الموضوع: انا مع الثورة وضد الفئوية (الاستفزازية)

يا فندم احنا كنا قبل الثورة بنلعب فى حدود 34 وزارة
خد بالك وحضرتك اكيد عارف ان لما تبقى وزارة يعنى 50 وكيل وزارة و100 ادارة بدل ما كانت وكيل وزارة واحد ومكتب معالى الوزير والمكتب الفنى لمعالى الوزير ومديريات وبقت زيطة ادارية وسبوبة وتعيينات وحوار
الكارثة بقى ان الناس لما تلاقى بعض المطالب الفئوية اتحققت يقولك فرصة ازيط يمكن اخد حاجة وهقفل الشارع ومش همشى الا لما مطالبى تتحقق واجيب ميكروفون لزوم القعدة

عودة الأمن المركزي

طب ايه الحلول نعمل صفحة على الفيس بوك مثلا ندين الكلام ده ونقول ايه الجهات اللى طلباتها استغلالية ومستفزة
ولا ايه
انا خايف اقول نقترح ان المجلس العسكرى ورئيس الوزراء ووزير المالية يعملوا مؤتمر صحفى ويقولوا ان المطالب غير العادلة لن يتم الالتفات اليها وان اى محاولة لتعطيل الشارع تبقى جريمة ، لاحسن الناس تطلع مظاهرات وتقولك مش هنمشى الا لما تعملوا المؤتمر ويقلب مطلب شعبى

المشاركة الأصلية كتبت بواسطة mertahgedan

عودة الأمن المركزي

تصدق كنت بفكر ان ده فعلا مطلب مهم بس خايف نطلع خطوة قدام ونرجع عشرة لورا
لكن ممكن مثلا نطلب من الوزارة تقول ايه هى شروط التظاهر
زى عدم التخريب عدم قطع الطريق عدم استخدام مكبرات الصوت اى اضراب يؤثر على سير العمل يصبح غير شرعى يبقى فى خطوة تنظيمية بدل حكاية الامن المركزي

المشاركة الأصلية كتبت بواسطة fepsceasar

انا الحقيقة شايف ان بعض المظاهرات الفئوية ابتدت تستهبل وبتفكرنى باللى عايز يلحق حتة من التورتة
ودى امثلة:
اول حاجة طبعا بتغيظنى العاملين اللى بيطالبوا بتعيين ابناء العاملين ... يعنى توريث وعدم تكافؤ فرص باختصار عكس ما تدعو اليه الثورة
بتوع الاثار عايزين وزارة للاثار ينى اعرف ان ممكن فئة يطالبوا بنقابة تمثلهم مش وزارة دى جديدة نوفى لا وسمعت كمان ان البيطريين عايزين وزارة للثروة الحيوانية
اللى استلم الشارع بعد الاثريين طلاب التعليم الفنى اللى عايزين الكليات التكنولوجية (دلع معاهد) تبقى كليات هندسة، يعنى هم مش داخلين كليات تكنولوجية وعارفين انهم هياخدوا بكالوريوس تكنولوجيا ولا بالمرة قالك فى الزحمة الحق اخد بكالوريوس هندسة
بصراحة ده غير بعض المظاهرات اللى تفقع ومش عارف عايزة ايه بس مش عايز اتكلم عنها عشان ماحدش يزعل
ياريت اعرف رايكوا وازاى ينفع نتصدى للمظاهرات الفئوية وبالذات اللى فيها تهريج وبتظلم اصحاب المطالب الحقيقية
مش محتاج كمان اقولكوا انها بتخالى الناس اللى مش مقتنعين بالثورة يقولك اهو شايفين وتقد بقى تشرح الفئوية او الاستفزازية دى حاجة والثورة حاجة ويقولك مش انتوا السبب
مستنى اسمع ارائكم

من الاثار الجانبية للثورة هى المظاهرات الفئوية وعلى فكرة اغلب الناس اللى بتشارك فيها كانول معارضين للثورة
لس هم عاوزين يعملوا هيصة.. وفى ناس مصالحها ان البلد مش تستقر عشان يقولوا الثورة خربت البلد
من المظاهرات الفئوية المسخرة
* طلاب مدرسة ثانوى بنين فى مدينة فارسكور بمحافظة دميا
بيطالبوا بايه بقى ؟؟؟؟؟
1- يجيلهم وجبة كل يةم 2- المدرسة تبقى مشتركة :(
والله تهريج

المشاركة الأصلية كتبت بواسطة hagan

اخي الكريم
طبعا بكل احترام و تقدير للناس كلها حتي و ان اختلفنا في الرأي
و انا مثلا مع الثورة انما ضد استمرار تظاهرها (( حتي لو يوم الجمعة ))
و بأنادي بأن تتكتل كل القوي الوطنية المختلفة هناك بأختلاف تياراتها
(( الاخوان - 6ابريل - كفاية - 25 يناير - شباب التحرير - و باقي الاحزاب المعارضة من وفد و تجمع و غد و ناصري و تجمع - و اي فئات اخري ))
كل من هذه التيارات ترشح احد افرادها و تعمل لجنة من 100 عضو
و هما دول اللي يذهبو للتحرير (( حتي لو كل يوم )) و الله كل يوم
حتي يكون الضغط دائم بدون (( ارهاب )) و بدون تهييج و بدون ضرر
لانه حينما يحدث ضرر الكل سوف يتأذي
و ينضف الميدان و تعود الحياه لاحسن مما كانت عليه قبل الثورة
و لو ان هؤلاء الاشخاص الممثلون لكل طوائف التيارات
طلعو بيان في يوم من الايام بأن الثورة لم تؤتي ثمارها
و بأن هناك جهات بتعرقل ادائها و ان الحكومة لا تستطيع الايفاء
بالطلبات العادلة المشروعة (( حرية - عدالة اجتماعية )) و قتها الشعب يرجع ينزل الشوارع تاني
و نسيت اقول لحضرتك حاجة مهمة جدا
ان الافراد المحركون لقوي الثورة مثل (( د.القرضاوي - وائل غنيم - شباب الفيس بوك - خالد يوسف - كل شخص كان له دور بارز انا نسيته في اظهار الثورة ))
لم يجتمعو في (( الجزيرة و العربية و البي بي سي و غيرها من القنوات التي كانت تتحرك لاظهار الثورة و تبرزها و تمجد فيها
لم يتحرك هؤلاء الاشخاص الملهمون و الذين اشعلو حماس الشباب
لم يتحركو سواء منفردين او مجتمعين (( لاصدار بيان يدعو المحتجين الفئويين لفض الاعتصامات و ان هذا واجب و طني
و ان من يتخلف الان عن العمل و روح الفريق يبقي بيضر بأمن البلد
و عموما الله يهدينا و يهديهم و يهدي من تولي في الوزارة الجديدة
و لك تحياتي

م.حاتم السباعي

بس حضرتك ده نلوش دعوة بالمظاهرات الفئوية

المشاركة الأصلية كتبت بواسطة fepsceasar

تصدق كنت بفكر ان ده فعلا مطلب مهم بس خايف نطلع خطوة قدام ونرجع عشرة لورا
لكن ممكن مثلا نطلب من الوزارة تقول ايه هى شروط التظاهر
زى عدم التخريب عدم قطع الطريق عدم استخدام مكبرات الصوت اى اضراب يؤثر على سير العمل يصبح غير شرعى يبقى فى خطوة تنظيمية بدل حكاية الامن المركزي

+111111111111
دى ديموقراطية صح