الموضوع: لوجاناوى جديد و عندى شوية أسئلة كتير

انا لسه مستلم العربيه الخميس و جيت بيها القاهرة النهارده و كنت ماشى على سرعة عاليه من 100 ل 140 و فعلا لاحظت صوت الصفارة ده و كنت منزعج منه جدا و كنت ناوى انى اعمل موضوع عنه استفسر عن السبب بس حضرتك سبقتنى

يا ريت اللوجانوية الكبار يفهمونا ايه السبب و الحل

المشاركة الأصلية كتبت بواسطة mmh666

العربية معايا بقالها اكتر من شهر و عاملة حوالى 900 كيلو ... أول عربية ليا طبعا و انا لسه سواق جديد و عندى شوية أسئلة بالنسبة للعربية
الف مبروك
1- بسمع صوت صفارة و انا سايق لما بكون على سرعة عالية من 70 لــ 100 عشان انا لسه فى التليين مبعديش الـ100
كان موجود عندنا كلنا و التوكيل باذن الله هيحلهالك

2- كنت نسيت و مشيت بالعربية و فرامل اليد مرفوعة (كذا مرة بس لفترات بسيطة و بفتكر و بنزلها) فحاسس دلوفتى انها سايبة مابتمسكش الا على اخر درجة او قبل الاخيرة قبل كده ممكن ارفعها من من غبر ما ادوس على الزرار بتاعها.
الطبيغي انك بترفعها من غير الزرار المهم متكونش مشيت كده كتير و هي مبتعملش مشكله متقلقش

3- حاسس إن الفرامل معدتش بالقوة اللى كانت بيها اول ما جبت العربية اعمل ايه عشان ترجع زى الاول تانى دى حتى مراتى ارتاحت منها دلوفتى كانت كل شوية فى الاول بتفولى فراملك جامدة اوى.
طبيعي برده و في اول صيانه قلهم هيظبتوها
4- البابين اللى ورا تقال اوى مش زى اللى قدام لازم ارزعهم جامد عشان يتقفلوا كويس (العيب ده من اول ما جبت العربية)
الموضوع ده برده في كل اللوجان قلهم برده
5- دواسة البنزين ممكن لو حطيت رجلى تحتها تترفع لفوق مش ثابتة بتتحرك هل دا طبيعى.
لا ده عادي في اي عربيه
6- ازاى العربية بتتنظف من تحت فى البنزينة بمية و لا باية عشان كل ما اروح اغسل العربية لازم يقوللى العربية عايزة تترفع و انا بطنش؟؟
متنضفهاش من تحت ولا حاجه سيبك منه مش دلوقتي خالص
7- اخر سؤال : طبعا العربية اتحكت و اتطبقت حوالى كده مسافة 30 سم تطبيقة بسيطة ماتبانش من بعيد من ناحية السواق فى البابين من تحت مع تطبيقة فى العتب من تحتهم و فيه خطوط بيضه كده فى الدهان حلها ايه دى
سيبها دلوقتي دي ضريبه الهربيه الجديده
معلهش انا طولت عليكم بس انا عارف إن صدركو رحب و ربنا يعلم ان المنتدى ده السبب فى انى اشتريت اللوجان
جزاكم الله كل خير

يا سيدي علي ايه

طب ينفع اروح التوكيل دلوقتى يظبطها (انا لسه مستلم الخميس و عملت 200 كم) و لا لازم استنى ميعاد الصيانة ؟

المشاركة الأصلية كتبت بواسطة anan552003

طب ينفع اروح التوكيل دلوقتى يظبطها (انا لسه مستلم الخميس و عملت 200 كم) و لا لازم استنى ميعاد الصيانة ؟

لا عادي روح بس اتصل احجز

المشاركة الأصلية كتبت بواسطة cheetos_892005

لا عادي روح بس اتصل احجز

تسلم يا باشا على الرد و الاهتمام و تم التنفيذ و حجزت الاتنين الجاى ان شاء الله و هبلغكوا باللى تم

المشاركة الأصلية كتبت بواسطة anan552003

تسلم يا باشا على الرد و الاهتمام و تم التنفيذ و حجزت الاتنين الجاى ان شاء الله و هبلغكوا باللى تم

العفو على ايه ....
ربنا يوفقك

انا بردو جايبه العربيه بقالي بتاع 3 اسابيع دلوقتي.. بس مش مضايقني غير ضوتها العالي.. اول ما بعدي التسعين على الخامس بحس ان روحها هتطلع!! صوتها بيبقى عالي قوي.. عندكو حل؟ ولا تعرفو ايه المشكله؟