شهاده مدير مشتريات بأن عمر موسي معاقر للخمر

**د.أبونضال** · 07-03-2011 12:39 PM

المشاركة الأصلية كتبت بواسطة frozen_pain

حريته الشخصية ازاى يعنى؟

يعني هو كمواطن (لم يصبح رئيس جمهورية بعد) حر يشرب خمر كما يشاء طالما يطيق تحمل وزرها...
إذا اختاره الشعب رئيسا فليتحمل الشعب إذن مسئولية اختياره ... في الولايات المتحدة مثلا انتخب الناس كلينتون وهم يعلمون أنه زير نساء... وانتخبوا بوش وهم يعلمون أنه مدمن كوكايين سابق ومدمن خمر حالي... رأيي أن الاختيار يجب أن يكون على أسس سياسية ووفق برنامج محدد.

**تامر.محمد** · 07-03-2011 12:47 PM

المشاركة الأصلية كتبت بواسطة النوبي

دي شهاده حق مسببه
يعني اللي بيشربوا الخمره كتير لاكن انا ميهمنيش اللي بيعملوه ولا يهمني اعرفهم ولا حتي انتقدهم بل بالعكس الواحد بيخلي جانب من دعائه ان يهديهم الله وان يتوب عليهم
طيب لما يجي واحد يرشح نفسه لقياده البلد اذا الوضع مختلف
معتقدش تنبيه الناس في زمن لانعرف فيه الغث من الثمين ذنب

+1

**sowelam** · 07-03-2011 12:55 PM

يا رجل غرضك إية من هذا الكلام أنا لا أعرف شخص عمرو موسى ولكن الراجل دة طول عمرة صاحب مواقف قوية وحازمة وكان لية شعبية جارفة أثناء عملة كوزير للخارجية ولو شككنا في نزاهة كل رجل شريف مش هنلاقي قدمنا غير المحترمين اللي عمرهم ما شربوا خمرا بس كل واحد سارق كام مليار جنية والكبير متهم بسرقة 70 مليار جنية
سمعت أخر نكتة على حسني بيقوللك بسبب أزمة القطن المصري حسني كان بيحشي مراتب القصور الجمهورية فلوس بدل القطن

**Dojuar** · 07-03-2011 01:05 PM

مستغرب بعض الردود بصراحة
مش هاتكلم عن عمرو موسى
لأن حد الخمر في الإسلام يثبت بأمرين:1-إقرار الشخص نفسه ،2- شهادة شخصين عدلين
لكن هتكلم عن مبدأ عام
يعني إيه شخص يبقى بيشرب خمر وأقول مليش دعوة..دي حرية شخصية و المهم البرنامج السياسي
شرب الخمر كبيرة من الكبائر
ربنا هيكرمنا إزاي و رئيس الدولة شارب للخمر
هنبدأ فترة جديدة في البلد برئيس شارب الخمر علشان البرنامج بتاعه كويس!!!!
لابد من توعية الناس توعية شرعية قبل التوعية السياسية

عشان الكل ميبقاش زعلان على عمرو موسى أو البرادعي أو أي حد اخر:

الكلام مش على اشخاص....النقاش على مبدأ

وقت الانتخاب و الاختيار...وحسب ما أرى....أن هذا العامل (عامل القرب و البعد عن الدين) سيكون معولا اساسيا حين اختار رئيسي

**ahmad--ezzat** · 07-03-2011 01:14 PM

المشاركة الأصلية كتبت بواسطة moh.abdelbaset

يعني إيه شخص يبقى بيشرب خمر وأقول مليش دعوة..دي حرية شخصية و المهم البرنامج السياسي
شرب الخمر كبيرة من الكبائر
ربنا هيكرمنا إزاي و رئيس الدولة شارب للخمر
هنبدأ فترة جديدة في البلد برئيس شارب الخمر علشان البرنامج بتاعه كويس!!!!

ياسيدى الفاضل...كبيره من الكبائر.. هل انا اللى هتحاسب عليها؟

منت عندك حسنى مبيشربش....ومشربنا ذل 30 سنه...خدنا ايه؟؟؟؟؟؟؟؟

طالاما هو شايف مصالح الشعب ومش بيصدر الغاز وعامل للمصرين كرامه...هو حر بقا ياخى احنا مالنا ان شاالله يولع فى نفسه

ولا حضرتك شايف ايه؟

**د.أبونضال** · 07-03-2011 01:17 PM

أرجو أن يكون النقاش على مبدأ "هذا رأيي فما رأيكم" قل رأيك دون تحقير آراء الآخرين

**ahmed4000** · 07-03-2011 01:19 PM

انا مبحبش كل واحد يقول انا متاكد والتانى ينقل عنه والتالت ينقل عنه وتبقى حقيقة مؤكدة
لكن لو دى حقيقة حينزل فى نظرى اوى

(وياريت نعرف بقية المرشحين برده لانها واضح ان الخمور حاجة طبيعية بالنسبة لهم)

ومحدش يقول احنا مالنا...هو ايه الفرق بين الحرامى وشارب الخمر...كلهم لا يؤتمنون....لو جالك واحد يتجوز بنتك وهو بيشرب خمرة حتامنه عليها فحاتمنه على وطن...بلاش دعاوى الحرية والديمقراطية تخرجنا عن دينا

والمقارنة بمبارك بنظام "يعنى مبارك هو اللى مكنش بيشرب" او بنظام " مهو مبارك مبيشربش وعمل فينا ايه" تعد تسطيح للامور بشكل مبالغ فيه

**د/أحمد ابراهيم** · 07-03-2011 01:19 PM

يا جماعة مفيش حاجة اسمها حرية شخصية في ارتكاب معصيه لله

انت لست حر انت عبد لله

وتجاوز حدود الله جريمه يعاقب عليها الفاعل اما بحد في الدنيا او عذاب في الاخرة (الا ما شاء الله)

ياريت نفهم ازاي نوفق بين الشعارات (الغربيه) وبين ادراكنا ووعينا لكونا مسلمين عبيد لله وحده

-----------

المشاركة الأصلية كتبت بواسطة ahmed_nubira

ياسيدى الفاضل...كبيره من الكبائر.. هل انا اللى هتحاسب عليها؟

منت عندك حسنى مبيشربش....ومشربنا ذل 30 سنه...خدنا ايه؟؟؟؟؟؟؟؟

طالاما هو شايف مصالح الشعب ومش بيصدر الغاز وعامل للمصرين كرامه...هو حر بقا ياخى احنا مالنا ان شاالله يولع فى نفسه

ولا حضرتك شايف ايه؟

اولا يقام الحد

ثانيا: لما نحب نختار رئيس او مسؤل بنختار من خيارنا مش من شرار الناس (حتى لو كان شرار الناس بيفهموا في السياسة) -- بالمناسبة انا بتكلم عن قواعد عامة ملهاش علاقة بعمرو موسى او غيره

كمان حاجة غريبة فعلا(والكلام عام ولايقصد به احد بعينه):

هو الناس نسيت ان الذى يرزق هو الله؟!!!

عايز الله يرزقك ويصلح حال حياتك وانت بتبارزه بالمعاصي

عياز تجيب وتختار رئيس ليك يكون عاصي لله وتقول مش مهم معصية الله المهم انه وانه

ببتحدي الله؟ ام نسيت انك ورئيسك ملك لله؟

عايز تقول يارب مش مهم احكامك وشراءعك المهم ان الراجل بيفهم في السياسة؟ هو ده اللى هيرزقنا وهايجبلنا الخير كله!

لاحول ولاقوة الا بالله العلى العظيم
ربنا لا تؤاخذنا إن نسينا أو أخطأنا

**ahmad--ezzat** · 07-03-2011 01:20 PM

المشاركة الأصلية كتبت بواسطة د.أبونضال

أرجو أن يكون النقاش على مبدأ "هذا رأيي فما رأيكم" قل رأيك دون تحقير آراء الآخرين

والله يادكتور الواحد بيتكلم عن رأيه فقط مع احترام اراء الاخرين...احنا فى منتدى والاراء لابد ان تحترم

-

الموضوع: شهاده مدير مشتريات بأن عمر موسي معاقر للخمر

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب لوظيفة مشتريات اجنبية بشركة متعددة الجنسيات

تقرير رحلة جبل موسي بكاترين+دهب

استفسار عن كيفية اثبات مشتريات الانترنت للضرائب

سؤال موسي عليه السلام

باركولى حستلم خلاص الفرنا 1600 و معاها هدية 1000 جنية مشتريات

الكلمات الدلالية لهذا الموضوع

المفضلات

المفضلات

ضوابط المشاركة