الموضوع: مطلوب لانسر كرستالة (من المنصورة اذا امكن ..)

المشاركة الأصلية كتبت بواسطة eslam.elrefaey

لا دى مش اسعار الكريستالة خالص هتلاقيك كنت بتشوفهم فى معارض رخمة حاول تشوف من شخص احسن بس اشمعنا كريستالة ما ممكن مكواه احسن كتيييير

متشكر يا فندم على المعلومة جزاك الله كل خير
هو انا فعلا شفت الكريستالة فى معرض و محل و دى الاسعار اللى قالو عليها !
يعنى الكريستالة على القد كده :) المكواة عالية عليا شوية ..

المشاركة الأصلية كتبت بواسطة funnymickey

الكريستالات حتلاقي من 43 ل60 فعلا
بس 60 دي قليل
الا لو متوضبه بقي
موتور وعفشه سبورت وجنوط وبتاع
انما كريستاله عاديه كده ب60 الف صعب اوي
لف كويس وانصحك نصيحه
ارفع العربيه عند مكان موثوق منه
من تاجر من شخص من حشره حتي
ارفع العربيه
تصدق بالله
لا اله الا الله محمد رسول الله
انا معايا كريستاله
وبفكر ابيعها واجيب كريستاله بردو
:)
شوف بقي وصلت لايه
والكريستاله اللي انا عاوزها ب60 الف
وتستاهل الفلوس اللي حتدفع فيها
بس اخوك بيتجوز بقي دلوقتي
مش فاضي :)
بس حعملها ان شاء الله
يااما حوضب بتاعتي واظبطها
فطالما غاوي كريستاله يبقي انتا راجل عاوز الموديل ده
اصبر شويه لحد ما تلاقي حاجه كويسه

انا مش عارف اشكرك ازاى يافندم على المعلومات الجميلة دى و بجد اتمنالك التوفيق و النجاح الدائم :)
و الف الف مليون مبروك على الزواج و ان شاء الله سعيد دايما
بالنسبة للعربية اللى انا شفتها كانت واحدة صاحب المعرض بيقولى انها شركة برة و جوة و راشة رفرف امامى يمين نضافة و كانت كاملة اوتو و طالب فيها 65 مينقصوش لحلوح قصدى جنية
و التانية موديل 98 اللى بيسموها ارنبة و بيقولى برضه فبريكة برة و جوة و كانت مجنطة 15 كروم و كان طالب فيها 53 بردو مينزلوش خالص !
و لا زال البحث جارى ....
انا فعلا بموت فى موديل الكريستالة ده اوى و بموت اكتر فى تعديله بس للاسف العربية مش ليا دى لعمى و انا عايز اجيبله عربية كويسة مش محتاجة مصاريف عشان هاتقعد معاه و مش هايغيرها قريب ..
متشكر يا فندم على النصيحة و ان شاء الله هاعملها بس معلش على جهلى ارفعها ابوص على اية تحديدا ؟! اقصد يعنى اية اكتر عيوب منتشرة فى الكريستالة الواحد يحرص منها ( بما ان حضرتك ربنا يباركلك من ملاكها )... ؟

بسم الله ما شاء الله
بجد المشاركة دى تستحق جايزة اجمل مشاركة و لازم تدخل موسوعة جينيس للجمال هههههههههه
ربنا يباركلك يا رب و يوفقك و يساعدك زى ما بتساعد غيرك
بجد جزاك الله خيرا على المعلومات الاكتر من رائعة دى ههههههه انا مش عارف اقول اية ولا اية d:

المشاركة الأصلية كتبت بواسطة funnymickey

1- تكبس الموتور تشوفه حالته ايه لو اقل من 75 % متاخدش العربيه
2- تروح لعفشجي يقولك اخبار العفشه ايه والمساعدين ويكشفلك علي علبه الدرسكيون والبارات والاتياش لو فيه طقطقه ولا حاجه
3- سمكري يقولك حاله الرش والدواخل لتكون مقلوبه ولا مغيره نص ولا ربع ويقولك شركه بره وجوه
4- شوف التكييف شغال ولا لا وسخن وساقع ولا لا عشان انا لبست كمبروسر عشان قاللي عاوز شحن وطلع الكباس قافش وكباسها غالي ب700 جنيه
5- لا تدل ابدا فبريكه العربيه علي سعرها يعني معلش دي مش عربيه 2005 ولا 2006 المهم في العربيه حالتها العامه كموتور وشاسيه
ما شاء الله عليك الف شكر يا فندم بجد :)
خللي بالك ان عربيه بقالها 12 سنه علي الاقل وبكلمك في موديل 2000 يعني اخر موديل في الكريستاله
لو فبريقه بره وجوه زي ما بيقولوا حتبقي متجرحه وطالع عين امها لانها بقالها 12 سنه مترشتش
وساعتها انتا حتاخدها اول حاجه حتعملها حترشها
يبقي كأنك ياابو زيد ما غزيت
مظبوط و الله الكلام ده
بص ياميدو
من الاخر كده
لو كريستاله 1300 مانيوال او اوتو مهما بلغت حالتها متدفعش فيها اكتر من 53 ل55 بالكتير اوي
وتكون ايه بقي
glx وتكون 2000 اخر موديلها وحاله نضفيه موووووووووت
يعني لو 99 98 السعر بيقل مش بيزيد
يعنى معنى الكلام ان العربية اللى طالب فيها 53 دى اخرها لو يعنى حالة شاذة فعلا 48 و لو طلع فيها حاجة تنزل ل 42 مثلا صح ؟
ومش حتفرق خالص فبريقه بره في السعر دي خالص
الا في حاله واحده
حاله شاذه بقي واحد جاب العربيه وهاجر وحطها في كيس وشالها في التلاجه وجه افتكرها بعد 10 سنين وقال يبيعها
ههههههه بجد حضرتك اسم على مسمى ضحكتنى و الله
ومع اني ليا تحفظ علي رفع العربيه وانها متشتغلش 10 سنين
وحتلاقي فيها عيوب من الركنه وحتحط ايدك فيها اكيد
معاك حق و الله انا مكنتش واخد بالى من النقطة دى
ودي صعبه اوي في الكريستاله
لان الكريستاله كانت عامله زمان زي الماتركيس والفيرنا دلوقتي كده
مع كل الناس
والعربيه حلوه واثبتت كفاءه
فصعب اوي تلاقي عربيه كريستاله وعامله مثلا 50 الف ك
قليل اوي
تمام
طيب امتي بقي تدفع 60
زي ما قلتلك لو عربيه متوضبه
متسقطلها موتور وعفشه وجنوط بقي وتعديل في اكصدامات وبتاع
ودي شباب اللي حيركبوها مش عمك

ملحوظه تانيه احب اقولهالك
عربيه بقالها 10 سنين يبقي لازم تصرف ولازم يكون ايدك فيها علي طول
بس في عربيه تصرف عليها تسعدك وتهنيك
وفيه عربيه لو قلبتها وصرفت عليها تمنها مبتتعدلش
و الله عندك حق يا استاذى
وحاجه اخيره حاول تشوف علي كونتاكت كار وعالنت وابعد عن التجار وخصوصا التجار اللي عندكو في المنصوره
ياااااااااااااااااااااااا ااه عاللي كنت بشوفه في السوق وانا بشتري عربيتي
العربيه عروسه قدامك ومرشوشه وجنوط
وتلاقي حالتها في الرفع زباله
وواحد تاني قابلته فرحان ان الشبكه الاماميه هيا الاصليه بتاعت العربيه متغيرتش وده معناه انها معملتش حوادث خالص
وقافش علي 53 وش عاوز ينزل مليم
ورحت رفعت العربيه وطلعت فيها قوايم
والتاني 52 وطلعت العربيه مقلوبه
لا حول ولا قوة الا بالله ربنا يرحمنا من الناس دى
ده انتا حتشوف حاجات
فضايح
اتقل ومتستعجلش ولو عاووز ترفع حاجه هنا في القاهره وقدامك حاجه وقلقان منها قولي
ده يبقى اجمل يوم اليوم اللى هشوف فيه معاليك و الله يافندم
وفي المنصوره بقي دي منطقتك يعني
ربنا يقدم اللي فيه الخير
وانا لو فكرت اخد الكريستاله الي بقولك عليها دي يبقي حبيع عربيتي
خدها ياعم
بس مش حقدر انزل عن 65 الف
وهيا ولا فبريقه بره ولا بتاع
واصلا عاوزه رش اكصدامين وتغييرهم وعاوزه تترش كلها
بس هوا 65 بردو
غلاسه :)
ههههههههههه خلاص اتفقنا 65 الف قرش على البركة
خلاص و الله لو نويت الايام دى على البيع ابقى ادينى خبر كده و ربنا يقدم الخير ان شاء الله
بجد انا سعيد جدا انى عضو فى المنتدى ده عشان اكون موجود مع الناس المحترمة اللى زى حضرتك ربنا يباركلك و يجازيك كل خير يا رب

Login | Facebook

إتفرج وموجوده بالمنصوره

المشاركة الأصلية كتبت بواسطة dracula

login | facebook

إتفرج وموجوده بالمنصوره

باسم الله ما شاء الله ربنا يباركلك فيها يا باشا و موفق فى بيعها باذن الله
الحقيقة انا مأجل البحث عن العربية يومين كده لظروف طارئة بأذن الله هاكلمك قريبا يافندم
سؤال بس بعد اذنك
شغل الفرش و كسوة التابلوة معمولة عند مين ؟