+11111111111111
أحييك وأؤيدك
بغض النظر عن موضوع الكاريزما ،، فنبي الله موسي كان يتلعثم في الكلام ،،
البرادعي مستمد كاريزمته من خبرته و من رؤيته ،،،،، من دماغه يعني ،،
الأفكار السياسية كلها متفق معه تماما ،،
اللي معجبنيش بقه ،، محاولته لتسويق نفسه كشخص مش كفكر ،، يعني أنه يبان حبوب و بيضحك
و كلامه إنه مشاركشي في الثورة من أول يوم عشان عنده مشاغل و بيألف كتاب !!!
و إنه شم غاز و قنابل مسيلة للدموع و ميدان التحرير كان مفتوح 18 يوم كاملة و بعدها كمان ،، مشفنهوش غير عشر دقائق ،،
هوا مبيكدبشي ،،، بس مش محتاج يبرر ،،، أنا كفاية بالنسبة ليا يقول إن ظروف سنه متسمحهلوش ليه بالحركية في الشارع
بس برده منكرشي إعجابي الشديد بيه لما يسري فوده بيقوله قول ورايا أنا الدكتور / محمد البرادعي
قاله مبحبش أقول كده أحب أقول أنا محمد البرادعي
ياااااااااااااااااااه اتبسطت جدا ،، حسيت إنه فاهم يعني إيه إنه خادم للشعب مش رئيس ليه ،، ثقافة جديدة علينا في مصر
عموما دي نقط بسيطة و أكيد لن يرضي كل الناس و لن أرضي عنه بنسبة 100%
بس أهم ميزاته اللي تخليني أديله صوتي ،،
أنا الراجل ديمقراطي بنسبة 100% ،،
يعني أعتقد إن في حالة نجاحه هتكون فرص العودة للخلف ،،،، صفر ،،
أي حد غيره أشك بنسبة ،، فلذلك هوا الأنسب لحماية مكتسبات الثورة في المرحلة القادمة
كنت ضده ومازلت
دلوقتى عشان الناس قالت ده مش مننا ومش حاسس بهمنا
طلع يقولك انا اول مؤتمر هعمله هيبقى من العشوائيات !!!!! ماهو الكلام ببلاش
ويقولك انا جاى رئيس عشان قابلت مش عارف مين بيشيل المية من الجبل وعنده 75 سنة
ويرجع يقولك انا مع بقاء المادة 2 ومعروف طبعا انه هو من اول الناس اللى كان عايز يلغيها وهو اللى مهيج الناس اصلا
من الاخر هو دلوقتى بدأ يدور على لم اكبر عدد من الاصوات وخلاص سواء دى افكاره في الاصل او لا والله اعلم هيعمل ايه بعد كدة
وشوية يقولك هترشح وبعدين مش هترشح وبعدين يقولك الرئيس لازم يبقى في الاربعينات ويرجع يقولك هترشح ويرجع اخوه يقولك لا مش هيترشح ، يرجع هو تانى يطلع يقول هترشح !!!!
راجل كداب وما بقدرش اركز معاه اصلا
ممل بغباء
انا بصراحة ماحبتشي اشارك في الموضوع الاول اللي اتعمل يوم 2 فبراير نظرا لأن كل المواضيع كانت عبارة عن خناقات بين مؤيدين ومعارضين لوجهات نظر
انا من اشد المعجبين بالبرادعي من بعد ما شوفت حواره مع عمرو اديب في فيينا ومعجب جدا بفكره اللي ينفع مصر خصوصا في الفترة الحالية
غير انه ثابت على موقفه ولم يغيره على الاطلاق حتى بعد ما فوض الرئيس صلاحياته لعمر سليمان ومعظم المعارضة والمذيعين ساعتها قالوا كفاية كدة ولكن البرادعي فضل ثابت على موقفه وفعلا كان عنده حق.
وبالنسبة للانجازات:-
انا اعتبر اضافة جائزة نوبل لرصيد مصر وحدها انجاز كبير وده نفس الانجاز اللي خلانا زعلانين على الدكتور احمد زويل انه خرج من الترشيحات.
اعتقد ان الحب ممكن يجي بعد الجواز او بمعتى اصح الانجازات ممكن تيجي بعد تولي البرادعي الرئاسة
ولو اخدتو بالكو انه اعلن انه لن يترشح في الا بعد عمل دستور جديد لأن الدستور الحالي ممكن يصنع ديكتاتور جديد في ظل الصلاحيات الممنوحة للرئيس وده يؤكد انه مش طمعان في سلطة وراجل فعلا حابب يخدم بلده.
انا عندي في البيت والدي مش مؤيد للبرادعي ووالدتي من اشد المؤيدين للبرادعي من زمان وربنا يستر
بالنسبة لى انا مقتنع بالدكتور البرادعى من اول يوم ، من ساعة ما كان بينادى الناس للتغيير ، فى الوقت اللى ما كانش حد يجرؤ يتكلم فى حاجة زى دى أساسا. من ساعة ما رجع وهو كلامه واحد قبل وبعد الثورة ، بحس فى كلامه بصدق وعقلانية شديدة.
وبعد ما تابعت المناقشات هنا عنه ولقيت ان المعارضين للبرادعى بيستندوا على سمات شخصية ، وعلى إدعاءات ثبت كذبها ومتأثرين إلى حد ما بالحملة القذرة اللى اتعملت ضده من العصابة اللى كانت مساكة البلد ، فانا بعلن تأييدى الكامل لدكتور البرادعى رئيسا للبلاد.
((ولو اخدتو بالكو انه اعلن انه لن يترشح في الا بعد عمل دستور جديدلأن الدستور الحالي ممكن يصنع ديكتاتور جديد في ظل الصلاحيات الممنوحة للرئيس وده يؤكد انه مش طمعان في سلطة وراجل فعلا حابب يخدم بلده.))
وهو ده مربط الفرس ألي نزل شعبيته عندي بعد ماكانت 40% أصيحت تقترب من الصفر
ممكن توضحولي مالحكمة والفرق الجوهري المربوط بأرض الواقع بعيد عن الشعارات مابين الحلين وأيهما أنسب لظروفنا الواقعية بغض النظر عن نجاح أي من التجربتين في دولة ما بالعالم؟!
كلامك جميل ومنطقي يا دون اوتيفا وانا اتفق معاك ان مافيش اي فرق ان يتعمل دستور جديد قبل انتخابات الرئاسة او حتى لو هو نجح ممكن يقوم بطلب عمل دستور جديد مافيش مشكلة ولكن تحليلي كشخص عادي لا ليا في القانون ولا السكك السياسية ان الراجل بيحب كل حاجة تتعمل على مية بيضاء وان لو هو سقط في الانتخابات ونجح شخص اخر. مايجيش الشخص الاخر ده يماطل في عمل الدستور الجديد ويمشي بالدستور الحالي ويبان انه كويس والناس تقتنع بيه ونرجه تاني زي ماكنا بعد 10 او 15 سنة ويبقى ديكتاتور
لأن بصراحة من غير المنطقي ان يجي رئيس جمهورية يطالب بعمل دستور جديد يقلل من صلاحياته.
انا بتابع اخبار وحوارات البرادعي من حوالي اكتر من سنة من قبل حواره مع عمرو اديب في فيينا واللي لاحظته ان الراجل ده مش عاوز يدخل في اي حاجة تخلو من الشفافية.
يبقى المفروض وجهة النظر ديه تزود شعبيته مش تقللها
ولرأيك كامل التقدير والاحترام يا باشا