الاضراب السلمى

**Dr_Mido** · 08-04-2008 05:30 PM

و يا تري ايه دليلك علي كده يا حماده ؟؟؟
عندك دليل ان الحكومه هيا اللي موصيه البلطجيه ؟؟؟؟؟؟؟؟
و لو موصياها ليه بقي ما عملوش كده من الصبح و عملوا كده بعد الضهر هيا الحكومه غاويه تتعب نفسها؟؟؟؟؟؟
و بعدين لو الحكومه موصياها يا تري هما بقل وصل بيهم درجه الهبل انهم يعملوا كده علشان يتسجنو؟؟؟؟

يتمسكو غير يتسجنو ثم حتى لو اتمسكو يوم ولا اتنين يبقى خدمو البيه الظابط خدمه هتتردلهم فى اى نصيبه
ثم موصياهم فعلا وطلعتهم الضهر مع خروج العمال علشان توسع دايرة الاعتقالات والاشتباك

**SuMo** · 08-04-2008 06:18 PM

de 7aga t7r2 el-dm

**cazanova555** · 08-04-2008 06:25 PM

طيب لو فكرنا ياجماعه البلطجيه دول عاوزين ايه من التخريب ده

معتقدش في بلطجي بيفهم في السياسه اوي كدا

في كتير اتعور وكتير اعتقلو لو الناس دي بلطجيه بجد يبقي محدش هيتعور ولا حد هيخلي الحكومه تاخده

الناس شكلها في الصور بيقول ناس غلابه وفاض بيهم خلاص من سياسه البلد دي

بس ربنا يستر ومتزدش اكتر من كدا

بس انا مخنوق اوي من الاعلام الي بيقول انها كدبه ابريل ومحصلش حاجه والمحله ولعت اصلا بجد سياسه حقيره ورخيصه في بلدنا واحنا وهنا

مش عارف الناس امتي هتفوق :(

**Dr_Mido** · 08-04-2008 06:30 PM

لا كلنا متفقين انه حصل وحصل كتير سيبك بقى من التلفزيون والجرايد بتاعتنا اللى بتقلك ان الدنيا ريبيع والامن مستتب

احنا بنتناقش فى الكلام اللى حصل فعلا

ورجاء حد يسئل حد قريبه او واحد صاحبه ظابط او حالجه عن دور الريادى فى الانتخابابت والاستفتاء اللى البلطجيه قامو بيه
وبرضه هيتمسكو عادى ويطلع من القسم اما البيه الظابط يخلص شغل اتاكدو من حد والنبى لان دة كلام انا واثق منه

**cazanova555** · 08-04-2008 06:45 PM

طيب الحكومه هتستفاد ايه لما بلطجيه تعمل تخريب ؟؟؟؟؟؟؟؟؟

وازاي الحومه مسلطه البلطجيه دول وهم اصلا كانو بيضربو في الحكومه والعساكر وفي ظباط اصابو

وايه موضوع 4 مايو ده كمان ؟؟ظظ انا مش فاهم حاجه بجد

فعلا دي سياسه بلد كبيره

**Dr_Mido** · 08-04-2008 07:20 PM

انا مخنوق منك
وانت راجل ماشى كويس بالتالى مش هعرف اضربك بس لو سلطت عليك حد يجر شكلك اكيد هتتنرفز عليه وتمسك فيه فى مرحله ما وهتضربه طبعا هو عارف وهو جاى يجر شكلك انه ممكن يضرب وممكن يتضرب بس هو قابض وواخد اللى مريحه فبالتالى مش هتفرق معاة

ثم ايه يعنى اتنين تلاته عساكر اتضربو ولا ظباط اتصابو مش مهم

المهم الشكل النهائى وعلى فكرة نسبه 90% من الظباط والعساكر اللى فى الشارع مش عارفيين حاجه عن الفيلم العربى دة
دة سينارو محطوط فوق وناول على التنفيذ وكل دول كومبارس سوا الناس او العساكر

وعلى راى يوسف وهبى و مالدنيا الا مسرح كبير

**سمير يونس** · 09-04-2008 11:04 AM

المشاركة الأصلية كتبت بواسطة hazem_khidr

هو كل حاجه نقول ما يمكن الشرطه استفذتهم يا علا.
دول ناس بلطجيه و الشرطه ليها حق و الله.
انا لو من وزير الداخليه كنت امرت باطلاق رصاص حي عليهم
هيا ربع ساعه و عاطل مع باطل كله حيتادب و حيقعد في بيته ولما يقع كام ضحيه بقي مش مشكله هو اللي يستاهل انه نزل من بيته وقف مع ناس من دي
لان مفيش حد محترم يعمل العمايل دي ابدا.
دا من بجاحتهم راحو القسم عاوزين يخرجوا المساجين اللي اتقبض عليهم امبارح.

أولاٌ يا أخ حازم أنا أحمد الله انك مش وزير داخلية و إلا كنت أطلقت على هؤلاء الفقراء الجوعى الرصاص الحي بدل ما تديهم رغيف خبز حاف يسكتوا به جوع بطونهم و بطون أبنائهم الجوعى
انت منتظر ايه من ناس مش لاقية الرغيف الحاف تاكله ؟؟؟ و إذا لقته بتلاقيه مغموس بالإهانة و إهدار الكرامة
و لا عشان احنا مش جوعانين و ربنا الحمد لله ساترنا و رازقنا خلاص منحسش بالفقراء اللي الواحد منهم بتطلع روحه في الشغل طول الشهر عشان اخر الشهر ياخد 200 اوبالكتير 300 جنيه بيدفع نصهم مواصلات و ماتبقى منهم لايكفي لإطعام ابنائهم العيش الحاف
و ندعوا الله ان يلطف بينا من ثورة الجياع لأنها لو قامت هتحرق الأخضر و اليابس و اللي حصل ده مجرد سيناريو مصغر لها ( إذا استمر الوضع على ما هو عليه )
و أنا بصراحة مستغرب من هذه القسوة المفرطة مننا تجاه بعضنا
يبقى بصراحة الحكومة معذورة مهما عاملتنا بقسوة و بلا رحمة

**hazem_khidr** · 10-04-2008 06:33 AM

المهم الشكل النهائى وعلى فكرة نسبه 90% من الظباط والعساكر اللى فى الشارع مش عارفيين حاجه عن الفيلم العربى دة
دة سينارو محطوط فوق وناول على التنفيذ وكل دول كومبارس سوا الناس او العساكر

و هيا الداخليه تبقي صورتها ايه لما تدفع ناس تهزق رجالتها ؟؟
و لا حضرتك ما تعرفش اد ايه الداخليه ما بتحبش حد يجي ناحيه ضباطها و عساكرها لان كرامتهم من كرامه الوزير.
عموما سيبنا من الكلام دا كله طالما حضرتك متاكد من كلامك هات دليل.

انت منتظر ايه من ناس مش لاقية الرغيف الحاف تاكله ؟؟؟ و

منتظر منهم انهم يعتصموا و يضربو مش يخربوا البلد يا استاذ سمير!!!!!
و بعدين هيا مشكله العيش دي في المحله بس ولا في مصر كلها؟؟؟؟
اشمعني بقي المحله اللي يحصل فيها المجزره دي؟؟؟
الناس اللي اتكسرت محلاتها زنبها ايه؟
الناس اللي اتكسرت عربياتها زنبها ايه؟
عربيات اسعاف و ميكروباصات اتحرقت و قطارات اعترضو طريقها و اشعلوا نار في القضبان.
ايه دا كله البلد بقت عباره عن خرابه .
في اي دين و لا اي مله تحلل اللي حصل دا؟؟؟؟

لا عشان احنا مش جوعانين و ربنا الحمد لله ساترنا و رازقنا خلاص منحسش بالفقراء

و يا تري لو عربيه حضرتك كانت لا قدر الله اتكسرت و لا ليك محل اتكسر ولا ابنك حد فقع ليه عين كنت برضه حتحس بالناس دي
و الناس دي مش فقراء دووووووول بلطجيه و بكررها العمال و الناس كلها محدش عمل حاجه .
كله شباب من سن 17 الي 25 اللي عملو كده متهيالي دول لو من اي طبقه مش بيحسوا باللي حضرتك بتقول عليه.
يا اخي دا كان يحدف الطوب و يبص يضحك للكاميرا.
بلا قله ادب و سفاله خليها تنضف بقي