أنا بكره طريقة الكلام القديمة اللى اتكلم بيها الدكتور عصام شرف في العاشرة مساءا

**osoliman88** · 10-03-2011 01:01 AM

المشاركة الأصلية كتبت بواسطة hagan

اخي الكريم
طبعا استفهامات حضرتك تحمل (( اما الرجل كاذب او انه صادق بس حضرتك لا تصدقه ))
عموما هذا الرجل (( قد اختير من الثوار ))

م.حاتم السباعي

بصرف النظر عن التصديق أو عدم التصديق لأن الحقيقة لا يعلمها الا الله ، وإن كان الكلام فيه بعض الغرابة
ولكن كل ما أقصده هو زي ما بقى من الغير مقبول تعليق صورة أي رئيس جمهورية في المصالح الحكومية ، أن يكون أيضا مرفوضا هذا النوع من الأحاديث اللى ممكن ترجعنا ورا تاني ... يعني اللى بأطلبه من كل المسئولين أن يكون التركيز على العمل فقط. وكفانا استهزاء ولعب بعقول الناس حتى لو كان كلام حقيقي. أرجو ان أكون قد أوضحت وجهة نظري.

**human** · 10-03-2011 01:12 AM

الناس ملتفه عليه ووطنيته ومشاعره ملتهبه ده كان بيجاهد عشان مايدمعش من كتر المشاعر جواه

و التركه تقيله عليه عشان هو عايز يعمل شغل بجد ويسعد الناس فحاسس بضغط رهيب

رفقا برجل مرهف المشاعر ومعجون حب لوطنه

**aminibrahim** · 10-03-2011 01:14 AM

فعلا في ناس ليها نظيف

**Samah AbdAllah** · 10-03-2011 01:15 AM

انا كمان مش عاجبنى الجملة دى
خصوصا انه كررها فى البرامج الثلاثة
بس واضح جدا انه هادى ومحترم ومحب لمصر ولمنفعة الوطن والمواطن
واضح انه من نوع نحن رجال افعال لا اقوال مش محترف كلام ولقاءات يعنى :-)
لكن لفت نظرى كلام وزير الداخلية الشرطة نزلت القاهرة والجيزة وطريق القاهرة السويس والقاهرة اسكندرية
طيب وباقى مصر موقفها ايه
الانفلات الامنى واخد حقه وزيادة هنا فى اليكس على سبيل المثال

**mr_vampire** · 10-03-2011 01:26 AM

في حاجة اهم ياشباب مني الشاذلي قالتها ورئيس الوزراء مأكدهاش ( بس مأنكرهاش ).

ان فيه اكتر من 10000 ظابط قدمو استقالتهم. قلة ادب والله العظيم.

انا لو وزير الداخلية قبل مااقبل استقالتهم احاكمهم كلهم بتهمة الخيانة العظمي ( متهيالي التخلي عن العمل فالظروف ده اعظم خيانة ).

وبالمرة يدخلو عالمنفاخ الكهربائي كلهم دفعة مرة.

قلة ادب والله العظيم

**medo_2060** · 10-03-2011 02:25 AM

سيبك من طريقه الكلام الراجل لحد دلوقتى ماشى عالطريق الصح وربنا يوفقه ونشوف افعال تساعد البلد فى الخروج من هذه المحنه

**zalpany2000** · 10-03-2011 02:42 AM

عصام شرف .. مصري لحد النخاع ... يوم مسيرة هيئة التدريس الخاصة بجامعة القاهرة للتحرير ... كان من أوائل الناس اللي ماشيين معانا في المسيرة ... وكان بيدمع ويمسح في دموعه ... دي كانت اول مرة اشوفه بشكل شخصي ... سألت زملائي فعرفت انه عصام شرف
الراجل ده تاريخه الاكاديمي نظيف جدا ... اجتماعيا محبوب جدا في القسم بتاعه

انا مش سهل اقتنع بكلام علي الهوا ... و بقيت شكاك جدا
بس النهارده والراجل ده بيتكلم كنت مصدقه جدا ... اعتقد ان السبب انه صادق لان الصدق بيوصل بشكل سريع

انا مش باقول ان فيه حد فوق النقد
لكن ... نحسبه عند الله محسنا ... وربنا يصلح شأن البلاد كلها ويصلح شأن كل الراعيين

نديله فرصة و نشوووف النتائج

تحياتي

**aly_hosny** · 10-03-2011 03:02 AM

المشاركة الأصلية كتبت بواسطة mr_vampire

في حاجة اهم ياشباب مني الشاذلي قالتها ورئيس الوزراء مأكدهاش ( بس مأنكرهاش ).

ان فيه اكتر من 10000 ظابط قدمو استقالتهم. قلة ادب والله العظيم.

انا لو وزير الداخلية قبل مااقبل استقالتهم احاكمهم كلهم بتهمة الخيانة العظمي ( متهيالي التخلي عن العمل فالظروف ده اعظم خيانة ).

وبالمرة يدخلو عالمنفاخ الكهربائي كلهم دفعة مرة.

قلة ادب والله العظيم

دول خايفين
المفروض مايخفاوش لان دي شغلته بس تعمل ايه بقى

بس برضو زي ما قلنا قبل كدا من حقنا نخاف من حقهم يخافو

وانا اعرف ظابط شخصيا قدم استقالته رغم اني كنت بحبه جدا و كان محترم لابعد الحدود و ملوش اعداء " وبعض المسجلين عرضو حمايته لانه كان بيعاملهم باحترام" بس برضو خايف

-

الموضوع: أنا بكره طريقة الكلام القديمة اللى اتكلم بيها الدكتور عصام شرف في العاشرة مساءا

LinkBack

أدوات الموضوع

عرض

-

-

-

-

-

-

المواضيع المتشابهه

د مهاتير محمد الآن فى دريم 2 فى العاشرة مساءا

العاشرة مساءا ... والمهندس خيرت الشاطر دعوة للنقاش

بتحب تابع مين العاشرة مساءا ام القاهرة اليوم ام 90 دقيقة ام البيت بيتك ؟

الكلمات الدلالية لهذا الموضوع

المفضلات

المفضلات

ضوابط المشاركة