الموضوع: وقفه للإنتباه (اعقلها قبل ان تتصرف)

المشاركة الأصلية كتبت بواسطة samoevil911

[justify][/justify]

[justify]

بسم الله الرحمن الرحيم

بداية انا عايز أأكد على حاجة

يا جماعة بلدنا في مرحلة حرجة ينعدي منها بسلام إلى ما هو أفضل يأما ننزلق لفوضى (ربنا يستر)

الملاحظ اليومين اللي فاتو ان بعض الناس بتكلم في القانون دون ان تدرسه اوتقرأ فيه او حتى تعلم عنه حاجة

وكل شخص يستخدم فكره الشخصي او كلمه سمعها حتى لو لم يتأكد منها ويقولها

يا جماعة لازم ناخد بالنا من حاجة ,كثير من الاعلام منصب فكره على اتجاه معين

يعني الاعلام بيتجه نحو رفض التعديلات

وكل اللي بيستصيفهم الرافضين للتعديلات

ولم يستضيفوا احد من اللجنة او المناصرين للتعديلات الا قليلا جدا اول منشرت التعديلات واللجنة استضافوا منها مرة واحدة على ما أظن

وكان هناك اتجاه لتوجيه الناس للرفض

تحليل ممتاز و انا متفق معاك جدا

يا جماعة معظم الكلام اللي بيقال عن التعديلات مش صحيح

وفيه انتقادات بتقال لأغراض اخرى

مثلا معظم العالمانين يرفضوا التعديلات لإنها ستؤدي لدخول الإخوان بكثرة في المجلس وسيطرتها عليه

فبيتجهوا لنقد التعديلات والمطالبة بدستور جديد

وناس بتنقد لعدم مشاركتها في اللجنة (معظمهم قضاه)

المشكلة ان الانتقادتات معظمها مردود عليه

الفكرة الآن :

احنا فعلا محتاجين نغير الدستور

بس السؤال هلى دا لازم حاليا

التعديلات كان غرضها تخفيف شروط الترشح للرئاسة واعادت الاشراف القضائى لضمان انتخابات حرة نزيهة تتيح نقل السلطة بسلاسة مع ازام مجلس الشعب والشورى بعمل بإنتخاب لجنة تأسيسية من 100 عضو لوضع دستور جديد خلال 6 شهور

إذا الفكرة ان على فرض الموافقة على الاستفتاء

هيجي مجلس الشعب والشورى ينتخبوا جمعية تأسيسية هيكون الرئييس احتمال اصلا ملحقش يمسك
ده منصوص عليه في التعديلات ماده 189 و 189 مكرر
ولو مسك مش هيلحق يعمل الأفكار البشعة اللي الناس بتتخيلها

يعني مثلا الناس اللي بتقول

الرئيس له سلطة حل البرلمان

هيحله امتى دا اصلا ؟

ومش هيقدر اصلا .. لإن لو حله ايه مصلحته ؟

بلاش .. هيحله مبعدها هيطر يجي برلمان جديد هينتخبه الشعب ايضا

وفي اشراف قضائي

يعني هيجي بردوا اللي الناس عايزنهم وينتخبوا جمعية تأسيسية ولو معجبهوش هيعمل ايه بقى ؟!

اظن واضح ان مخاوف الناس ما هي الا اوهام

واسف مين الرئيس اللي فقد عقله اللي ممكن يعمل كدا ؟ خصوصا ان الناس هي اللي هتختاره

وبعدينالاعتراض على ان الرئيس هو القائد الأعلى للقوات المسلحة .. يعني هيحارب الشعب ؟

وبعدين هو رئيس السلطة التنفيذية.. ايوا يعني هيعمل ايه في الفترة القصيرة دي ؟

وعلى فرض انه عمل مين هيسمحله ؟

وحجة اعلان حالة الطوارئ .. مهو لازم يوافق مجلس الشعب المنتخب عليها ..

لو مسكنا حاجة حاجة هنكتشف ان احنا بنتخيل مصائب فقط وصعب ان لم يكن مستحيل حدوثها

موضوع بقى التمثيل في مجلس الشعب والأحزاب

بداية هو لازم الشخص ينزل تبع حزب ؟

مهو في حاجة اسمها مستقلين وللعلم احنا محتاجين فترة كبيرة اوي عشان ثقافة الأحزاب ترتكز عندنا يعني مش هي دي الحجة

وبعدين الأشخاص اللي عايزة تنشئ احزاب .. ممكن تقوم بعمل دعاية ليها على النت وبالنشر زي أحزاب كتير بدأت تعمل كدا منها (مصر الكنانة ومصر الحرة مثلا)

-وبعدين الإعتراض على الإخوان هيدخلوا كتيير ... مهي لو دي ارادة الشعب ايه المشكلة ؟!.. ولو قلنا الأحزاب مفيش وقت .. هنقول مالأخوان مش حزب وكانوا منظمين نفسهم وبيحاربوا في الحكومة بقالهم سنين في الوقت اللي ناس تانية كانت قاعدة في بيوتها

يعني احنا عندنا مستقلين وممكن نعمل دعاية عامة وكمان ثقافة الأحزاب اللي الناس متخيلها ومركزا الأمل عليها وكأنها هي الملاز الوحيد مش هي الحل الوحيد في الوقت الحالي ولا هي الحل السريع اللي يحل المشاكل الحالية

اما موضع شراء الأصوات .. دي مشكلة في الأشخاص واللي بيبيع النهاردة ايه الي يمنعه انه يبيع بكره؟

التربية و التعليم مثلا .. مهو شوف قدامها اد ايه وشوف انك محتاج تحققله العدالة الإجتماعية .. وكل دا وانت معندكش رئيس ولا مجالس

يا جماعة لو رفضنا الإستفتاء معناها

اهدار وقت حوالي شهرين

واهدار نفقات

واستمرار وضع البلد بدون رئيس ولا مجالس نيابية ولا محلية

مؤسسات لا تعمل ومن يعمل فلا يعمل بكامل كفائته

انفلات امني

فعليا الموضوع هيبقى مجازفة

وموضوع المجلس الرئاسي دا موضوع غير مفهوم

الثورة بدون قائد يعني المجلس الرئاسي منتخب

طيب من خمسة اعضاء على الإقل

يعني انا محتاج اعمل انتخابات لخمسة اعضاء

يعني اجراءات اد ايه ؟والفرز بقى ربنا مع اللي هيفرز معرفش دا هيخلص في اد ايه؟

وفي الآخر المجلس هيبقى له نفس صلاحيات الرئيس

يبقى استفادنا ايه ؟!

والناس اللي بتقول ناس قبلنا عمله كدا

الناس اللي قبلنا ظروفهم مش زينا

يكفي موقعنا في المنطقة واللي بيشكل خطر علينا في حد ذاته

علاة على ان ثورتنا ملهاش قائد ولا ايدلوجية وبدأ يظهر مطالب فئوية

انا رأيي المتواضع ولا ألزم احد به

موافق على التعديلات

وهدي صوتي للمرشح الأفضل في الانتخابات البرلمانية وهدي صوتي للمرشح اللي اثق فيه وفي برنامجه الانتخابي للرئاسة

ولن اجري وراء شكوك نسبة تحققها لا تتعدى واحد في المية

واضيع وقت اكثر واهدر نفقات على الدولة واخر استقرار البلد

خصوصا وانا اثق ان الدستور سيتغير خلال ستة اشهر ان شاء الله

واسف على الإطالة

[/justify]