محتاج مساعدة في اختيار سوند سيستم !!!!

**homos99** · 07-03-2011 07:58 PM

انا نزلت شوفت السجان في شارع دمشق وروكيت في روكسي

المهم السجان قالي سعر غريب للصب ال 1400 البايونير = 850 جنيه اعتقد عشان الزحمة عنده مكنش مركز ,, والسماعات عنده الكينوود 500 وات عاديين = ب 375 جنيه اندونيسي ...... معندوش جى ام 720 وات

روحت بعديها لروكيت ,,, عنده الصب 1400 بايونير ب 325 جنيه والصندوق بيقول 150 جنيه وعنده السماعات 400 وات كينوود عاديين اندونيسي ب 328 جنيه والجي ام كينوود 720 وات 4 تشانل ب 705 جنيه ,,,,,وقالي هيركب الجي ام من غير فلوس وهيركب السماعات والصب عند محل تبعه اسمه مازيكا في شارع دمشق وطبعا التكلفه مش عارفها .

هنزل بكرة التوفيقية وهسأل تاني على الاسعار ,,, واشوف هل حد نضيف يوافق يركب بس ولا لأ ,,, لو حد يعرف الموضوع دا ميبخلش علينا.

وكلمت ( ميرتي ) بخصوص الصب وللأسف باعه للي كان حاجزه (ملناش نصيب فيه) واستشرته في الحجات دي ,, والراجل بجد بجد قمة في الاحترام ووضحلي حجات كتير اوي ونصحني ,,,, ( شكر خاص له )

**beetleMOSH** · 07-03-2011 09:44 PM

اشترى من روكيت و قلوا عايز اركب عند مجدى كلاريون
و روح ركب عند مجدى كلاريون

و اسعار روكيت زى التوفيقيه
زياده كمان انه مضمون عنهم
و ده عن تجربه من سنين بتعامل معاهم انا و اصحابى
و ناس هنا فى المنتدى جربت برضه

**homos99** · 08-03-2011 02:18 AM

المشاركة الأصلية كتبت بواسطة beetlemosh

اشترى من روكيت و قلوا عايز اركب عند مجدى كلاريون
و روح ركب عند مجدى كلاريون

و اسعار روكيت زى التوفيقيه
زياده كمان انه مضمون عنهم
و ده عن تجربه من سنين بتعامل معاهم انا و اصحابى
و ناس هنا فى المنتدى جربت برضه

انت كدا طمنتني ..لأن انا مبحبش اجيب من التوفيقية لأن بحس ان هيتضحك عليا هناك او هجيب حاجة مضروبة هههههههه.. بس ممكن تقولي فين احسن فرع لمجدي كلاريون اركب عنده وفعلا بيوافقوا يركبوا بس ؟؟؟؟؟؟؟؟؟

**beetleMOSH** · 08-03-2011 10:53 AM

ولا يهمك يا كبير
انت ركب عند مجدى الحجاز مش سانت فاتيما و لو انها مش هاتفرق
بس احنا متعودين برضه انا و صحابى على مجدى الحجاز
و كده كده يا باشا لما بتشترى حاجه من عند حد هو بيبقى عليه التركيب
بس روكيت معندوش فنى ف بيبعتك لحد من الناس دى و تركيب من غير تكلفه
و كده كده هو بيديك كوبون تركيب كمان
تروح زى الباشا و هما يتعاملوا

**merty** · 08-03-2011 03:16 PM

المشاركة الأصلية كتبت بواسطة homos99

وكلمت ( ميرتي ) بخصوص الصب وللأسف باعه للي كان حاجزه (ملناش نصيب فيه) واستشرته في الحجات دي ,, والراجل بجد بجد قمة في الاحترام ووضحلي حجات كتير اوي ونصحني ,,,, ( شكر خاص له )

انت الاحسن يا باشا و انا تحت أمرك فى اى حاجه
و شايف ان رجالة الصوتيات قالوا نفس الكلام اللى اتكلمنا فيه تقريبا و معلش بقى الصب أخده راجل محترم جدا ربنا يبارك له فيه