أحسن انذار لحماية اللوجان من السرقة

**mazenzyad** · 08-03-2011 05:54 AM

المشاركة الأصلية كتبت بواسطة mazenzyad

انا روحت النهاردة التوكيل و ركبولى انذار كوبرا ب 400 جم بالتركيب ، لكن ظهرت مشكلة غريبة مكنتش عندى كل ما بعدى على المطبات لمبة الباب بتاعى بتنور ( كأنو مفتوح ) اشد الباب لجوة النور يختفى طبعا مع وجور لمبة الصالون منورة مع نور الباب اللى بيرعش ، يا ترى ايه حل المشكلة دى ، ارجو الافادة

ايه الحل يا وحوش ؟

**Egyzizo** · 08-03-2011 12:56 PM

أنا ركبت جهاز spy 2 way من سنة وشهرين ، وماعملش أى مشاكل ، ومبسوط منه على الآخر ..
ركبته فى spare car ، ش ريحان قدام وزارة الداخلية ، وكان تمنه 350 جنيه على ما أتذكر ، وأعتقد أنه دلوقتى أرخص.
ميزته عن الانذار العادى ان الريموت فيه شاشة ، بحيث لو كانت العربية فى مدى الريموت (حوالى 200 - 500 متر حسب المبانى) ، يعطيك تحذير باهتزاز فى الريموت وصورة على شاشته باللى بيحصل فى العربية لو الانذار اشتغل مثلاً (اتخبطت ، باب اتفتح ، حد دورها .. إلخ ، كل واحدة من دول ليها صورة معينة بتظهر على الشاشة).

**Ahmed A Rahman** · 08-03-2011 01:40 PM

المشاركة الأصلية كتبت بواسطة Egyzizo

أنا ركبت جهاز spy 2 way من سنة وشهرين ، وماعملش أى مشاكل ، ومبسوط منه على الآخر ..
ركبته فى spare car ، ش ريحان قدام وزارة الداخلية ، وكان تمنه 350 جنيه على ما أتذكر ، وأعتقد أنه دلوقتى أرخص.
ميزته عن الانذار العادى ان الريموت فيه شاشة ، بحيث لو كانت العربية فى مدى الريموت (حوالى 200 - 500 متر حسب المبانى) ، يعطيك تحذير باهتزاز فى الريموت وصورة على شاشته باللى بيحصل فى العربية لو الانذار اشتغل مثلاً (اتخبطت ، باب اتفتح ، حد دورها .. إلخ ، كل واحدة من دول ليها صورة معينة بتظهر على الشاشة).

انت فين يابني من زمان انا بدور بقالي زمن على حد مركبة

اتكلمت مع المهندس احمد اسماعيل كان عامل عنه تقرير Ahmed Su

بس كان نفسي الاقي حد مركبه في اللوجان
عشان اعرف لو فيه تاثير على اي حاجه في العربية, كهربا, كمبيوتر رحلات, الخ.

انا كلمت سبير كار التجمع الخامس وقالوا عندهم

ايه رأيك عشان نازل دلوقتي اركبه اتوكل على الله ولا استنى ؟؟؟

رأيك بسرعة ياباشا

**shoka** · 09-03-2011 05:02 PM

المشاركة الأصلية كتبت بواسطة egyzizo

يا باشا اتكل على الله ..
الانذار زى الفل ومش عامل أى مشاكل فى أى حاجة فى كهرباء العربية، ومش متخيل ان العربية تبات من غيره ..
بس خللى بالك فيه امكانية فيه ماعرفوش يشغلوها عندى أو نسيوا مش عارف ، وهى انك لما تدور وتمشى ، بمجرد ما تلمس الفرامل العربية تعمل قفل أوتوماتيكى للسنتر، فركز عليهم انهم يشغلوها لأنها ميزة حلوة خصوصاً للى عندهم أطفال زى حالاتنا.

اخيرا لقيت حد مركبة فى اللوجان
معلش هانتعبك معايا فى شوية استفسارات
1-هل فيه اى سلوك باينة فى العربية ياريت لو تقدر تصور العربية مكان تركيب الانذار
2-هل روحت عملت صيانة فى التوكيل بعد تركيب الانذار لو اه حد اتكلم معاك فى حاجة
3-صحيح هو ركب الانذار على البطارية ولا اشتغل على ضفيرة العربية
4-الريموت الى فيه الشاشه اسمع انه بيخلص شحن بسرعة والناس بتشتكى من كتر تغيير الحجارة
5-هل ينفع اكتم صوت سارينة الانذار م}قتا بس فى نفس الوقت الريموت ينبهنى لو فى حاجه

الف شكر واسف على الاطالة

**Egyzizo** · 10-03-2011 12:43 AM

1) مافيش أى سلوك باينة فى العربية على الاطلاق ، فمش هينفع أصور مكان تركيب النذار لأنه تحت الفرش عند الرجل الشمال فكأنك مش مركب حاجة.

2) كل صياناتى من 5 إلى 20 ألف عملتها بعد تركيب الانذار (والشاشة ، والكاميرا الخلفية كمان) ، وماحدش قال حاجة.

3) مش عارف

4) بأغير الحجر كل شهر أو شهر ونص تقريباً ويمكن استخدام حجر شحن،

5) ينفع ونص.

ملحوظة : مرفق ريموت إضافى بدون شاشة ، والحجر بتاعه بيقعد سنين.

وتحت أمرك فى أى تساؤلات.

**ahmedbakr50** · 10-03-2011 01:04 AM

المشاركة الأصلية كتبت بواسطة Egyzizo

1) مافيش أى سلوك باينة فى العربية على الاطلاق ، فمش هينفع أصور مكان تركيب النذار لأنه تحت الفرش عند الرجل الشمال فكأنك مش مركب حاجة.

2) كل صياناتى من 5 إلى 20 ألف عملتها بعد تركيب الانذار (والشاشة ، والكاميرا الخلفية كمان) ، وماحدش قال حاجة.

3) مش عارف

4) بأغير الحجر كل شهر أو شهر ونص تقريباً ويمكن استخدام حجر شحن،

5) ينفع ونص.

ملحوظة : مرفق ريموت إضافى بدون شاشة ، والحجر بتاعه بيقعد سنين.

وتحت أمرك فى أى تساؤلات.

جزاك الله خيرا على المعلومات الجميلة
بس مش 350 جنيه على إنذار بس غالى حبتين؟ ولا هوه ده سعر spy 2 way عشان فيه إمكانيات أكتر؟
طيب إذا إنذار عادى يبقى بكام عند سبير كار؟

**Egyzizo** · 10-03-2011 01:53 AM

العادى فى حدود 150 جنيه ..

ده غالى علشان فيه تكنولوجيا زى الموبايل كده ، فيه اريال بيركب فى العربية والريموت معاك بيبقى زى الموبايل بيستقبل الإشارة من الاريال ده تقول لك اللى بيحصل فى العربية وفيه vibrations برضه بالإضافة إلى انذار صوتى من الريموت نفسه.

الميزة دى هتستفيد بيها فقط لو كنت فى مدى الارسال اللى هو من 200 إلى 500 متر بعيد عن العربية حسب المبانى اللى فى المنطقة.

لو مضطر دايماً تركن بعيد عن بيتك أو شغلك ، يبقى خليك فى العادى لأن هيبقى كده هو هو بالظبط.

**shoka** · 10-03-2011 10:20 AM

المشاركة الأصلية كتبت بواسطة egyzizo

1) مافيش أى سلوك باينة فى العربية على الاطلاق ، فمش هينفع أصور مكان تركيب النذار لأنه تحت الفرش عند الرجل الشمال فكأنك مش مركب حاجة.

2) كل صياناتى من 5 إلى 20 ألف عملتها بعد تركيب الانذار (والشاشة ، والكاميرا الخلفية كمان) ، وماحدش قال حاجة.

3) مش عارف

4) بأغير الحجر كل شهر أو شهر ونص تقريباً ويمكن استخدام حجر شحن،

5) ينفع ونص.

ملحوظة : مرفق ريموت إضافى بدون شاشة ، والحجر بتاعه بيقعد سنين.

وتحت أمرك فى أى تساؤلات.

الف الف شكر
وربنا يبارك فيك وفى عربيتك

معلش هى الكاميرا الخلفية ركبتها فين
خرمت فى الاكصدام وشلت نور النمر ولا فين
وشكرا

**Egyzizo** · 10-03-2011 01:25 PM

بالنسبة للكاميرا .. عملت بالظبط زى ما بتقول ..
فى نص الاكصدام بالظبط ، شلت نور النمر (كشاف بكلبس وبيتشال بسهولة)، وبشنيور وبنطة خاصة بيفتح دايرة على مقاس الكاميرا بالظبط.
الفنى اللى كان بيركب كان عايز يخليها على جنب شوية علشان يخللى كشاف النمر ، بس أنا قلت له لأ وأصريت نخليها فى النص بالظبط علشان الشكل.
فيه موضوع هنا اسمه (اكسسوار لوجى) هتلاقى فيه صور أنا حاططها للشاشة والكاميرا وهى راكبة وطريقة التشغيل.

افتكرت حاجة بالنسبة للانذار علشان اللى ناوى يركبه ..
الاريال بتاعه عبارة عن حاجة صغيرة كده بلاستيك حوالى 10 سم بتتلزق على الزجاج الأمامى، الفنى اللى قام بالتركيب لزقها فى الزاوية اللى فوق على الشمال ، بس كانت بتخايلنى وأنا سايق ، فرجعت له تانى وخليته نقله ورا مراية الصالون و بكده نسيته خالص.

-

الموضوع: أحسن انذار لحماية اللوجان من السرقة

LinkBack

أدوات الموضوع

عرض

-

-

-

-

-

-

المواضيع المتشابهه

10 نصائح لحماية سياراتك من السرقة

جهاز جي بي اسي لحماية السيارة من السرقة gps

=-=-=-=-=- أحسن طريقة لحماية البايك من السرقة =-=-=-=-=-=

صواميل لحماية الجنط من السرقة

الكلمات الدلالية لهذا الموضوع

المفضلات

المفضلات

ضوابط المشاركة