أنذار و سنتر للكليو

**Cell_k** · 29-05-2009 01:39 PM

السلام عليكم

جمعة مباركة على الجميع يإذن الله

يا وحوش عايز أركب انذار و سنتر فى الكليو تعبت و الله كل شوية انزل الصبح الاقى خربوش او تطبيقة فى العربية
الواحد بيتعكنن اليوم كلة و لا بعرف اشتغل و لا اعمل اى حاجة

علشان كده قررت اركب انذار و سنتر اليوم قبل غدا ...

ممكن مكان أشترى منه ؟ و اية اشترى ايه بالظبط
و ممكن تدلونى على مكان كويس اركب عندة ؟

اصحابى بيقولولى شارع دمشق احسن مكان ؟

أسف جدا مواضيعى الاستفسارية كثيرة جدا و ارجو ان يسع صدركم لى

**Ahmed Selim** · 29-05-2009 01:58 PM

معلش يا باشا.....قدر الله وما شاء فعل

أنا مجربتش غير واحد فى شارع دمشق أسمه السجان و واحد تانى فى مدينة نصر أسمه أمبير.....بس السجان برقبته.

**Cell_k** · 29-05-2009 06:37 PM

السلام عليكم

طب سؤال أخير يا وحوش ... هل فى ضرر من تركيب الانذار على السيارة ؟ او هيكون فى تعارض مع السيكيورتى اللى فى العربية اصلا ؟

و فى نوع لاقيتة اسمة Wolf الناس بتقول كويس ؟ اشترية و اركبة عن السجان ؟

**A.Saad** · 29-05-2009 07:03 PM

انا نقطة التعارض مع السيكيورتى عندك مش عارف
انا معايا كيا
ركبت انذار اسمه SPY
ده بيشتغل بتقنية اسمها 2 Way
يعنى الريموت عليه شاشة بتبين لو انذار العربية ضرب وسيي الضرب ايه

انا جبته من توكيله نفسه فى التوفيقية ب 330 وركبته عند ادريان فى الهرم ب 75
بس مكتوب ان مدى الريموت 5000 متر
بس البايع قاللى ان الفعلى لا يزيد عن 400 متر
وده رابط لموضوع زميل كان اكلم عنه
http://www.nilemotors.net/Nile/showthread.php?t=49832

**Cell_k** · 30-05-2009 12:11 AM

السلام عليكم

بجد منتهى الحيرة ! روحت السجان فى دمشق معندوش غير نوع واحد بس اسمة 3S ! و بـ 250 جنية بالتركيب و بقولة معندكش غيرة قالى فى نفس الماركة بـ 290 طب يا عم ايه الفرق ؟ 250 ريموت بس 290 ريموت بالمفتاح ... بصراحة قولت كويس انذار بـ 250 و بالتركيب و ضمان سنة على الجهاز و التركيب عند السجان نفسة ! بس بينى و بينكم الشك دب فيا و الانذار شكلة كده مش مريح و الريموت زرايرة مش مريحة فى الضغط عليها و العلبة شكلها اى كلام فقولت اللف شوية ... لقيت ماركات مختلفة و اسعار مختلفة بس كلهم ضمان الجهاز بس و التركيب لأ ! يعنى لو حصل حاجة ارجعلة يصلحها على حسابى

يا وحوش ساعدونى انا الشارع بتاعى من الساعه واحدة بليل بيقلب حلبة سباق علشان فى كافيهات و مطاعم فاتحة للصبح و الناس اللى بتتفرج بتعمل عربيتى مدرجات

و الله الشنطة اللى ورا كل ما ابصلها و افتكر شكلها من شهرين اتحسرررررر .

دلوقتى عايز منكم نوع كويس و مكان كويس يكون فاهم فى العربية الكليو اركب عندة من بكرة .

و شكرا .

**Amr_Moh** · 30-05-2009 12:21 AM

طبعاً الكلام فالأخر ليك بس كل الإنذارات التقليدية زي بعضها مش حتمسك الحرامي، فمتجبش حاجة غالية مش حتفرئ أوي..لف لفة في دمشق إسأل كل بتوع الاكسسوارات والكماليات .. و فاصل

**Cell_k** · 30-05-2009 02:52 AM

المشاركة الأصلية كتبت بواسطة Amr_Moh

طبعاً الكلام فالأخر ليك بس كل الإنذارات التقليدية زي بعضها مش حتمسك الحرامي، فمتجبش حاجة غالية مش حتفرئ أوي..لف لفة في دمشق إسأل كل بتوع الاكسسوارات والكماليات .. و فاصل

السلام عليكم

شكرا أخى عمرو على ردك المقنع ... و فعلا بعد بحث على النت وجدت ان كل الانذارات متشابهة
بس فى نوع أسمة SYMPHONY تايوانى الكل أجمع انه كويس و بيعيش و هركبة إن شاء الله فى مركز كلاريون اللى ميدان الحجاز ...

بس كل اللى عايز أعرفة قبل ما أركب الانذار هل فى ضرر على كهربة العرببية او السيكيوريتى ؟

ياريت لو حد يعرف يفيدنى ضرورى .

شكرا لكم جميعا .

**A.Saad** · 30-05-2009 04:27 AM

سيمفونى خد بالك وانت بتشتريه ان فيه تيكت ابيض على جنب العلبة عليه ماركة العربية اللى هيركب عليها
انا شفت ده قبل كدة فى التوكيل بتاعهم فى التوفيقية

الموضوع: أنذار و سنتر للكليو

LinkBack

أدوات الموضوع

عرض

-

-

-

-

المواضيع المتشابهه

أنذار مع قصل موتور

أنذار الجيتز

أبدأ كورسات فى سنتر نضيف ولا سنتر تحت السلم

أنذار الماروتى بيعلق ؟؟

أنذار للبيكانتو

الكلمات الدلالية لهذا الموضوع

المفضلات

المفضلات

ضوابط المشاركة