الموضوع: حكايتى مع مجدى كلاريون

المشاركة الأصلية كتبت بواسطة amrfranca

اولا واخيرا انا اطلب تثبيت الموضوع ده لانهم فعلا معاملتهم زباله زي ما الاعضاء بيقولوا
تجربتي ....
ركبت
1 سماعتين
2 جي ام
3 كاسيت
4 سماعتين مدورين
5 طبعا كنت جايب معايا سلوك توصيل الجي ام
الكهربا بتاعت الجي ام خدها من تحت التابلوه يعني من الضفيره مش من البطاريه
وده اكبر سبب للصفاره بتاعة الموتور اللي بتطلع في السماعات
السماعات المدوره متثبته بمسمارين بس برضو
فبتعمل زنه رزله ومزعجه مع البيز لدرجة اني افتكرت ان السماعه بايظه وكنت هرجع للراجل اللي اشتريت منه
الجي ام متثبت بمسمارين بس وانا اللي ثبته بعد كده ب4
وفي الاخر الحمد لله العده كلها اتسرقت هههههه مش بعيد يكون عم مجدي هو اللي جه سرقها

عمور ايه الاخبار...والله الواحد اتبهدل مع الناس دول...بس ان شاء الله الاقى حد كويس

شباب.......ارجو الافاده فى موضوع الجى ام والزنــه اللى مع الموتور

المشاركة الأصلية كتبت بواسطة casper777

بص حوار الزنه دا كان عندى زمان وروحت لاشرف بتاع مجدى كلاريون الى فى المهندسين معرفش يعملو مع انو جامد الصراحه فى التركيب بس فى واحد اسمو اشرف بيز فى المهندسين هوا الى عملهولى بس هو يا خساره قفل المحل بتاعو لو عايز نمرتو ادهالك وانت اسالو وهو ممكن يفيدك فى الحوار دا او يقبلك فى حتة ويظبطهالك

شكرا ياباشا...بس انا عايز حد يظبطلى العده مش مجرد اسئله...تسلم ياباشا

المشاركة الأصلية كتبت بواسطة ahmedesmat1987

المشكله دى كانت عند واحد صحبى كان الجى ام بتاعو سيمفونى جى فى فتره بقى لما يدور العربيه يطلع زنه بتذيد مع دوس البنزين وبتعلى ووصلت لحد ما بقه دبه فى السماعات روحنا لصنيعيه كتير وفكينا وصلات وركبنا غيرها ورجعنه على الوصلات وبردو مفيش فايده لحد ما فى يوم من الايام كنا فى العمرنيه فى التلاتينى لاقينا واحد بتاع كاسيتات حكناله الحكايه وقولنالو تعالى شوف قالنا من غير ما اشوف حاجه افتاحولى الشنطه فتحنالو الشنطه من غير كلام راح فاكك عده الصوت السمعات والجى ام وخدهم وقالنا عدو عليا بعد نص ساعه عدينا عليه بعد نص ساعه لاقينا مخلص ومقفل وركب وكل حاجه والصوت رجع انضف من الاول سالنا العيب كان ايه قالنا الجى ام غيرتلو تقريبا مش فاكر يا اى سى يا ترنزستور باور وكلام فاضى يعنى مكنش غالى لو عايز اسمه اجيبهولك يا معلم........

ياريت العنوان ياباشا او نمرته...على الخاص او هنا

ياشباب انا رحت انهرده خليته يراجع على الشغل اللى عمله...,...... كان فاصل سماعه خلفيه....مكنتش متوصله....الصوت كده بقا مظبوط الى حد ما...طبعا الصب على الجى ام فقط


يرجى مراعاة الاداب العامة فى الحوار وعدم سب اى شخص غير موجود مهما كان خطأوه
5:03pm/13/3/2011
م.ع.6

المشاركة الأصلية كتبت بواسطة funnymickey

نفس الحركه اللي حصلت معايا وبردو الكهربائي قاللي عيب وصله وكعيت 100 جنيه وصله معفنه صيني وواحد قعد يفتي وعملي حوارات
والزنه هيا هيا
والانيل ان الجي ام شغال فردتين بس
والصفاره دي في ودني كل ما اعلي الكاسيت
وعملي وصلتين وزفت
وبردو هيا هيا

رحت لبازوكا اللي في حسنين هيكل عندنا في مدينه نصر
وبيفك
وقعد يلف بتاع ربع ساعه عالعيب فين وفي الاخر معرفش
.........
ووهوا بيقفل
اكتشف العيب بالصدفه البحته
يعني مش شطاره منه ولا حاجه
ايده لمست سلكه كده ولا ليها 3 لازمه ومعرفش جايه منين اصلا
السلكه لمست في حديد الكاسيت وهوا بيقفل
لقيت الصفاره سكتت
مسك السلكه وصلها في مسمار الولاعه لقيت الصوت اختفي
قاللي دي سلكه الارضي
وانا ولا فاهم اي حاجه
المهم ان الزنه ولا الصفاره دي راحت خالص

قلت له الف شكر ياعم
واديته 10 جنيه وسلام عليكم


راجع التوصيلات كويس وانتا ختعرف العيب فين والله

انا كان عندلا نفس حوارك ده روحت لواحد راح موصل فره فى الكاسيت من الارسيهات الى صاج الكاسيت والزنه فعلا راحت