الموضوع: عايز اجيب هديه رمزيه لعيد الام

المشاركة الأصلية كتبت بواسطة nonetta

شكرا ليك
اصل انا متعهدة الهدايا
دايما في الشغل لما نيجي نجامل زمايلنا في اي مناسبة
بيوكلوني
فأخذت خبرة الى حد ما
يبقى الحاجات اللي قلت لك عليها (المحفظة الحريمي - الايشاربات -الباشمينا )
دول يبقوا انسب حاجة من وجهة نظري
وتحط كل واحدة في شنطة هدية على مقاسها
تبقى لطيفة وشكلها حلو
في كمان مفارش سوري وهندي مطرزة بتبقى في نفس حدود السعر وشكلها جميل بتبقي مربعة والاربع اركان في كل ركن شرشروبه بس ممكن متلاقيهاش بسهولة
ويارب تلاقي حاجة بسهولة احسن موضوع الهدايا دة بيبقى محير جدا

طيب انا عاوز اسالك سؤال
ايه هى ( الباشمينا )دية او مره اسمع عنها
وبعدين ايه رايك فى بوكيه ورد طبيعى لان المقتنيات الحريمى بتختلف فى الذوق جامد وزى ما قلتلك المقصود بيها ان الواحد فاكر مناسبه زى دية فقط مش ناحيه ماديه وعموما ان لو لاقيت محفظه حريمى كويسه حاجبها

المشاركة الأصلية كتبت بواسطة moustafa_saad

طيب انا عاوز اسالك سؤال
ايه هى ( الباشمينا )دية او مره اسمع عنها
وبعدين ايه رايك فى بوكيه ورد طبيعى لان المقتنيات الحريمى بتختلف فى الذوق جامد وزى ما قلتلك المقصود بيها ان الواحد فاكر مناسبه زى دية فقط مش ناحيه ماديه وعموما ان لو لاقيت محفظه حريمى كويسه حاجبها

الباشمينا دة زي الايشارب اللي بيلبسوه حجاب بس هوة قماشه زي القطن تقيل شوية وفي منه سادة ومشجر و بيبقى بشراشيب ممكن يتمل ايشارب وممكن يتعمل شال على الكتاف او يتحط كإكسسوار للملابس
انا كمان ما كنتش اعرف ان اسمه باشمينا عرفته من اخوات هنا في المنتدى
بالنسبة للورد الطبيعي هوا هدية جميلة وجامدة جدا وانا شخصيا لو حد هداني ورد ابقى في منتهى السعادة مهما كان حجمه حتى لو وردة له تأثير السحر على السيدات
وبما انك لقيت محفظة كويسة فتوكل على الله بس خلي بالك
الاهم من الشغل .. ضبط الشغل
تحط كل محفظة في الشنط بتاعة الهدايا على مقاس المحفظة وهتلاقيها رخيصة مش من جنيه ل اتنين جنيه ونص بالكتير علشان يبقى شكلها جميل

المشاركة الأصلية كتبت بواسطة shaddadfalcon1

انا جبتلها عبايه بخمار وناوي اجبلها موبايل كمان واشحنه بكارت بخمسه بس مش عارف لسه في كروت بخمسه ولا هضطر اجيب واحد ب 10

اشحن على الهوا يا خويا ...