الموضوع: الى كل الاعضاء الاى عايزين قطع غيار

ماتحرمش من زوقك يا وائل ..انتوا استقريتوا علي ميعاد ولا لسه؟؟

المشاركة الأصلية كتبت بواسطة tarekzein

جرى أيه يا عم فادى

أمال مين اللى هايجيب المشبك من عند البدرى

والجبنه

أنا داخل أهدى النفوس بس

لازم تيجي ان شاء الله وهتشوف احلي واجب من الدمايطه ,طيب انت تعرف ان اشاعه ان الدمايطه بخلا البورسعديه اللي مطلعينها علينا حقد طبقي بعيد عنك علشان احنا بنصدر موبليات واحذيه ومنتجات البان ومشهورين بالحلويات الشرقيه وطبعا عندنا ثلث اسطول الصيد المصري

المشاركة الأصلية كتبت بواسطة waoola_78

والله يا فادى لسة . بس انا مع الرأى اللى قال انه يكون يوم الجمعه بتاريخ 1/4/2011 الساعة تمانية او تمانية ونص بالكتير قوى تسعة . مع انى ماعرفش بور سعيد تتراح فى قد اية .

نجمع نفسنا وعربياتنا . نقسم نفسنا على كام عربية بس تكون موديلات مختلفة عشان لو حد حب يشترى حاجه ويقارنها باللى عندة مايلوصش . ونركب ونتكل على الله

نوصل بالسلامه ان شاء الله . نفطر . نشرب شاى . نتمشى شوية فى السوق . نصلى الجمعة . ونتمشى شوية ونبضع ونحمل الترلات والمقطورات والدبابات والمدرعات والشاحنات . نصلى العصر . نتغدى غدوة سمك محترمة . نشد حجرين . نرم العضمتين . وتوصولونى لاقرب سرير . لانى هابقى full tank .

مكان التجمع انا مقدرش اقترحه لانى ما اعرفش الاماكن بالتحديد .

بس انا ليا شرطين لو سمحتو .........

1 - ما فيش جرى ولا شد على الطريق .
2 - النظام هايكون انجليزى فى كل حاجه حتى البنزين .

وان شاء الله تكون رحلة حلوة وجميلة وننبسط

مع اطيب المنى وارق تحياتى

وائل فرغلى

موافق طبعا يا وائل بس اعتقد سوق قطع الغيار بيبقي قافل الجمعه ,اتاكد اول وانا ان شاء الله معاكم وممكن تخلي المقابله الساعه 10 صباحا علي اعتبار ان المحلات بتفتح 10,30 وماتشيلش هم التجمع والمكان انا حافظ بورسعيد كويس ممكن نتقابل عند الجمرك القديم اول البلد وندخل السوق مع بعض, قبل المعاد هننسق مع بعض بالتليفونات .

اقصد بسوق العربيات سوق قطع الغيار طبعا (عمارات بنك الاسكان) انا سالت نبيل زميلنا النهارده وقاللي انه بيبقي فاتح الجمعه وممكن زميلنا محمد ضيف يرسينا برده بصفته بورسعيدي حبيب ,بس بلاش الجمعه 1-4 لاني مسافر ان شاء الله لو تبقي الجمعه اللي بعدها تبقي لوز.