الموضوع: اخيرااااا ,,قررت ارجع العربية زيرو ,,مستنى ردكم :)

يا رجالة ,,,يا رجالةةةةةة ,انا قررت ابيع اللى ورايا واللى قدامى و ارجع العربية زيرووووو

المهم انا محتاج من الناس اللى يعرفو اسعار الحاجات دى يقولى - انا نزلت الحرفيين و جبت الاسعار بس بتهيألى انها غالية جداااااا ,,

هى فكترا 98 مانيوال

بسم الله ,,,

1- 2 فانوس امامى بتوع موديل 2000 ( 350 جنية تايوانى )
2- جلدة اكصدام امامى ( اللى بتركب تحت الاكصدام الامامى اللى لونها اسود ) - ( 250 جنية جديدة )
3-مراية شمال من غير كفر مش كهربا ( 100 جنية - تايوانى )
4-مراية صالون داخلى ( مفيش غير واحد بس اللى عندو و دى ب 250 جنية جديدة )
5- فانوس خلفى يمين 98 ( 70 جنية -تايوانى )
6-طلمبة باور ( من 1000 الى 1200 المانى بتاعت الفبريقة )
7- برباريز امامى ( 230 جنية و دى ارخص حاجة من مصنع د\ جريش )
8- 2 مساحة امامى ؟؟؟
9- 3 زراير طابلو - بتاع التكييف و اللى جانبو و زرار الانتظار - هما شغالين بس النور بتاععهم محروق ( استيراد - بتاع التكييف الواحد ب 50 جنية و بتاع الانتظار ب 80 جنية )


- نيجى بقة للتظبيط ,, انا عايز اركب فوج لايت هو تمنو فى الحرفيين - 150 جنية تايوانى - بتاع ال 98

عايز اسأل سوال - فى الفكترا لو ركبت الفوجات هل هى بتفتح مع الواطى ولا ليها زرار ممكن تفتح من اول تكة ,,

بمعنى انا ممكن اركب البكرة الاصلى اللى فيها زرار للفوجات ,,يعنى موصلوش على اول تكة ,,بس هل معنى كدة ان الفوج مش هيشتغل الا لما اكون مولع النور الامامى ولا ممكن و انا عامل اول تكة ( اللمض الصغيرة فى الفانوس بس هى اللى تكون منورة ) ادوس على الزرار يقوم الفوج منور ,,زى الفولكس كدة

يا رب النقطة دى تكون مفهومة

---
دة طبعا لسة فى سمكرة و دوكو ,, وشوية جوانات عايزة تتغير لان لماتور معرق زيت كتير و المية بتخلص بسرعة ( بحطلها 1 لتر كل 3 اسابيع مثلا )

بس وانا مشترى من سنة كدة اكصدام امامى و شعار ال 2000 اللى هو منكل ,,و خلصت شغل العفشة و الميكانيكا و السيور و الفلاتر ,,,

,,انا هنزل الجمعة الجاية ان شاء الله وسط البلد و شارع زكى و شمبليون و التوفيقية

و اشوف الاسعار ,,

بس هل بورسعيد هتكون ارخص من التوفيقية ؟؟؟ ,, لانى عايز اشترى الحاجات دى مرة واحدة و ممكن نروح الرحلة الجاية لبورسعيد


مستنى ردكو

و شكرااااااااااااا