الموضوع: رامي عصام بيحكي تعذيبه على ايد الجيش :(

المشاركة الأصلية كتبت بواسطة hagan

يا بشمهندس
هو حضرتك كنت معاه و هو بيضرب
لو حضرتك مكنتش معاه ليه بتأكد ان الجيش ضربه
هل الاخ عصام نبي او قديس كلامه لازم يبقي مصدق علشان هو مطرب الثورة مثلا
انا بس عاوز اقول لو هوه كلامه مصدق طب يبقي الجيش كمان كلامه مصدق لما قال انا مع الثورة
و مع تأييدي لكلام حضرتك ان اي حد يغلط لازم يتحاسب
و موضوع ( ديل الحصان ده ) فبصراحة ايا كان مين حلقهوله فيبقي عمل فيه معروف علشان لو شفناه من ضهره منتلخبطش بعد كده
تقبل تحياتي

م.حاتم السباعي

م.حاتم
الجيش ضربه و ضرب ناس كتير قابليه و فيه ناس اعتقلها و تحفظ عليها فى المتحف
و ده حتى من قبل الموضوع ده

مش محتاج انى اعرفه عشان اعرف اذا كان الجيش ضرب ولا لأ و عندى اصدقاء كانوا متواجدين

ليه ضربوه ماعرفش بس فيه عدم شفافيه
و مش كل الجيش حاجه واحده

و بالنسبه لشعره اعتقد هو حر يطوله زى ماهو عايز و مش من حق خد يقصه ديه حريته الشخصيه و اللى عمله على مدى ايام الثورة يجعلنى احترمه و احترم ابداعه و مشاركته الناس

المشاركة الأصلية كتبت بواسطة khaled_sabry

و بعد كده بشكل عام
الجيش حقق مطلب المتظاهرين و جابلهم عصام شرف .. و المتظاهرين نفسهم قالو اننا حنعلق الاعتصامات
كده يبقى مين اللى قاعدلنا فى التحرير ؟؟؟ خاصه ان اللى فاضلين دول ماكنشى ليهم مطالب واضحه

انا معاك و ضد استمرارهم و ضد ان احنا لا نعامله كانسان ليه حقوق مشروعه على الاقل فى المعامليه
انت عندك دليل ان رامى بلطجى؟؟؟

المشاركة الأصلية كتبت بواسطة khaled_sabry

وبالتالى انا لو كنت هناك كنت شاركت فى اعتقالهم
بالنسبه لموضوع التعزيب ده ... الجيش بيتعامل معاهم كبلطجيه و كان فيهم كتير كده بالفعل و بالتالى ده الاسلوب اللى ينفع مع البلطجيه لأن فى الوقت ده لازم ياخدو على دماغهم و مافيش وقت ل(تعالى يا حبيبى نتفاهم و غلط اللى انتا عملته ده )
و لذلك زودو عقوبة البلطجه الى المؤبد و الاعدام فى بعض الاحوال

اتفق بس رامى معروف فى الميدان يعنى مش شخصيه هتتلخبط فيها
غير ان حتى لو بلطجى و عقوبه الاعدام فده قانون بس التعذيب مش فى القانون

مافيش فى القانون ياخدوا على دماغهم اللى يقول على حد ياخد على دماغوا بكره هيجيبى اللى يدينا كلنا على دماغنا

المشاركة الأصلية كتبت بواسطة hagan

طيب انا مش عاوز اجادل بالباطل لاني لم اري
لو الجيش اللي عمل فيه كده عمل كده فيه لمجرد التنكيل به
مش يمكن هوه قاوم الاحتجاز بطريقة غير لائقة او عنيفة
مما استدعي استخدام العنف معه و لو افترضنا اصلا انهم الجيش
يعني ليه متخيلين ان الجيش عدو لهم
و لو فيه ضابط غير محترم في اللي موجودين اكيد هناك اخر ابن ناس
و سيمنع هذا التنكيل بالبشر
و موضوع الشعر ده ( انا طبعا عارف انه حرية شخصية ) و لكن لا يمنع ابدا ان نذكر بأنه ( لعن الله المتشبهين من الرجال بالنساء و المتشبهات من النساء بالرجال ) لمجرد التذكرة حتي لا يكون الحال المايل قدوة للشباب الصغير معنا في المنتدي و موضوع انه يحترم لوقفته في الثورة لا جدال في ذلك
ارجو ان يتم شفاه علي خير و ان يسارع بتقديم بلاغ للنائب العام ضد الجيش هو ومن شاهد الواقعة او للمجلس العسكري
و اتوقع ان يحدث تحقيق كبير و في رأيي انه كان يعمل كده افضل من النشر علي النت ( طبعا لو هوه صحيح صادق فيما روي )
و الله اعلي و اعلم
و السلام عليكم

م.حاتم السباعي

اولا الشرح اللى حضرتك افردته انا متفق فيه مش معنى ان فيه حد تعدى انه كله سيئ
كمان مقاومه الاعتقال كان فى الاولى انه يكون معتقل اصلا
غير ان العالم كله لما بيمسك حد حتى لو قاوم الاعتقال مش بيعذبه
فيه فرق كبير

و ظابط مش كويس قصاده ظابط كويس كنا نزلنا حب فى الشرطه بقى و ادينا متعودين عليهم - انا مش عايز اى تعدى على مواطن حتى لو قاتل - ليه حق ياخده عليه حق يدفعه بالقانون :)
بالنسبه لموضوع الشعر انا اتفق بس ما لم اتفق عليه هو السخريه منه :) يجب تقبل الاخر حتى لو مختلف - و النصيحه و التوعيه للناس زى ذكر الايه القرانيه

فعلا فيه بلاغ متقدم - النشر على النت عشان يبقى سلاح و تنبيه ان لما بيحصل كده الناس بتتكلم