الموضوع: تقرير سريع عن الصبات ال slim

سلام عليكم

الحمد الله ركبت الصبين امبارح وجربت كل حاجة ممكن تجرب وهجاول ااجاوب على اى سوال بخصوص الصبات دى ولو حد عندة اى سوال عليهم يقدر يتفضل وانا اجاوبة


اولا مقدمة عامة

الصبات دى مينفعش ندخلها فى مقارنة مع صبات من اول 12 فى صندوق وانت طالع لانها هتكون ظالمة خاصة فى المستويات العالية من الصوت

نبدا كدة فى شوية الاسئلة الى انا كان نفسى اعرفلها اجابة

1-هل الصبات دى كويسة وتغنى عن صب 12 فى صندوق كبير

هتكون الاجابة غريبة شوية ازاى؟؟!!!
بالنسبة ليا : اة تغنى وكويسة اوى وانا مبسوط منها لية؟؟؟لانى صوتها مدينى بيز كويس اوى وفى نفس الوقت ولا كانى عندى صب ولا اى حاجة واحد حاطة تحت الكرسى ولا كانة موجود ومدى تاشير كويس اوى اوى ومدينى نغمة بيز فى النصف الامامى عمرى ما سمعتها قبل كدة بصراحة فى اى عربية ودا شعور جامد جدا جدا ولاكن فى حاجة غريبة فى الموضوع جدا لما بحط الصب البوس تحت الكرسى جامد جدا لما احطة فى الشنطة كانة سماعة قوية ولاكن مش صب البايونير العكس احطة تحت الكرسى مش بيدى نفس كفاءة البوس احطة فى الشنطة واقفل علية يبقة تمام التمام وحلو جدا
خلاصة الكلام فى النقطة دى:لو انت بتحب النظام وبيفرق معاك ومش حابب تشغل الشنطة فا الموضوع دا ممتاز ليك جدا جدا سواء تحت تحت الكرسى او الشنطة لو الموضوع مش فارق معاك يبقة الموضوع محسوم طبعا للصب الكبير مفهاش كلام وان كان الفرق بيتلاحظ فى الصوت العالى ففط


2- هل فرق الصوت بين الصبات الصغيرة والكبيرة دى كبير

الصوت من 1-15-16 الفرق يكاد يكون مش موجود بعد كدة هتبتدى تحس بالفرق ودا طبعا عشان حجم الصندوق لما تعلى اوى هتحس انى الصب ابتدى ينهار زى السماعة بس طبعا اقوى من السماعة طبعا دا على اعلى اعدادات البيز يعنى كان البيز بوست 5 وهاى والاكولايزر على 4 لو وطينا هنقدر نعلى الصوت انما انا بدى الخلاصة بيز كويس وعالى وميفرق عن اى صب لحد رقم 15او 16 يعنى سامع جوا العربية ورامى سنة برة من دون ازعاج عشان كطبعا رقم الصوت دا هيختلف من مكان لمكان حسب عربية كل واحد

3-انهى احسن البوس ولا البايونير

بالنسبة ليا البوس احسن لية؟ لانة ادانى نغمة جديدة خاصة انة متميز تحت الكرسى وفى ميزة كويسة فية لما تعلى تحسة كانة مش مستجيب يعنى بيجيب اخرة بدرى بس من غير ما يهيس يعنى من عند 15 تحسة بيقف ومش بيهم بعد كدة انت بتعمل اة بعكس الباونير لما تبدا تعلى جامد هيبتدى يهيس وهتحتاج تقلل فى الاعدادات بالاضافة عاجبنى اوى موضوع تحت الكرسى دا على الرغم انى الباونير مش باين اصلا فى الشنطة يعنى لو فتحت وبضصيت فى الشنطة ممكن متشفوش بجد والله بس انا مش بحب اى حاجة فى الشنطة اصلا


4-طريقة التوصيل اة نظامها

جامدة جدا جدا الاتنين جاينين بوصلات كاملة وجاهزة على التركيب لو عندك صب قبل كدة زى حالاتى مش هياخد اكتر من 3 دقايق توصيل بتناكة يعنى تغلف السلوك وترتبها وكل حاجة لو مش عندك هياخد 6دقايق وفى حاجة جامدة اوى انة ممكن يتوصل علطول باى كاسيت مفهوش مخرج صب عن طريق وصلة rca جاية معاة طالعة بسلك مش rca يعنى يتوصل كانة سماعة
الاتنين طبعا مكونات سلوكهم
1-سلك باور من البطارية او من اى موزع عادى
2-سلك ارضى جاهز فى الضفيرة يدوبك انت بس بتربطة
3-سلك ريموت بيتوصل بالكاسيت فى السلك الازرق وبرضوة جاهز فى الضفيرة
4-سلك rca طالع نتاية لو عندك الكاسيت بيدعم صب تدخل جوا الكابل بتاعك ودى وصلة خارجية لو مش بيدعم هتركب سلك جاى مع الصب در فى النتاية واخرة سلك عادى توصلة باى مخرج سماعة عادى ودى فى الباونير بس
5-ريموت بسلك طويل اوى 6 متر تقريبا بيتوصل فى الصب نفسة فى الخلف عامل زى سلك سماعة التليفون نفس الار جى بتاعها كدة


5-كيفية التحكم فى الجين

التحكم فى الصب بالكامل بيبقة من خلال الريموت الى معاك وانا طبعا حاطة فى ردج العربية الى قدام والحوار دا حلو اوى انك سهل تتحكم وانت قاعد جوا العربية وسامع الصوت بالكامل


6-اة الى اقدر اتحكم فية من الريموت

اى حاجة تخص الصب من gain-freq ووضع الصب عكسى ولا عادى وفى لمبة باور فى الريموت بتاع الباونير بس بتقولك هوا شغال ولا لا وبتخليك تتاكد من موضوع الريموت متوصل صح


7-الفرق بين ريموت البوس والباونير

ريموت البوس مش حلو خالص من كل حاجة مفهوش غير جين ودى مشكلة انك لازم تبقة مظبط كل حاجة من الصب نفسة وبعدين تبدا تسمع وتظبط واحدة واحدة وان كان فلاتر البوس اكتر من الايونير ولاكن مش موثرة اوى

البايونير كل حاجة بعد ما بتركبة تقعد زى الباشا فى الكرسى بتاعك وتمسك الريموت وتبدا شغلك
تظبط جينgian
تظبط freq
تظبط وضع الصب عكسى ولا عادى
تجرب تقفل الكاسيت اللمبة تقفل عشان تتاكد من سلك الريموت

كل الحاجات دى موجودة فى البوس بس فى الصب نفسة

8-انهى افضل(الخلاصة)

من راى البوس افضل فى الصوت ....الباونير افضل فى الشكل واللعب


9-الشكل العام للصبات والاحجان

البايونير شكلة خرافة وحجمة ملوش حل وخاماتة كلها ملهاش حل
البوس شكلة مضروب كانة ماركة تعبانة حجمة حلو جدا تحت الكرسى مش بارز برة الكرسى حتة بس اهو مخفى تحت الكرسى وخامتة مش نضيف



النهاية ان شاء الله هسيب البوس تحت الكرسى وابيع الباونير

واى استفسار انا تحت امركوا وان شاء الله اجيب صور للصبات وهيا فى العربية بس انا قلت انقلكوا بسرعة التقرير دا
سلام عليكم

ممكن صوره للصب ؟