الموضوع: قماش سقف العربية سقط بعد الغسيل

السلام عليكم. أنا وديت عربيتي (بولو 2000) البنزينة وغسلتها غسيل شامل جوة وبرة. المهم هما مسحو العربية من جوا بمادة كيماوية في الكراسي والكنبة والسقف. تاني يوم لقيت قماش سقف العربية أغلبو لزقته فكت وبقى ساقط شكلو يضايق دا غير إنو بيلمس شعري من فوق فا بيضايقني زيادة. ربنا يسامح بتوع البنزينة. المفروض يكونو عارفين المواد اللي بينضفو بيها بتبوظ اللزق ولا إيه.

المهم دلوقتي ياريت لو حد فاهم في الموضوع دا يقوللي أنا محتاج أروح لمين عشان يرجعلي قماش السقف زي ما كان (سروجي؟). وهل العملية دي سهلة ولا اللي حاروحلو حيبوظلي السقف زيادة. وتكالييف الموضوع دا تقريبا كام؟

وأخيرا نصيحة إوعى حد يخلي حد يحط أي مادة على سقف العربية الداخلي ولا حتى ميه.

طيب هو فى سروجى يكون نظيف فى مدينة نصر علشان انا عندى نفس المشكلة