الموضوع: رامي عصام بيحكي تعذيبه على ايد الجيش :(

هل احنا بنحب نعمل تماثيل ونسجدلها ولا ايه

وبعد كده التماثيل تدينا على دماغنا ونقول كمااااااااااان

المشاركة الأصلية كتبت بواسطة mrbebo

مش معنى ان فيه حد مختلف معاك في وجهة النظر يبقى تحجر على رايه

فتنة ايه بس اللي بقيت لبانة في بقنا كل موضوع يحصل في البلد او مشكلة نقول فتنة

المفروض نواجه مشاكلنا مش نتهرب منها بحجة الفتنة ! الهروب مش بيحل مشكلة

معلش يا باشا مهو دى الديمقراطيه الجديده

المشاركة الأصلية كتبت بواسطة mrbebo

حضرتك بتقصد ايه بحاجة تقرف ؟ عموما شكرا لذوقك لو كنت تقصدني
بالتأكيد مقصدكش شخصيا أبدا
والكلام من أول كلمة أخيرا مش موجه طبعا لحضرتك
ولا لأى شخص تانى بالمناسبه
أنا فعلا قرفت من النغمه اللى ماشيه فى البلد لأن مش بعد كل اللى بيحصل يتقال كده

ثانيا حضرتك معتقد اللي ظاهر في الفيديو ده من اصابات مكياج ؟ ولا واحد بيستهبل ؟
أنا معلقتش على الفيديو
و الناس اللي اتاخدوا ظلم برضوا عادي ومفيش اي مشكلة وكله يهون علشان خاطر الجيش !

تفتكر الجيش هياخدهم ظلم ليه , أيه اللى هيستفيده ,بس لما يكون فيه ضرب والجيش يتدخل ويمسك أجدع ناشط مثلا ويلاقى معاه سلاح حيعمل أيه

انا عارف انه في الفيديو بتاع الشرطة العسكرية دول شوية بلطجية

ولو حضرتك ركزت مكنش قولت صوت طقطقت العصاية لا

ده كان بيضربوا برجليه وبالعصاية بس بعد ما الكاميرا اخدت زاوية غير الالفاظ المتنقية

مع انه مش محتاج يعمل كده لان الناس دي خلاص مربوطه ومقيدة يعني هو مش في حالة دفاع عن النفس او محاولة اعتقال شخص مجرم

يبقى ده بهدف ايه غير التسلية زي اللي كان بيحصل من الشرطة سابقا
وده أسمه تعذيب برضه
وجاوب على سؤالى لو حصل معاك حاجه من اللى عملوها هتعمل معاهم أيه
اللى حصل ده زى ما حضرتك تمسك حرامى أكيد مش هتقوله حضرتك أقعد ساكت , أكيد هتتكلم معاه بلغته , ولا أيه

حضرتك لو فاكر ايام حظر التجول كانوا بيقولوا للناس اللي داخل الميدان بعد الحظر متتجولوش وخليكم في منطقة الميدان متخرجوش منها ومحدش هيتعرضلكم

ولما قال فضوا الميدان كان مفروض يسمعوا الكلام وخصوصا أن ده لمصلحتهم وأنا وضحت السبب أكتر من مره
وبعد كده الجيش او الشرطة مش بيمن علينا علشان ده وجبه اساسا فمفيش حاجة اسمها لما حد يحصل عنده حاجة ميتصلش بيه !

اللى شايف أن الجيش مفترى يبقى ما يتصلش بيه

يا سيدي ايه علاقة ده بسيادة النقيب ماجد بولس ؟

هو علشان فيه سلبيات يبقى كله وحش ونشطب عليه .... احنا بنقول لو فيه حد غلط يتحاسب

يعني مش معنى ان فيه ناس عملوا تجاوزات في الشرطة تبقى كل الشرطة ناس مجرمين ونفس الموضوع بالنسبة للجيش

بس كلامك كان تعميم , محدش معصوم من الخطأ , ولما مجموعه أخطأت الجيش أعتذر , بس مكنش تعذيب

وياريت يا جماعة متبقاش العاطفة عندنا عالية كده

مش مسأله عاطفه بس اللى أيده فى الميه مش زى أللى أيده فى النار

لازم نبتدي نغير فكرنا وطريقتنا ولازم يبقى القانون فوق الجميع حتى على رئيس الجمهورية !

أنا سألت حضرتك الجيش مفروض يطبق القانون على المعتصمين بعد حظر التجوال ولا لأ

المشاركة الأصلية كتبت بواسطة itsonlyme

للاسف في ناس عندها عقليات زي وأقذر كمان من مبارك والعادلي وظباط أمن الدولة.

نقول نحاسب المخطئ يقولوا يستاهلوا الخارجين عن القانون.

هو الاعتصام خروج عن القانون والتعذيب مش خروج عن القانون؟

طبيعى أنك تشوف أى حد يخالفك الرأى تقول عليه كده

عارف ترجمة أسمك أيه

بس أن أخلاقى متسمحليش أنى أرد عليك

طيب ممكن حد يرد عليه ............ الناس اللي دلوقتي في ميدان التحرير ايه طلبتهم . يعني عايزين ايه ؟.