شكوي مش للأدارة

**Eng.Geo** · 09-03-2011 10:06 PM

المشاركة الأصلية كتبت بواسطة hagan

السلام عليكم
لحضرتك كل الاحترام
و لرموز الديانة المسيحية (( غير المتطرفة )) كل الاحترام
و لرموز الديانة المسلمة (( غير المتطرفة )) كل الاحترام
و ارجوك الا تزعل من اي عضو كتب اي ملحوظة لانه اكيد
بيوجها و بيقصد بها (( من يريدون اشعال البلد ))
و اكيد انا و حضرتك متفقين ان اي انسان مهما كان
لن نسمح له بأحداث هذه الفتن بين ابناء الوطن الواحد

و السلام عليكم

م.حاتم السباعي

وعليكم السلام
طبعا مش زعلان من حد متضايق أو بيعترض علي أحداث الشغب اللي حصلت
انما أعترضت علي أهانة الرموز المسيحية بالشكل ده
ولحضرتك كامل أحترامي وتقديري

المشاركة الأصلية كتبت بواسطة hossaam

تاكيدا لكلام حضرتك.... لم اسمع عن خناقة بين مسيحي ومسلم عندهم قدر معقول من الثقافة والتعليم..

بمعنى آخر..انا ملاحظ ان غالبية ان لم يكن كل الفتن الطائفية في مصر
بتحصل في قرى معظم اهلها اميون غير متعلمين وكذلك في حالة مزرية من الفقر وانعدام او تكدس في السكن...
سواء في صعيد مصر المظلوم او قرية اطفيح او منشية ناصر وقبلها الزاوية الحمراء وووو

يعني اقصد ان مفيش اصلا مشكلة بين المسيحيين والمسلمين...
في رأيي الكارثة سببها الجهل والفقر والتخلف اللي بيشكل بيئة خصبة
لتغييب صوت العقل مما يؤدي الى ما نراه من تلك التصرفات الهمجية والنعرات والبلطجة...

وفي الآخر نرجع ونقول ده كله كان من بركات النظام البائد...

الديمقراطية والحرية ستؤدي الى العدل الذي هو سبيل التقدم الاقتصادي
اللي بالضرورة هيؤدي الى تطور اجتماعي وثقافي سينهي
ان شاء الله هذه الظاهرة المؤسفة التي تظهر من وقت لآخر

طبعا جاية من جهل وعما وغباء
كل ده يتجمع .. وحد يقود
علي حسب القائد بقي
بس واضح أن في ناس فعلا عايزاها تخرب
ربنا يخربها عليهم زي ما بوظوا كتيير

المشاركة الأصلية كتبت بواسطة yascro

انت متشكرنيش انت تساعدنى
حط ايدك ف ايدنى عشان ضربتنا تبقى قويه لاى حد عايز يضر البلد

أيدي في أيدك
واللي يضر البلد أحط أيدي في عينه
والله باتكلم جد
شوف نقدر نساعد أزاي وانا مستعد

المشاركة الأصلية كتبت بواسطة human12

الاول - اى تطاول على اى رمز دينى هو مرفوض ولكن من الممكن نقد سياسته
متفق جدا
تانيا -
احنا مختلفين و فيه بينا احتقان كبير و كمان رواسب وبرفض بشده تسميات زى عنصرى الامه و كلنا واحد والشعارات الجوفاء
احنا مصريين بديانتين مختلفتين و على بلاطه من غير تذويق لا المسلمين مقتنعيين بالمسيحيه اللى موجوده ولا المسيحيين مقتنعين بالاسلام
شئ طبيعي وماينقصش من حد قدام التاني
اللى افهمه ان دول مواطنين مصريين ليهم حق العباده وليهم يطلبوا اى حقوق هما عايزينها ويوافق عليها اغلبيه الشعب
ده الطبيعى يعنى ماينفعش يطلع قانون فى مصلحه المسيحيين واغلبيه المسلمين مش عاجبهم ونقول اخوانا الاقباط

يبقى تتحل ازاى؟؟
تتحل ان المسيحيين يعرضوا المطلوب بطريقه تتفهم وماتخليش معارضه ليهم اغلبيه
وفنفس الوقت اللى عايزين البلد تمشى من المسلمين يشرحوا الاسلام و كيفيه تقبل الاخر بدون لغط بتاع الوحده وكلنا ايد واحده يا بهجت

كل واحد بيدور على اللى شايف فيه مصلحة دينه يعنى اللى يبنى كنيسه تلاقى جامع متكلف ملايين طالع قدامه بمنتهى الاستفزاز كان الارض ضاقت ونفتخر ان الكنيسه جنب الجامع رغم انه استفزاز اصلا بس للاسف ده عشان مافيش وعى كافى
برضه طابع الكنيسه مختلف عن طابع الجامع والعدد المخدوم من الاتنين مختلف

المسيحيين لما اتظاهروا قالوا يفرجوا عن قسيس معتقل وانا معهم تماما بس بعد كده جرى التنكيل باللى طالبوا الافراج عن كاميليا
المفروض التظاهرات عشان هدم الكنيسة
أي حاجة غير كدة .. أستغلال موقف
انا لا تعنينى بشئ ولا تفرق معايا100 ولا الف اسلموا او لا بس الناس عايزه شفافيه يعنى المسيحيين قالوا واحد معتقل وروح طيب اللى بيقولوه المسلمين اللى اتجمعوا ماحدش رد ليه؟

ببساطه شديده ممكن الاخت كاميليا والاخت وفاء يطلعوا يقولوا بلاش كده واحنا فى وسط اهلنا ومسيحيين و كانت فتره متوتره فى حياتنا وانتهت- منتهى البساطه
بس لو كانوا اسلموا مايسبوهم!!!
انا والله نفسي يطلعوا يتكلموا
لو أسلموا مفيش مانع .. براحتهم جدا
للأسف معنديش أي معلومات عن اللي حصلهم

ازاى بنادى بحريه وانا مش قادر اصلا اديها

فاقد الشئ لا يعطيه

اهم حاجه للعلاج تشخيص المرض وكمان المريض يعرف عشان يكمل علاج

متفق

**SeiffoZ** · 09-03-2011 11:31 PM

دور الـ 32 .. الشعب × الشرطة..

دور الـ 16 .. الشعب × مبارك ..
دور الـ 8 .. الشعب × حكومة شفيق ..

دور الـ 4 .. الشعب × أمن الدولة

الدور النهائي.. الشعب × الفتنة الطائفية..

هنكسب إن شاء الله

**naser_56** · 10-03-2011 12:16 AM

المشاركة الأصلية كتبت بواسطة seiffoz

دور الـ 32 .. الشعب × الشرطة..

دور الـ 16 .. الشعب × مبارك ..
دور الـ 8 .. الشعب × حكومة شفيق ..

دور الـ 4 .. الشعب × أمن الدولة

الدور النهائي.. الشعب × الفتنة الطائفية..

هنكسب إن شاء الله

هههههههههههه تشبيهك عسل بس خايف من النهائي يطول شويه وتكون فيه ضربات جزاء

**cheetos_892005** · 10-03-2011 12:19 AM

المشاركة الأصلية كتبت بواسطة SeiffoZ

دور الـ 32 .. الشعب × الشرطة..

دور الـ 16 .. الشعب × مبارك ..
دور الـ 8 .. الشعب × حكومة شفيق ..

دور الـ 4 .. الشعب × أمن الدولة

الدور النهائي.. الشعب × الفتنة الطائفية..

هنكسب إن شاء الله

نقدر نقول ان احنا في الوقت بدل الضايع دلوقتي و مدته يومين ...

بنظام الل golden goal

**Eslam.Elrefaey** · 10-03-2011 05:02 AM

وزى ما قال الاستاذ حسام ان المشاكل بتحصل بين الاميين لان المصريين المتعلميين مبيفرقوش بين مسلم ومسيحى كلنا مصريين

**aly_hosny** · 10-03-2011 05:29 AM

انا شايف ان الموقف بدا يتحل بعد الندوة ال اتعملت انهاردة في قرية اطفيح و الواحد بدا يرجع يسمع كلام جميل من الطرفين

المشكلة دلوقتي يا جو فعلا ان فيه ناس غاوية خراب
من اول يوم و الجيش وعد ببناء الكنيسة و بقى يامن القرية بنفسه بس انا عايزك تقرا و تسمع كلام واحد زي مايكل منير
قمة السفه و التخلف و قيادات الجيش تقوله عايز ايه تاني تلاقي بيقول كلام غريب و حجج هبلة زيه
المفروض يبقى في وعي ان واحد زي دا جاي يخربها
والازمة بدات بوصوله مصر

وانا عن نفسي الراجل دا قال ال انا عايز اقوله
YouTube - ‫ظƒظ„ظ…ط© ظ„ط§ط® ظ…ط³ظ„ظ… ظپط§ط¶ظ„ ظپظ‰ ظ…ط§ط³ط¨ظٹط±ظˆ‬&lrm;

**zalpany2000** · 10-03-2011 05:37 AM

جووووووووووووووووووو

تصدق يا جدع انا حاسس اني عايز احضنك واقولك ما تزعلش يا عم الحج (انا باقول عم الحج لكل صحابي المسيحيين)

انت صح .. ومعاك حق طبعا ومتفق معاااك قلبا وقالبا

وانا مستعد ابوس راس اي حد مسيحي حس انه اتضر من حد مسلم .... مش دي الازمة ... الازمة يا جو فينا كمصريين الانسياااااااق ، مش عايز اكرر نقط قالها اخوننا من الاعضاء ... يعني ما تزعلش مني ... انا بالمناسبة كان ليا امبارح في ماسبيرو مجموعة صحابي، منهم اساتذة جامعة ...بيقولي بعد ما رحنا ... واتكلمنا مع الناس ... لاقينا الناس مش عارفة هي عايزة ايه ... ده بجد ... مش عارفين ايه مطالبهم ... لدرجة استاذ صديقي بيقولهم ما الراجل بتاع المنطقة العسكرية قال خلاص انا اتكفل ببناء الكنيسة وكان مقنع وصادق ... قالوا احنا هنا مش علشان الكنيسة .. احنا هنا علشان نعرفهم اننا مش هفية ولا شوية .. احنا ناخد كل حقوقنا دلوقتي... الراجل بيقولي انا ماحبيتش افضل موجود و مشيت

برضو دي وجهة نظره .. وانا مازلت مع ان لو ليك حق تظاهر وهد الدنيا عليه
لكن هاديلك مثال تاني ابسط واقل تعقيدا

هيئة التدريس في الجامعات طالع عينهم ومراتباتهم اخاف اقولك كام احسن تفتكرني باكدب عليك ... ومن الفئات المظلومة بشكل مش طبيعي .. ومؤخرا فوجئنا باستقطاعات من بعضنا اتشالت من مرتبات الشهور اللي فاتت .. ولينا مطالب ... رفضنا التظاهر والاعتصام عليها لان مش وقته ... لازم العجلة تمشي .. والاعتصامات اللي حصلت في الجامعة دي كانت من طلبة ... احنا فكرنا ... قيمنا ... ووصلنا لقرار انه دلوقتي المطالبة هاتبقي اثرها مش كويس وهاتسبب ارتباك و احنا اما صدقنا

أقوم انا انزل اساهم في تظاهر في توقيت زي ده ... و اتعصب و استمر علي رأيي و انا فاتح باب جهنم اسمها فتنه ؟؟؟ وليه ؟؟؟ وليه مابقاش بافكر من منظور اشمل اني عايز الدنيا تمشي شوية قدام خصوصا انه فعلا فيه وعووود ان الدنيا تتصلح ...

ده اعتراضي .. انا باعترض علي التظاهر الفئوي او الطائفي .. وادينا شوفنا اول ناتج مباشر ... مصادمات فئات اقل وعي وادراك من الناس اللي ساكنين في منشية ناصر ... اللي مش فاهمين ألف باء تحضر ... وحرقوا عربيات الناس ... وادوا فرصة لعالم تافهة وهابلة تتعدي عليهم

ماهو بالمنطق يا جو ... ما احطش صوباعي في بق الاسد و اقله ما تعضش ... طبعا اللي حصل بلطجة من الطرفين وقله ادب
و اقولك علي حاجه و هاتصدقني اكيد ... الموضوع مالوش علاقة بدين ... لا ده مسيحي علي حق ... ولا ده مسلم بجد ... لانهم لو فاهمين ديم صح ... عمرهم ما يعملوا كده

معلش طولت عليك
بس عندي سؤال برة الموضوع
فيه شخص اسمه مايكل منير ...ده انا مش فاهم ... هل فعلا ليه شعبية بين المسيحيين ... انا بصراحة شديدة مش عارف احس انه من اهل البلد ... ومش مرتاح لاسلوبه ... يمكن اكون متحامل عليه بس بجد نفسي افهم الباشمهندس مايكل ده حد كويس يعني ؟؟؟

تحياتي يا سيدي و مليون بووسة علي دماغك يا جووو
صباحك مصري يا مواااطن

**SkyBird** · 10-03-2011 06:03 AM

عن نفسي مشاركاتي تدل اني ابعد ناس عن الطائفية
بعد احترام الرموز الدينية اتمنى نبتعد عن الحساسية المفرطة اللي اخدنا عليها من سنين
ايه اللي يمنعك يا جورج تنتقد المسلمين باسلوب يحسس المسلم ان انتقادك هدفه هدم سلبية من اجل التقارب تكلم يا اخي فنحن لسنا ملائكة ولنا اخطاء واخطاء كثيرة
والمفترض الا يؤخذ كلامك على انه هجوم على الاسلام ولكن على المسلمين المخطئين ومن لم يفهم سنتصدى له نحن المسلمين لتوضيح الامر
كذلك المسلمين عليهم انتقاد اخطاء المسيحيين فهم ايضا ليسوا ملائكة ولهم اخطاء ولكن ايضا بالاسلوب الذي يقصد منه التقارب
لماذا الحساسية وتحميل الامور ما لا تحتمل وليس كل نقد هجوم
واسمح لي اوضح اكثر
حضرتك اقتبست مشاركة لاخ هي مثال على ما اقول

على نفسها جنت براقش
وهما الخسرانين واول شئ هايخسروه حب وتعاطف الغالبية الساحقة من المسلمين - وانا منهم - لاخوانهم المسيحيين

اريد ان تكون مثل هذه الردود عادية فاراه رد عادي من مسلم يقول ان اللي بيتعمل هيخسرهم "قاطعي الطرق"حب وتعاطف المسلمين لاخوانهم المسيحيين
هذا نقد مشروع هدفه تصحيح خطا من اجل غاية اسمى هو الابقاء على حب وتعاطف المسلمين
يا جماعة عايزين نتخطى امور الحساسية ونصارح بعض في امور حياتنا طالما العقيدة والدين معروفة كل طرف للاخر والمتطرفين عقيدتهم معروفة حمانا الله منهم
بعد 25 يناير عيب نرجع لورا وكنت مكتئب لولا سمعت الشيخ المهندس اللي جاي من الشرقية لاعتصام المسيحيين ليقولهم انا جيت ارد الجميل لانكم حميتوني من البلطجة واحنا بنصلي الجمعة في ميدان التحرير وحب يشارك بتخصصه الهندسي في اعادة اعمار الكنيسة
والغريب ان اعتصام ماسبيروا تحول عصرا لاكثرية من المسلمين الملتحين والاخوات المحجبات لتوضيح الامور حتى خرج شعار "ايد واحدة"
عايزين نبطل حساسية والخروج من المراهقة الفكرية الطائفية في سبيل عرض مشاكلنا لحلها من الجذور
خلاص مفيش وقت وعايزين نبني مصر على نظيف من كل حاجة

**ramyhekal** · 10-03-2011 06:41 AM

احنا اهل واخوات فى الانسانيه والحياه
وسنظل كذلك مهما حصل من الطرفين
الرجاء قبول اعتذارى لك نيابة عن الاخوه اللى غلطوا

**arakysolom** · 10-03-2011 09:58 AM

المشاركة الأصلية كتبت بواسطة m.mostafa80

ومش هنختلف عمرنا اننا مسلم اومسيحى فى الأخر مصريين
بس للأسف فعلا فكره قطع الطرق والتصرف ببعض الهمجيه بتستفذ الناس مع صمت الكبار بيؤدى لمذيد من الأستفذاذ فالتمس لهم العذر واكيد انت اتضررت زى ما الكل تضرر فى قطع الطرق وتعطيل الحياه
والضغط على الحديد وهو ساخن مما قد يؤدى لأنكساره وعدم القدره على التأمه فكان يجب ان يخرج الكبار بنصح وارشاد باقى الأخوه من المسيحين الذين لا يقدرون ظروف البلد للضغط على القيادات لأخذ بعض المكاسب ولست اتحدث عن اعادة بناء الكنيسه ولكنى اتكلم عن الأمور الأخرى والمطالب الأخرى التى ظهرت فأدى ذلك لأشتعال الأمر فى فكر السلفيين المسلمين للمطالبه هم الأخرون بحل قضيه ومشكله ليس ايضا وقتها ان يحل مع ان لهم الحق فى الطلب هذا وانادى ايضا كبار الشيوخ السلفيين بتهدئه الطرف المسلم لأن هذا الوقت ليس وقت الطلبات
واعلم انك تتمتع بفكر واعى وانك متسامح وستتخلى عن فكره الشكوى
لأنها قد تصل الى فتنه اذا احتد النقاش فأتمنى ان تتسامح واعلم جيدا انك لك كل الحق فى الشكوى ولك كل الحق فى استرداد حقوقك وماترتب عليه لأيذاء مشاعرك
ولكنى اقول لك اخى الكريم هذا ليس هو الوقت للتحدث فى هذه الأمور وارى ان كثيرا من الأخوه المسلمين يؤيدون حقك فى الأعتراض وينبذون بعض الأراء فديننا دين سماحه فى الأصل ولا يأمر بالتعصب ولا الأستفذاذ ولكن اعذر من تم استفذاذهم واجعل صدرك اكبر واقدر على الأستيعاب لمثل هذه المشاكل فى هذا الوقت الحساس

+1