الموضوع: هو ايه المطلوب

المطلوب مصر تبقى زى ليبيا

المشاركة الأصلية كتبت بواسطة moustafa_saad

السلام عليكم ورحمة الله وبركاته

دلوقتى عاوز اعرف ايه المطلوب من المجلس العسكرى اكتر من اللى هو عمله

اجبر مبارك على التخلى عن الحكم

دخل معظم رموز الفساد للسجن بما فيهم ابناء مبارك نفسه

حما الشعب والثوره ومفيش رصاصه واحده طلعت من بندقية عسكرى او ظابط فى الجيش وشوفوا اللى بيحصل فى سوريا وقارنوا وانا عندى معلومات مؤكده ان فيه ظباط وعساكر ماتوا قبل تنحى مبارك وجاتلهم تعليمات ان لو ولعوا فيكم وانتم فى الدبابه خليكم فيها ومحدش يضرب طلقه واحده والكلام ده من ظابط جيش اعرفه كان فى دبابه فى ميدان التحرير

وضع برنامج زمنى لتسليم السلطه لرئيس منتخب وبرنامج مستعجل كمان لدرجة ان الناس كانت بتطالب بوقت اكتر من كده
اعلنوا بدل المره الف انهم مش طمعانين فى الحكم ومعتقدشى ان فيه شواهد بتدل على غير ذلك

الناس اللى بتطالب بسرعة المحاكمات نسيوا ان ناس كتير ليها حق وبتتنازل عنه وبترضى بجزاء منه علشان ماتدخلشى نفسها فى موال التقاضى والسنين الطويله اللى بياخدها فما بالك بقضايا حرجه زى دية وكلنا شوفنا محاكمة مجرمين الحرب فى البوسنه خدت كام سنه يعنى مش على المستوى المحلى بس لا اذا كنا عاوزين محاكمات ثوريه بدون اى ادله وخلاص ومحدشى يقول انه عنده دليل ثابت ان مبارك قتل الثوار انا مش بدافع عنه طبعا وبكرهه كره العمى بس دى تهمه مش بسهوله يمكن اثباتها عليه وفى وقت بسيط

انا شايف ان نهدى شوي وكلها كام شهر وييجى رئيس منتخب ونشوف حيعمل ايه وساعاتها نحاسبه صح لان احنا الى اخترناه وجبناه لمنصبه

ياله منتظر حدف الطوب دلوقتى

خراب البلد

لما الناس اللي واقفة في التحرير عايزة المحاكمات بسرعة كدة على السخان يبقى اكيد عايزين حد يتظلم يا اما الشعب يا اما مبارك

و احب اقول ان قضية هشام طلعت مصطفى اللي كانت الادلة فيها واضحة اتحكم فيها بعد اد ايه ؟

لما الناس دي تطالب بحق الشهداء .. يبقى اكيد فيه حاجة غلط لأن اهالي الشهداء الحقيقيين احتسبوهم شهداء عند الله و بعدين اصلا مين اللي بيعمل خير و مستني قصاده مقابل .. لأن على كلامهم من حق اهالي شهداء حرب 1973 يطالبوا بمبالغ و تعويضات و محاكمة كل جندي اسرائيلي قتلهم

من امتى احنا كشباب بقينا نفهم في السياسة

ليه احنا الشباب .. او بلاش احنا .. هما الشباب اللي في التحرير هما اللي بيطالبوا مع ان معروف عن الشباب انهم دائما متسرعين يعني عايزين كل حاجة بسرعة بغض النظر عن النتائج

للأسف يا سادة كل ما اروح في مكان و اتكلم مع حد و اسأله عن رأيه في اللي بيحصل في التحرير يقولي دول عالم فاضية موراهمش اي حاجة و لا يمتوا بصلة للناس اللي كانت موجودة من يوم 25 يناير .. للأسف دة نفس الرد اللي بسمعه من اشخاص مختلفة منهم الكبير و الشاب و منهم ذو تفكير و منهم ذو مكانة

المشاركة الأصلية كتبت بواسطة أبومعاذ

اللي محتاجينه حاليا جدول زمني واضح و غير قابل للتغيير لنقل السلطة

ممكن توضيح اكتر للجدول الزمني اللي حضرتك شايفه يكون ازاي

المشاركة الأصلية كتبت بواسطة khaled_sabry

احجزلى طوبه جنبك

المشاركة الأصلية كتبت بواسطة moustafa_saad

ياله منتظر حدف الطوب دلوقتى

و انا معاكم

المشاركة الأصلية كتبت بواسطة أبومعاذ

الانتخابات مش كانت في سبتمبر؟ ليه بقت في ديسمبر وهل ممكن المجلس يأجل تاني؟ وهل التأجيل ليه أسباب خفية؟
كل ما أسرعنا في خطوات إقامة نظام البلد كل ما أسرعنا في إتجاه الإستقرار و قتل الفتن اللي هتزيد طول ماحنا قاعدين مبنتقدمش لقدام

انا موافق حضرتك تماما في تعجيل الإنتخابات وفعلا مفيش اي تقدم حتي الان
ممكن يكون التأجيل بنية سيئة لدي الجيش
لكن اللي شايفينه دلوقتي من انعدام الأمن
وكثرة المظاهرات المستمرة حتي بعد وعود الجيش
ممكن يكون الجيش بينافق ساعتها انزل تاني لكن مش افضل مستمر في المظاهرات
الشرطة المفروض هي اللي حتأمن الإنتخابات حتأمنها ازاي واحنا لحد دلوقتي احداث مسرح البالون مش عارفين حقيقتها كاملة
ودا بيدل علي الضعف الشديد في الشرطة يبقي حتأمن الإنتخابات ازاي