أنا هناقش حوار الدكتور البرادعي وأرجو تبادل المناقشة الهدافة:
" أي مصري يعيش ويتزوج في استراليا كمثال لن يصبح من حقه ومن حق اولاده الترشح للرئاسة طبقا للتعديل الحالي
- أود ان يفتح الباب لكل مصري للترشيح دون اقصاء أي أسماء خصوصا أن القانون يسمح للمصريين بحمل جنسيات أخرى" ممكن حد يقولنا على رئيس دولة أوروبية ، أو أحد رؤساء أمريكا كان معاه جنسية تانية أو متزوج من زوجة من جنسية تانية ، أو حتى يكون اترشح للرياسة في دولته ، لأني معتقدش إن أي دولة في العالم مهما بلغت الديموقراطية فيها هتقبل يكون رئيسها معاه جنسية أخرى أو له زوجة تنتمي لجنسية أخرى وبالأخص لو الجنسية دي من جنسيات دول تعتبر عدوة للبلد دي.
الأخوة الأفاضل انت نسيتو اللي اتقال على مقتل الأميرة ديانا واللي اتقال وقتها انها قتلت علشان علاقتها بمصري مسلم ، ووقتها مكنش ليها صلة بالحكم في انجلترا قوي
------------------------------------------------------------------------------------
"إذا اقتنع الشعب بي سأكون سعيد ولو اقتنع بغيري سأكون سعيد فأنا أرغب فقط في خدمة مصر"
"سأستمر في خدمة مصر من أي موقع أكون فيه"
"لو تم ترشيحي للمجلس الرئاسي فلن أترشح في الانتخابات لو رأى المجلس العسكري والشعب ذلك فالمهم أن أخدم بلدي من أي موقع"
ومع ذلك عندما سأله يسري فوده إذا لم ينجح في انتخابات الرياسة وعرض عليه منصب وزير هل يقبل أجاب:
"لن أقبل أن أكون وزيرا لأن منصب الوزير لا يمنح الصلاحيات الكافية لتحقيق أحلامي لمصر"
إيه التناقض ده ، إزاي عايز يخدم مصر من أي موقع ، وفي الآخر يبقى الموقع ده يا إما ريس يا إما لأ ، أصدقه إزاي بقى وأصدقه في أي جزء إنه عايز يخدم مصر من أي موقع والا أصدقه في إنه عايز يبقى ريس وبس علشان هو ده المنصب الوحيد اللي ممكن يخدم مصر
أعتقد كل وطني مخلص بيحب البد دي عنده استعداد يخدمها من أي موقع ، طيب كل واحد فينا يسأل نفسه كده مستعد يخدم مصر من أي موقع والا عايز يتحط في مكان معين ولو متحطتش فيه مش هيخدمها.
--------------------------------------------------------------------------------------
"لست ضد المادة التانية من الدستور فهي تعكس تاريخ مصر وحضارته ويجب أن تطبق بشكل حقيقي لأن مبادئ الإسلام هي العدالة والمساواة والصدق والأمانة"
هو الدين الإسلامي أهميته في الدستور إنه تاريخ وحضارة بس ، يعني سيدنا محمد صلى الله عليه وسلم كل اللي عمله أصبح في النهاية تاريخ وحضارة ، والدين الإسلامي مفهوش غير العدالة والمساوة والصدق والأمانة بس هي دي المبادئ اللي مفروض نخدها منه بس علشان كده مفيش اعتراض عليه في الدستور
طيب ما الفراعنة برضه كانو تاريخ وحضارة ونزود عليها كمان علم ، منحطلنا كام قانون كده فرعوني في الدستور علشان يعبرو عن الحضارة الفرعونية
------------------------------------------------------------------------------------
"راجعوا صحف العالم لتتأكدوا أنني من منع حصول أمريكا على تفويض دولي لضرب العراق، وحصلت على نوبل كما أكد من منحني الجائزة لأنني لا أهاب وواجهت الولايات المتحدة بقوة
أمريكا عارضت تجديد فترة رئاستي للوكالة الدولية لأنني وقفت ضدها في ملفات العراق وسوريا وإيران، لكنني انتصرت وفزت حينها بالفترة الثالثة"
"دحضت أكاذيب بوش حول العراق ففشلوا في الحصول على شرعية غزو العراق واضطروا للعدوان دون تفويض دولي"
وهي أمريكا كانت محتاج تفويض دولى ، هي بس كانت عايزة تتأكد من إن العراق خالى من الأسلحة النووية والكيماوية اللي ممكن تبهدل جيوشها ، ولما اطمنت من الدكتور البرادعي هجمت على العراق ، يعني عملها اللي هي عايزاه من غير ما ياخد باله
أما عن التجديد فملوش لزمه بالنسبة ليهم لأن المهمة انتهت
بوش كان قد بيت النية لغزو العراق وهو ما حدث رغم التقرير الذي ذكرت فيه أن العراق ليس لديه نشاط نووي
وده يأكد كلامي هما كانو عايز واحد يأكدلهم إنهم مش هيخسرو لما يهجمو ، وحصل مع كل الشكر والتقدير
عندما تحصل إيران على اليورانيوم فهي قادرة على صنع سلاح نووي
للأسف لسه أمريكا مش لاقية اللي يأكدلها إن إيران معندهاش أسلحة نووية ، والا كان زمانها احتلتها هي كمان
وطبعاً فاكرين كوريا والجدل حوليها والتهديدات وفي الآخر برضه مدخلتش علشان عندهم أسلحة نووية
------------------------------------------------------------------------------------
"البرادعي: إذا وصلت لرئاسة مصر سأعيد العلاقات مع إيران إلى نصابها الطبيعي"
إيران اللي عايزه تحط الدول العربية كلها تحت لواءها لواء الشيعة ، أعتقد كلنا سمعنا خطبة خامئني!!!!!!!
-------------------------------------------------------------------------------------
"إذا احتجنا في مصر الطاقة النووية لأغراض فنية فسنسير فيه، لكنني لن أسعى لتملك سلاح نووي"
أول مرة أشوف حد يرفض إنه يمتلك السلاح اللي عند عدوه علشان ميبقاش أضعف منه ، لأ والأغرب إنه ناوي يضغط على إسرائيل لنزع السلاح النووي !!!!!! بإيه إن شاء الله ، وإيه اللي هيجبرها على ده!!!!!!!!!!!!!!!!!!!!!!!!!!!
----------------------------------------------------------------------------------
"أول قرار هيخده بعد تولي المنصب هيخلي التعليم بعد الثانوية العامة بفلوس ، أو بقرض يسدد بعد التخرج"
يعني لو انت مش هتقدر على مصاريف الدراسة يا تقول لابنك كفاية لحد كده مش لازم تتعلم أكتر ، يا تاخد قرض يبقى مديون بيه لما يتخرج يعني بدل ما يتخرج يبدأ يبني في مستقبله ويجوز ويعيش يبقى المطلوب منه إن يسدد في الدين اللي عليه الأول ، يعني ببساطه كده اللي معهوش ميلزموش مش فاهم ديمقراطي واشتراكي إزاي بقى؟؟؟!!!!!!!
بعد كل ده المطلوب إني أرشحه للرياسة .............. إزاااااااااااااي؟!!!!!!!!!!