مش فاهم أي حاجة في أي حاجة ...؟!

**Mzeid** · 08-04-2008 06:14 PM

النهاردة يا جماعة رحت أنا و الميكانيكي زدينا موتور الهمفي بتاعتنا - كل ما أقول همفي غعرفوا إنها ال 128 بتاعتنا - للمخرطة لأنه لسة مفتوح إمبارح و روحنا جبنا الحاجة بتاعته و وديتها المخرطة بس المشكلة العويصة إني مش فاهم أي حاجة في أي حاجة خالص لأن أنا أساساَ مش عارف إيه اللي مفروض هيحصل و لا هجيب إيه كل دة بسبب إن والدي بيرجع من الشغل كل يوم الساعة و طبعاَ مفيش حد غيري في البيت علشان يتابع العربية دة غير إنها أول مرة يتفتح فيها الموتور من ساعة ما العربية جت من 1978 .... ؟!

**hazem_khidr** · 08-04-2008 06:35 PM

طب قول عاوز تفهم ايه :)؟
انت لو فاكك الموتوركله
الفارغه بتروح المخرطه مع البساتم الجديد بيتعمل ليها شميز و بتخرط عمود الكرنك و بما ان دي اول مره بتفتح الموتور حتخرط الكرنك 010
و بيروح وش السلندر برضه و بتعمل دليل للصبابات الجديده هناك و بعدين بتاخد كل الكلام دا و ترجع للميكانيكي يقفل
و قبل ما يقفل بيعمل روديه لصبابات وش السلندر و الروديه دا عباره عن تليين للصبابات علشان تطبع مع الوش .
لواي حاجه عاوز تسال عليها صورها و هات الصور و احنا نقولك دي ايه

**cazanova555** · 08-04-2008 06:51 PM

عليا النعمه انا زيك مش فاهم اي حاجه في اي حاجه :)

**hazem_khidr** · 08-04-2008 06:58 PM

طب لو عاوزين تفهموا اتعبوا بس شويه و هاتو صور الحاجه و انا قولكم دي ايه و وظيفتها ايه :)

**cazanova555** · 08-04-2008 07:03 PM

الفارغه بتروح المخرطه مع البساتم الجديد بيتعمل ليها شميز و بتخرط عمود الكرنك و بما ان دي اول مره بتفتح الموتور حتخرط الكرنك 010
و بيروح وش السلندر برضه و بتعمل دليل للصبابات الجديده هناك و بعدين بتاخد كل الكلام دا و ترجع للميكانيكي يقفل
و قبل ما يقفل بيعمل روديه لصبابات وش السلندر و الروديه دا عباره عن تليين للصبابات علشان تطبع مع الوش

كل الي انا اعرفه في الكلام ده هو وش السلندر بس انما الباقي اكني هندي بصراحه وجيلكم المنتدي بفيل :) :) :)

حتي مش عارف صور الحجات دي ايه ياريت كامارو يجيبلنا الصور والباشا بتعنا يفهمنا

اكيد الباشا حازم :)

**hazem_khidr** · 08-04-2008 07:08 PM

فارغه الموتور دي يا كازانوفا هيا اصل الموتور و هيا اللي بيبقي متركب عليها وش السلندر.
بصراحه لو عندي صور كنت جبتها و شرحن اعليها سوا بس نخليها بقي مهمه الاخ كمارو ويصور الموتور و هو مفكوك كده و نشرحه حته حته .
.........

**Mzeid** · 08-04-2008 08:07 PM

إن شاء الله بس بكرة علشان الموتور هيجي الصبح إن شاء الله . :):):):)

**Mzeid** · 08-04-2008 08:15 PM

على فكرة انا مش مخضوض من منظر الموتور لأ أنا مش عارف النظام بيمشي إزاي و بعدين أنا طبيعة دراستي - الهندسة البحرية - خلتني أشوف حاجات أنيل بس ديزل يعتي شوفت وشوش سلندر متجزأة كل سلندر ليه جزء و الجزء الواحد قد الموتور اللي أنا لسة فكه إمبارح و يمكن أكبر كمان دة غير إني شوفت سلندرات إنسان كامل ممكن يقف جواها :D:D:D:D .

**Mzeid** · 08-04-2008 08:19 PM

و نسيت أشكرك يا حازم على مساعدتك و أنا آسف على الحاجات اللي بتحصل عندكم في المحلة دي أفعال بشعة جداَ .

**hazem_khidr** · 08-04-2008 08:34 PM

و نسيت أشكرك يا حازم على مساعدتك و أنا آسف على الحاجات اللي بتحصل عندكم في المحلة دي أفعال بشعة جداَ

.

لا شكر علي واجب يا كمارو
و بالنسبه للمحله ف لها ربنا و ربنا يسترها

الموضوع: مش فاهم أي حاجة في أي حاجة ...؟!

LinkBack

أدوات الموضوع

عرض

مش فاهم أي حاجة في أي حاجة ...؟! - انشر الموضوع فى :

-

-

-

-

-

المواضيع المتشابهه

lمش فاهم حاجة !!!!

هو في ايه ؟؟؟؟ انا مش فاهم حاجة

موبايل فيه كل حاجة تتخيلها ومتتخيلهاش (كلللللل حاجة أيوة كللللللل حاجة)

الكلمات الدلالية لهذا الموضوع

المفضلات

المفضلات

ضوابط المشاركة