اقتباس المشاركة الأصلية كتبت بواسطة hagan مشاهدة المشاركة
الاخ الكريم
صاحب الموضوع
موضوع مهاجمة امن الدولة كمقر (( ليست هي الخطورة علي البلد ))
هذا المكان ياما اتعذب فيه ناس ابرياء و من قبل السادات هدم المعتقلات حينما مسك الرئاسة و مقرات امن الدولة ياما
ناس لمجرد انها (( قالت ربي الله )) كانت بتتاخد علي بوزها
مجرد (( دقن )) تبقي ماشي بيها في امنت الله تتسحب و تتغمي عنيك و تتعامل معاملة غير ادمية وغيرها من الامور (( القذرة )) التي لا نريد الخوض فيها
الموضوع المهم بقي مش ليه اتهاجمت لا اللي يشغلك و يشغلني القادم يعني الاسبوع ده (( مقرات امن الدولة ))
طب جماعة تانية ممكن من وجهة نظرها ان الاسبوع القادم
ممكن يهاجمو مكان تاني و لن اكتب مثل ماذا لان الاماكن كتير
علي غرار مثلا (( ان المكان ده بيعدي منه ناس غير مرغوب فيهم ))
و بعد اسبوع اخر يتم مهاجمة كذا و كذا و كلا له وجهة نظرة
طب ليه يا شباب لا نتكاتف حاليا (( للعمل )) و البدء في الكفاح
و الخروج سريعا من ازمة (( الركود )) كي نساعد الوزراء الوطنيون اللي ان شاء الله مترشحين حاليا من قبل رئيس وزراء حائز علي الاغلبية
انا حاسس بجد و الله العظيم
ان في ناس مش حابه (( ميكونش فيه اثارة )) و اغلب المتواجدين هنا في المنتدي بيتهمو (( ازلام النظام السابق بهذا )) و انا معهم
بس انا حاسس ان فيه جزء ايضا ليس بالقليل من الثائرين
و خصوصا الشباب حابب دائما يكون فيه اثارة و حماس كي يحدث تحدي و يحدث حالة حراك و (( ثورة ثورة ثورة ))
و خطابي موجه لهؤلاء الاخوان و الاصدقاء و الشباب اللي معانا هنا في المنتدي الذين اجد الكثير منهم حابب دائما ان يكون هناك (( عدو )) او (( مخالف )) كي يوجد نقاش حاد ثم يبدء هو في ايجاد شرعية للهجوم و التريقة و التشفي وهكذا و حاسس ان مع تغيير الحكومة
النغمة لسه شغالة (( بكره بقي هنعمل كمان كذا و كذا ))
و ادينا شفنا موضوع تافه في رأيي بس معناه خطير جدا لو اننا نعقل
و هو موضوع مهاجمة (( حسام حسن )) في الشارع
لو الموضوع ده (( حقيقي )) و الله يا جماعة البلد كده امرها لا يبشر بأي خير و القادم اسوء
و نفسي الاخوة المعارضين لرأيي بدل ما واحد يتعب نفسه و يرد عليا و يقولي متخفش و متقلقش و البلد في امان
يقنعني و يحاول يناقشني يمكن انا غلطان
و معانا رجل هنا نكن له جميعا الاحترام و التقدير
علق علي بتوع مصطفي محمود بأنهم (( صيني )) و اكيد دول مش اصلي و انا اقول (( لا )) منهم مصريين خايفين علي البلد زيكم بالضبط
منهم الوطنيون الذين يقدمو للبلد كل يوم بكل شرف
منهم الشرفاء الذين يجدون ان هذه البلد ملك للجميع و ليس من حق احد ان يتحدث بالنيابة عنهم لانهم لم يكلفو احد بذلك
و اللي محيرني ان الانتقاد (( لما يحدث في مصطفي محمود ))
من نفس الناس اللي يريدون الحرية
و لما قلنا سابقا ان دي (( فتنة )) و هي الانشقاقات التي ممكن ان تحدث نتيجة عدم الالتفاف وراء شخصية علي الاقل في هذه الفترة
كي ننعم بألامن و الشخصية دي مجرد فترة بسيطة حتي تحدث الانتخابات النزيهة قالو لنا (( لا اطلعو من البلد )) انتو بتثبطو المعنويات
عموما انا لن امل من التعبير عن رأيي
لان الله يعلم ما في داخل قلبي لوطني و لاخواني و لكل الاصدقاء
و ربنا يوحد صفنا و يلم شملنا فيما يحب و يرضي

م.حاتم السباعي
و اللهى كلام زى الفل
و فعلا الموضوع ابتدى بالشرطة ثم القصر الجمهورى بس ربنا ستر و بعدين امن الدولة و بكرة يوقلك ده الجيش متواطئ و نهاجمه بس فعلا لازم نقلق من اللى ورا الكلام ده لن فى ناس وراه مهتمة أوى ان البلد ميبقاش فيها أى جهات مراقبة و دى مصيبة لا يعلم حجمها إلا الله

اقتباس المشاركة الأصلية كتبت بواسطة yobaaa مشاهدة المشاركة
القوات المسلحة بس مش قادرة تمسك كويس علشان الأحداث متلاحقة و الوقت قصير و عدم نزول الشرطة

ربنا يطلعنا من اللى احنا فيه على خير و يبعد عننا كل من يريد بنا سوء

أنا عندى حل لموضوع الأمن: ليه الجيش ميعلنش التعبئة العامة و يجيب كل اللى فى سن التجنيد (وأنا واحد منهم) و يدخلو الجيش سنة بحيث يبقى عنده عدد كافى يسيطر بيه على البلد لحد اما الشرطة تتظبط و الدنيا تهدى
هو حل كويس جدا بس لية مفيش اى حاجة بتتنفذ محدش عارف
المشكلة انا حاسس الجيش بتاعنا بقى فعلا بيصحى العصر و بيفطر شاى و منين و مدلع الدنيا على الأخر
يعنى بطئ شديد فى القرارات/عدم تنفيذ حظر التجول بشدة/اى حاجة تتقال من التحرير يقول حاضر /مفيش حماية لمخازن الأثار و لا للمؤسسات الحيوية زى مقرات امن الدولة/مياعة كده و دلع و مش شغل جيش خالص

الواحد نفسه الجيش يشد شوية كده و يكشر عن انيابه لحد ما الكلاب ترجع جحورها تانى (البلطجية و الحرمية و الناس اللذيذة دى علشان محدش يفهم غلط)