أنذار الجيتز

**engtmk** · 06-03-2011 12:30 AM

حاجه غريبه حصلت النهارده غسلت العربيه الجيتز رجعت للبيت بقفلها بالريموت الانذار بيعمل ضوء بس (نور الأنتظار) من غير صوت

رغم انه كان بيعمل صوت قبل غسلها.

العربيه جيتز اوتوماتيك 2011 كده فيه مشكله في الانذار ولا ديه مساسه تظبيط

أرجو الأفاده وشكرا

**engtmk** · 06-03-2011 03:01 PM

طيب ده عيب اروح التوكيل ولا مجرد حاجه ممكن اعدلها انا

**semsem7222** · 06-03-2011 04:50 PM

نفس الحكاية حصلت معايا ومن غير غسيل كمان عربيتى اكسنت ار بى 2011 اوتوماتيك ياريت لو لقيت حل قولى

**engtmk** · 06-03-2011 10:37 PM

أن شاء الله هاروح التوكيل بقه وامري لله واشوف ايه اللي جري للأنذار حاجه مش عارف اقول تقرف ولا اسمه ايه

العربيه لسه معلتش 1600 كم وحاجات تبوز.

**Ayman-Ahmed** · 07-03-2011 07:13 PM

طيب ما تجربوا تضغطوا على زرار القفل 5 ثوانى وتفضل ضاغط على الزرار لان هو ده ال Mute بتاع الانذار واحتمال يكون العامل وهو بيغسلها زهق من صوت الانذار وقفل الصوت.

**samirsaid1** · 08-03-2011 02:28 PM

انا عندى نفس المشكلة فى النيو اكسنت

بس زيادة بقى ان الابواب مش بتقفل من الريموت

**Ayman-Ahmed** · 08-03-2011 08:10 PM

طيب السنتر بيقفل ويفتح عادى ولا بيعلق ؟ والسنتر بيقفل بعد 5-10 ثوانى من تحرك العربية ولا لا؟

**engtmk** · 10-03-2011 04:09 PM

المشاركة الأصلية كتبت بواسطة emo_ayman

طيب السنتر بيقفل ويفتح عادى ولا بيعلق ؟ والسنتر بيقفل بعد 5-10 ثوانى من تحرك العربية ولا لا؟

أسف علي التأخر في الرد.

السنتر بيفتح ويقفل عادي وبيقفل بعد ثواني من تحرك العربيه اول مادوس بنزين او فرمله حتي.

بالنسبه للضغط علي القفل انا جربتها مفيش تغيير هجربها تاني النهارده ان شاء الله جايز تفلح

بس ليه سوال ليه الانذار مش بيتشغل غير لما احاول مثلا افتح الباب الشمال (باب السواق) او اقفل المرايا اللي ناحيته بطريقه جامده غير كده هو لو خبطت برجلك حته جنب العربيه اليمين ولا الهوا ولا كان فيه اي حاجه

**Ayman-Ahmed** · 10-03-2011 05:21 PM

المشاركة الأصلية كتبت بواسطة engtmk

أسف علي التأخر في الرد.

السنتر بيفتح ويقفل عادي وبيقفل بعد ثواني من تحرك العربيه اول مادوس بنزين او فرمله حتي.

بالنسبه للضغط علي القفل انا جربتها مفيش تغيير هجربها تاني النهارده ان شاء الله جايز تفلح

بس ليه سوال ليه الانذار مش بيتشغل غير لما احاول مثلا افتح الباب الشمال (باب السواق) او اقفل المرايا اللي ناحيته بطريقه جامده غير كده هو لو خبطت برجلك حته جنب العربيه اليمين ولا الهوا ولا كان فيه اي حاجه :u_thin1[1]:

جربها تانى وبامر الله هتشتغل ولو مشتغلتش يبقى اى كهربائى يبصلك على الفيوزات.يمكن فيوز محروق او معلق مع انه احتمال بعيد.واحتمال الانذار عندك مش متزبط لانه بيعلق مع السنتر.ويبقى كدة برده كهربائى يبصلك عليه

نفس الموضوع فى النيو اكسنت.الناحية الشمال اكتر حساسية للانذار من اليمين ويمكن والله اعلم عشان حساس الانذار فى الشمال.

**mada_76** · 10-03-2011 05:30 PM

المشاركة الأصلية كتبت بواسطة emo_ayman

جربها تانى وبامر الله هتشتغل ولو مشتغلتش يبقى اى كهربائى يبصلك على الفيوزات.يمكن فيوز محروق او معلق مع انه احتمال بعيد.واحتمال الانذار عندك مش متزبط لانه بيعلق مع السنتر.ويبقى كدة برده كهربائى يبصلك عليه

نفس الموضوع فى النيو اكسنت.الناحية الشمال اكتر حساسية للانذار من اليمين ويمكن والله اعلم عشان حساس الانذار فى الشمال.

مظبوط يا باشا
الحساس بتاع الانذار موجود جنب الفيوزات تحت على الشمال وبيكونوا عاملين السينسور بتاع على اقل درجة من الحساسية يعني لازم خبطة جامده عشان العربية تزمر او تفتح الباب .
انا بصراحة مرة جربت وخليتهم يعلوا السينسور بس معرفتش انام لان كل عربية بتعدي من جنبها بتزمر فقولت لا الاول احسن .
عايز انصحكوا نصيحة من واحد معاه جيتز من اواخر 2007
بلاش وانت بتغسل العربية تخلي الراجل يغسل القوايم والعتب بالمسدس وهو فاتح ابواب العربية عشان السلوك بتاعة الانذار معدية في الاماكن دي ومرة حصلت معايا والعربية مرديتش تدور اصلا لغاية لما نشفت .
ناهيكوا عن ان الراجل بيجيب مياه على الفرش والتابلوه وارضية العربية بتشرب مياه ودي هاتعمل بارومة على المدى البعيد
وربنا يباركلنا في عربياتنا جميعا

الموضوع: أنذار الجيتز

LinkBack

أدوات الموضوع

عرض

-

-

-

-

المواضيع المتشابهه

أنذار مع قصل موتور

كيفية تشغيل أنذار الـ f3

أنذار الماروتى بيعلق ؟؟

أنذار و سنتر للكليو

أنذار للبيكانتو

الكلمات الدلالية لهذا الموضوع

المفضلات

المفضلات

ضوابط المشاركة