الموضوع: عاوز اعمل عمرو لبيجو 305 يا ريت تنصحوني باي شيء-او ميكانيكي يعملي العمره

روح شارع خيرت من ناحية ميدان لاظوغلي تقاطع مع مجلس الشعب

و اسال على الاسطى حسن انور الورشة امام محل جاد

تل: 27954280
موبيل : 0102566776
او 0141615321
او 0169263224 و قلى الاخبار وكلفتك كام

ربنا يبارك فيك يا باشا
انا عملت في فيصل عند ميكانيكيمتخصص بيجو
و بيعمل 305 كتير ما شاء الله
يعني اللي عمل عمره قبلي كان 305
و في عنده 305 مركونه علشان تعمر بعدي
و بالنسبه للخرط
انا من فضل الله فتحنا شغل في الموتور كله علشان تبقي العمره من الاف للياء
علشان نخلص الموتور و ننساه ان شاء الله

ملىء الاسطوانة يعنى بيتكلف كام حوالى 40 جنيه وقول زيهم مصنعية تقريبا

المشاركة الأصلية كتبت بواسطة lada2010

التكلفة كام وغيرت اية والمصنعية كام

هعمل موضوع مفصل بالاسعار و بالتجربه كلها ان شاء الله
و بالايجابيات و السلبيات ان شاء الله
بس اخلص الاول علشان مكتبش معلومه و ارجع فيها

أهم حاجه فى العمره مش الميكانيكى ولا ليه أى لزمه غير أنه بينضف المتور كويس قبل مايقفل وطبعا يقفله زى مافكه
أنا عن نفسي لمل بعمل عمره بخل الميكانيكى مجرد فك وتجميع وبعد مابيفك المتور باخد الفرغه الى هى البلوك والكرنك والبساتم والبيلات وبطلع على أهم مرحله فى العمره وهى الخراط أيوه الخراط أهم مافى العمره وكمان مش الخراط ده المكن الى داخل ورشة الخراطه أفضل خراط على مستوا القاهره مع أحترامى لكل الناس هو (بكلوا) فى شارع الزتون ب حى الزيتون بالقرب من شارع جسر السويس تدخل من كوبرى التجنيد
بعد متاخد المتور من الخراط وتسمع الى يقولك عليه (ويكون الكلام ده بنفسك من غير وسيط زى الميكانيكى يعنى ممكين يقولك هات طقم بستم هات كرنك هات بيل )تغسله غسله صح لأنه بيكون فيه رايش ويفضل فى البنزينه بضغط جامد
تجيب طقم جونات أورجنال متنساش كل حاجه أورجنال
وأهم حاجه وش السلندر ده مش مشكله وديه لأى حد يكشفلك عليه ولو فيه تأكل يكمله ويركبلك طقم صباب بال أولسيل جديد وأقف على يده وهو بيركب الصباب
طرمبة مايه جديد+طرمبة زيت+مجموعة كتينه لو هيه حديد جنزير بالتروس وبيكون معاهم جنزير طلمة الزيت
أمبوبه سلكون حراري أمريكى ومتسترخص فيه

ده أهم حجات فى العمره ولو عمرت وعربيه مجبتش ميه من الشكمان ولو أنت فى عز الصيف أعرف أنك تعبك راح هدر

أقولك هات متور إستراد أحسن وأنت وحظك

الاخ
sdelbsunny
الف شكر
كل ده اتعمل من فضل الله
و الف شكر
دماغك عجبتني لان هو ده الصح
بس ليا سؤال
حضرتك بتقول في عز الصيف الشكمان يجيب ميه -ينزل نقط يعني
طيب في الشتا دلوقتي اعرف منين ان العمره حلوة
و افضل الين لحد ما احرق كام لتر
و لك مني كل الشكر