الموضوع: معاق وحصلت على جواب الاعفاء الجمركى للسيارات

انا اخي معاق وجاب مرتين وموضوع الضريبة فعلا كلامك صح هو رقم يقارب ال 5000 جنيه وكنت بتدفعه وبعدين تعمل قصة كده عشان تسترده ولكن للأسف حتي الأن اخي لم يسترد اي شيء كله كلام خلاص ولذلك تم الغاء الضريبة دي ولكن هل القرار وصل للتنفيذ ولا لأ مش عارف
بخصوص السعر فده محتاج منك تتعب شوية وتنزل تاخدلك لفة بدون شراء لأن الأسعار تغيرت نهائيا هناك يعني 25 الف كانو يجيبو بالضريبة لانوس او نوبيرا 1 ولكن اعتقد حاليا ممكن تجيب حاجه أعلي وممكن تزود شوية يعني 30 حاليا ممكن تجيب سكودا اوكتافيا موديل اواخر التسعينات

أؤكد عليك لما تنزل تلف ما تسمعش كلام حد عشان ما يضحكش عليك لأن النصب هناك كتيييييييير جدا فخليك صاحي لف واتفرج وما تخلصش في الموضوع غير لما تاخد معاك حد خبرة في السيارات لأن كل حاجه ليها سعر والعربيات دي بيكون منها بمواصفات عادية ومنها بمواصفات خاصة وممتازة ما نزلتش مصر وكل حاجه بسعر

وانا هسألك اخويا في الموضوع ده ولو كده هديك رقم تليفونه وهو يعرف ناس هناك ويعرف كويس تعاملاتهم ولو يعرف حد امين هيدلك عليه ان شاء الله

وعندي لك حل تاني أيضا لو لك حد بره مصر ويعرف يجيبلك عربية ويبعتهالك بالمواصفات اللي تعجبك هتوفر ييجي ثلث ثمنها وخاصة لو من دولة اوروبية لأني كنت في ايطاليا من كام شهر وسألت في القصة دي ولقيت العربيات المستعملة رخيصة جدا هناك وحالتها بالنسبالنا ممتازة يعني ممكن تجيب عربية كويسة جدا بحوالي 1000 يورو ولو وصلت 2000 يورو ممكن تجيب حاجه ملهاش حل زي فولكس باسات اواخر التسعينيات او اوكتافيا اوائل ال 2000 وشحن ومصاريف لن تتعدي 1000 يورو كمان وتبقي معاك هنا يعني ما يعادل 25 الف جنيه بس

وربنا يوفق

المشاركة الأصلية كتبت بواسطة karim2020

م/ايهاب منصور جزاك الله خيرا

ياريت حضرتك تفيدنى عن الاجراءات المتبعة بعد الحصول على الجواب ولو تعرف حد مضمون فى جمرك بور سعيد
خوفا من الوقوع فى ايدى النصابين
وكنت بسأل حضرتك ايضا عن الرخصة الخاصة وانا عندى رخصة خاصة لكن عادية هتنتهى الشهر الجاى
فكنت عايز اعرف اجددها ولا استنى لما اجيب العربية واطلع واحدة لذوى الاحتياجات

وجزاكم الله خيرا

اخوك مهندس مدنى/مصطفى

اهلا بيك اخي مهندس مصطفي
هسأل وارد علي حضرتك او هخلي اخي يرد هو عليك وربنا يوفقك لما يحبه ويرضاه ويرزقك الخير في الدنيا والأخرة
لكن عموما بالنسبة للرخصة فهي اهم شيء انك يكون معاك رخصة واللي مع اخويا رخصة خاصة عادية والأفضل تروح تجددها وبس
و ما اعرفش ايه رخصة ذوي الاحتياجات الخاصة دي !!!!