هل السعر المطلوب معقول ولا غالى ؟

**zoghrob** · 01-06-2007 05:02 AM

سيارتى لانسر 1300 موديل 1992 فيها تكييف و كاسيت و سى دى و زجاج 4 ابواب و سنترلوك ، دواخلها فابريقة و حالتها ممتازة و كل اللى شافها قال حالتها رائعة.
بافكر ابيعها و اغير لموديل 2007 ، فهل لو طلبت 47000 يبقى معقول ولا غالى حبتين ولا مبالغ فيه قوى.
ارجو الرد و تقدير الثمن المناسب مع خالص شكرى و احترامى و تقديرى

**M_ElSabaa** · 01-06-2007 05:08 AM

موديل 98 - 99 بيعمل 50-55 الف جنيه
اعتقد ان السعر الى انت طالبه كتير حبتين وانا سمعت اتها بتعمل 40 الف دى لو حالتها من الاخر بس طبعا لو جالك اكتر من كده يبقى خير و بركة

**zoghrob** · 01-06-2007 05:18 AM

هل انت متاكد ، انا متلخبط لأنى شفت 90 و 91 بتتباع على 41000 و 43000 يبقى ازاى 92 تبقى 40 لو حالتها ممتازة ؟؟
و لو حسبنا ان ال98 بتتباع 50-55 و حسبنا ناقص 2000 مثلا لكل سنة مش يبقى السعر حوالى 42 على الأقل ، انا نش عارف باحسبها صح ولا غلط و لكن مساعدتكم لى هاتكون دليلى فى تحديد السعر المناسب و شكرا

**hazem_khidr** · 01-06-2007 06:37 AM

هو حضرتك لو تقصد عيون صفيه اخرها 38 او 40 الموديل اللي بعدها اللي هو البطه في حدود 45 اخر حاجه و ما تنساش ان عربيه حضرتك 92 يعني لو بطه في بطه برضه موديل 96

**Abdallah** · 02-06-2007 02:28 AM

ما بين 40 الى 43 الف وليس ازيد ولاحظ انها راشة خوارج.

**شريف** · 02-06-2007 02:26 PM

بص شوف فى الوسيط و اتصل و اسال عن الحاله كويس
انا من معرفتى بالسوق هقول 40 لانها عيون صفية دة فى حالة لو العربية مش عايزة شغل خالص
لو فيها حاجة مثلا عايزة تغيير حاجة فى العفشة او محتاجة تترش برة تقل الف الفين
وبنا يبعد عنك التجار

**Karim_Monir** · 02-06-2007 02:31 PM

انا اعرف واحد لسه بايع موديل 96 الشكل اللي بعد البطة وقبل الكريستالة
فابريكة جوة وراشة نضافة بس برة وماشية 130 الف بس وتكييف وبارو وكاسيت وسنتر و2 زجاج
باعها ب 46 الف وكان توبها

**zoghrob** · 02-06-2007 03:30 PM

شكرا يا جماعة على اهتمامكم ، اولا هى لانسر بطة و حالتها ممتازة بشهادة الجميع والله و اولهم اصحاب معارض المستعمل بس دول مش باخد بكلامهم فى الاسعار لانهم مش دوغرى و بيحاولوا يوطوا سعر العربية على الاخر علشان يطلعوا فايدة كبيرة لنفسهم فانا عايز ابيعها عن طريق اعلان مباشر و ابعد عنهم و عن السماسرة ، و لو وصلت عن طريق ارائكم الى السعر المناسب على طول انزل العربية فى قسم الاعلانات مع صورها و الصور جاهزة عندى مش ناقص غير رفعها على المنتدى ، و شكرا للجميع

:D :lol:

**شريف** · 02-06-2007 03:33 PM

انا اعرف واحد لسه بايع موديل 96 الشكل اللي بعد البطة وقبل الكريستالة

انا اول مرة اسمع عن الموديل دة
هو انا شفت 97 فى السوق و كانت كانها الكريستالة بس مش عارف الاختلافات اية
هو من اول عيون صفية لالكريستالة فية اختلافات مكانيكية. :?: