحه أقرأ الكتالوج كويس لأنه بيبقى فيه حاجات مهمه انا قرأت فى الكتالوج انه حاول متزودش ال rpm عن 4 فى اول 2000 كيلو لأن ده بيقصر فى المستقبل علر استهلاك البنزين . و الف مبروك و ربنا يرزقك خيرها و يكفيك شرها

اقتباس:

---

المشاركة الأصلية كتبت بواسطة ahmed_shimi

الف مبروك و ربنا يباركلك فيها و انا سبقتك من شهر كده و جبت التيدا الهاتشباك و تقريبا صوت الموتور معقول
نصيحه أقرأ الكتالوج كويس لأنه بيبقى فيه حاجات مهمه انا قرأت فى الكتالوج انه حاول متزودش ال rpm عن 4 فى اول 2000 كيلو لأن ده بيقصر فى المستقبل علر استهلاك البنزين . و الف مبروك و ربنا يرزقك خيرها و يكفيك شرها

---

الف مليون مبروك لحضرتك الاول ,,,

والتيدا جميله بجد وعجبانى اوى اوى

يمكن انا مقلق بس علشان كنت راكب شيرى قبل كدا
ف متوقع انى مش هحس بالعربيه ولا حتى هلاقى بتقول بابا ولا ماما :d

مش عارف والله هو مجرد قلق على العربيه الجديده
على الرغم من كدا صوت الماتور ناعم جدا الحمدلله

ربنا يبارك فيها يارب


وانا والله قريت الكتالوج الحاجات ال تفيدنى منه
وموضوع ال 4 الاف قريته
وصفحه بتاعت نقلات الفتيس
والزرار الفضى
وما الى ذلك



تحياتى لك

مبررررررررررررررررررررررر ررررررررررررررررررررررررر رررررررروك

الف مبروك على التيدا ربنا يباركلك فيها ويحفظهالك من كل سوء...
بس انا زعلان منك ... بقى يا راجل فى الـ 1000 كيلو الاولى وتجيب الـ rpm على 5 و 6 ؟؟
عموما ما تقلقش خالص خير ان شاء الله وموضوع صوت الموتور هاتلاقيه اهدأ بعد صيانة الالف وتغيير الزيت ... انا حسيت بان صوت الموتور عندى بقى اهدأ بعد تغيير الزيت لزيت شل ...
وبالتوفيق وطمنا عليك دايما وعايزين نشوفك فى المقابلة الجاية ان شاء الله

الله يبارك ف حضرتك استاذ محمد



استاذ على ,, جزاك الله كل خير
والف شكر على رد حضرتك

والله العربيه هي ال زحفت منى على ال ار بى ام دا
ف فسوه كدا
اعمل ايه بس


انا زعلان والله ومتنكد من يومها وقولت ياريتنى ما عرفت ايه هو الكيك دون


بس الغلط عليا لانى متعود على السحب السريع ف المانويل و الجري و التغريز


ربنا يسهل بقى , لما بركب التيدا بحس انى محبوس جواها علشان مش عارف اجرى واسحب بيها
واقرص عليها



تحياتى لك