إزاى أأمن عربيتى من السرقه

**tarekzein** · 07-03-2011 09:10 PM

المشاركة الأصلية كتبت بواسطة hellboy

ازيك ياا طارق يا زميل الكفاح ..
انا بشيل فيوز المارش من علبه الفيوزات اللي تحت الدركسيون وانا نازل من العربيه وبحطه تاني قبل ماادور الموتور مجرد اني عرفت وظيفه الفيوز ومكانه ..

فادى باشا

قائد جنرالات فرقه كفاح الفكترا بى

فكره جميله يافادى وبسيطه ومبتكره

دايما مبتكر وبتجيب من الآخر

ماشاء الله عليك

المشاركة الأصلية كتبت بواسطة magyver

هو احسن حل انا شااايفة
تفصل المااارش مع الريموت
يعني لما تقفل بالريمووت العربية ماتدورش خاالص
انا هاعملها ان شاء الله

المارش أو الأسبراتير أو طلمبه البنزين

كلهم ممكن فصلهم بالريموت

تحياتى

**harizy** · 08-03-2011 01:37 AM

أستاذ طارق يا عظيم
ياريس كلامك حلو جداً؛ بس كنت عايز أسأل هل ينفع مع الريموت الأصلى للعربية؛ وبعدين مدى نجاحه أيه؟؟يعنى هل يسهل تشغيله من قبل الحرامى بتوصيل سلكتين من خارج السيارة ولا الزرار يبقى أقوى فى الحالة دى. وآسف على الإطالة بس ردك طمعنى.

**tarekzein** · 08-03-2011 08:38 AM

المشاركة الأصلية كتبت بواسطة harizy

أستاذ طارق يا عظيم
ياريس كلامك حلو جداً؛ بس كنت عايز أسأل هل ينفع مع الريموت الأصلى للعربية؛ وبعدين مدى نجاحه أيه؟؟يعنى هل يسهل تشغيله من قبل الحرامى بتوصيل سلكتين من خارج السيارة ولا الزرار يبقى أقوى فى الحالة دى. وآسف على الإطالة بس ردك طمعنى.

ياباشا العظمه لله

وربنا يكرمك يارب

أنا والله على قدى مش محترف ولا حاجه

بس طبعا عربيتى أتسرقت وبفضل الله رجعتها

يبقى اللى يتلسع من الشوربه ينفخ فى الزبادى

وردود الأعضاء هنا خليتنى عديت عالكهربائى وأنا مروح أمبارح

عشان أتأكد هل سهل حد محترف يفصل الشغل ده من بره

قاللى هوه بفرض أنه دخل العربيه وفتح الكبوت

ومعاه عده كهربا هياخد مش أقل من نص ساعه عشان يدور ويعرف أيه اللى معمول بالظبط

ويمشى ورا أسلاك الأسبراتير ويعرف أيه اللى شغااال وأيه اللى فاصل

ومظنش فى حرامى فى الدنيا هيقعد يحاول فى عربيه كل ده

وطبعا الحارس ربنا فى الأول والآحر

بس تعمل اللى عليك

**harizy** · 08-03-2011 11:47 AM

أستاذ طارق
ربنا يكرمك على سرعة ردك واهتمامك ويجعله فى موازين حسناتك يوم القيامة.
ربنا يحفظ لك سيارتك ويرزقك شكر نعمه عليك.

أنا بجد شاكر لسيادتك جداً، وإن شاء الله أسأل فى التوكيل عن إمكانية عمل هذا الفصل الكهربائى سواء عندهم أو عند كهربائى وهل سيكون فى الريموت أم بزرار داخل السيارة، وتأثيره على الضمان؛ وأرد على حضرتك.

ومرة أخرى وأخيرة تشرف بحضرتك جداً وتسعدنى صداقتك وأتمنى استمرار المشاركات الإيجابية.

**tarekzein** · 08-03-2011 12:14 PM

تحت أمرك يا جميل فى أى وقت

والشرف ليا بمعرفتك

تحياتى

**a_hmed** · 09-03-2011 05:02 AM

انا دلوقتى عارف حوار الزرار المخفى

بس فيه مشكلة فى حوار الانذار:

دلوقتى الى فهمته اننا هنربط المبينة مثلا بالانذار

(انا مش عارف شكل دايرة الانذار) بس لو دايرة الانذار ديه عبارة عن سلك فقط من البطارية

معنى كدة ا لو السلك ده اتقطع الحوار بقى زى قلته (و اعتقد ان لما حرامى بيسرق عربية بيفصل الانذار الاول)

الكلام ده صح ولا فيه حاجة انا مش فاهمها ؟؟؟

**a_hmed** · 10-03-2011 01:48 PM

ايه يا جماعة ايه الكلام كلامى صح ولا ايه ؟؟؟

**tamerelsoud** · 10-03-2011 04:58 PM

سلام عليكم
معلش يا جماعة انا حاسس اني نشاذ في الموضوع ده
طيب واللي عنده فيات 127 من غير انذار يعمل ايه
ومحدش يقوللي يعمل اعلان عشان حد ييجي يسرقهاله هههههه

**tarekzein** · 10-03-2011 07:13 PM

المشاركة الأصلية كتبت بواسطة a_hmed

ايه يا جماعة ايه الكلام كلامى صح ولا ايه ؟؟؟

من قال الله أعلم فقد أفتى

المشاركة الأصلية كتبت بواسطة tamerelsoud

سلام عليكم
معلش يا جماعة انا حاسس اني نشاذ في الموضوع ده
طيب واللي عنده فيات 127 من غير انذار يعمل ايه
ومحدش يقوللي يعمل اعلان عشان حد ييجي يسرقهاله هههههه

أسهل طريقه تركب كلابش

والعربيه الصغيره زى الكبيره معرضه للسرقه

الحرامى مبيعتقش

وممكن تشوف فكرة فادى بتاعة شيل فيوز المارش وأنت نازل من العربيه

جامده فعلا وبسيطه

**hpxp** · 10-03-2011 10:07 PM

المشاركة الأصلية كتبت بواسطة tamerelsoud

سلام عليكم
معلش يا جماعة انا حاسس اني نشاذ في الموضوع ده
طيب واللي عنده فيات 127 من غير انذار يعمل ايه
ومحدش يقوللي يعمل اعلان عشان حد ييجي يسرقهاله هههههه

خدها جمبك علي السرير وقول استرها يارب :-)

الموضوع: إزاى أأمن عربيتى من السرقه

LinkBack

أدوات الموضوع

عرض

-

-

-

-

-

-

-

المواضيع المتشابهه

هشتري ان شاء الله نيو سيراتوا وعايز أأمن عليها اعمل اية واية احسن شركة أأمن

أأمن مع ميييييييييين؟؟؟؟؟؟؟؟؟؟؟؟؟

هل ينفع أأمن على عربيتي

أأمن فين؟؟

أأمن على العربيه و لا لا ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة