الموضوع: السمك اللى عندى فى الحوض مات ومش عارف ليه

المشاركة الأصلية كتبت بواسطة heshamzaky

بص يا باشا أغلب الظن حضرتك لما جبت السمك الجديد دة دلقت جزء من المية الى فى الكيس داخل الحوض يعنى الفيرس أتنقل من المية الملوثة بتاعت البياع للحوض عند .صور السمك الجديد و أحاول اقولك نوعة أية
الحل . فضى الحوض تماما و اغسلة كويس جدا بمية سخنة من السخان بس مش سخنة قوى علان السيلكون الى لازق زجاج الحوض و الجرش الى فى الحوض أغسلة كويس جدا و حط ملح علية و اغسل كويس قوى . بعد ما تغسل كويس و تشطف الحوض كويس أنا كنت بغسل الحوض بصابون سائل بس المهم تشطفة كويس جدا . املى الحوض مية و هات مزيل كلور أنا بجبة حبوب مش سائل و حط الحبوب بتاعت مزيل الكلور فى المية الجديدة و سيبة 10 دقائق و شعغل موتور الهواء و بعد كدة حط الفرش الى فى الحوض يعنى الاول املى الحوض مية و بعد كدة حط الفرش علشان ما تعكرش المية أو لو مش عاوز كدة هات حتة فلين و حطها بداخل الحوض و أملى الحوض بالجردل بس المية تنزل على الفلين علشان ما تعكرش المية
هات دواء أسمة anti whit spot دة لونة أزرق زى الحبر كدة و حط منة فى المية حا تلاقى المية بقى لونها ازرق بس حا تروق بعد كام ساعة كدة و انت مشغل الفلتر . و ممكن تحط ملو معلقى شاء ملح فى الحوض مفيش مشكلة بس أعرف انت حاطط أنواع سمك أية لو سمك مولى مفيش مشاكل المولى بيحب الملح لو عند انجيل بلاش لو فانتيل ما تزودش الملح و بعد كدة حط السمك و بعد يوم شيل ثلث المية و حط مية من الحنفية عادى من غير مزيل كلور و ان شاء الله القصة تروح . و بص بتاع السمك حا تلاقى عندة ادوية فى زجاجات زى بتاعت قطرة العين فية واحد منها المادة لونها أخضر شوية أنا ناسى اسمة بس حط منة برضو . و لو عندك سخان بترموستات أرفع الحرارة الى 28 درجة

اولا الف شكر للناس كلها بس انا عاوز اقول حاجه
انا عملت كل اللى الناس قالت عليه بس هل ممكن السمك مايتاثرش غير بعد اربع اسابيع لان السمك كان زى الفل من ساعه ماغيرت الميه وعلى فكره انا بحط تلات انواع من الادويه اللى حضرتك قولتلى عليه بالاضافه الى مزيل الكلور بس قدر الله انا كان عندى فانتيل الكبير والصغير وانجل ومساحه الحوض كانت ا متر عرض وكان عندى حوالى 20 سمكه بس ممكن اعرف علشان اعمل حوض سمك كويس ايه نوع الاسماك اللى اجيبها ويكون شكلها حلو واعمل ايه علشان السمك مايموتش منى تانى لانى بادىء بقالى 7 شهور فى الموضوع ده

يبقى الحوض كان كويس
و فى متغير جديد هو اللى دخل و هو الميه
الميه للاسف قاتلة بسبب الكلوريين و الشبه للتطهير و تثبيت الكلور فى الميه
ميه الغيار لازم تتساب لمدة يوم كامل و فيها سكرية هوا و مزيل كلور من نوع محترم

المشاركة الأصلية كتبت بواسطة sarah5

اكيد حضرتك السمك الجديد كان فيه حاجة غلط لأنه هو بس اللي مات ودايما لازم تتأكد من نظافة المية بعد غسيل الحوض بتحط مزيل للكلور وتسيبه شوية وبعدين بتحط السمك في الحوض بس مش بالمية اللي كان موجود فيها اثناء الغسيل وطبعا اكيد حضرتك عارف ان متأكلهمش كتير اما بالنسبة لانواع السمك في حاجات كتير ممكن تخلي صاحب المحل يساعدك .

انا حاطيت مزيل الكلور على فكره بس تانى يوم لان اكتشفت انى ماكانش عندى بعد ماحطيت السمك وبالنسبه للسمك الجديد دا اخر حاجه ماتت عندى وانا باروح اجيب السمك من سوق الجمعه فياريت حد يفدنى