طب لو قولنا لا ..ايه السيناريو المنتظر ؟؟
عرض للطباعة
طب لو قولنا لا ..ايه السيناريو المنتظر ؟؟
سؤال حضرتك جيد و هأقول لحضرتك السيناريو اللى اعتقد انه هيحصل
فى حالة رفض التعديلات الدستورية فليس معنى هذا العودة للعمل بالدستور القديم لانه ببساطة الجيش يحكم الان و وضع الجيش نفسه بناءا على الدستور القديم غير دستورى و لا يوجد مجالس نيابية و بالتالى ليس امام الجيش سوى حل وحيد حتى يظل ممسكا بذمام الامور الا و هو اسقاط الدستور القديم و الدعوة الى عمل دستور جديد و خلى بالك ان حل مجلسي الشعب و الشورى ليس من سلطات الجيش الا فى حالة الغاء الدستور القديم
و بالتالى رفض التعديلات معناه رفض الترقيع للدستور القديم و ضرورة الغاء الدستور القديم و بأذن الله الدعوة الى عمل دستور جديد
و خلى بالك من حاجة برده الجيش ميقدرش يرجع للدستور القديم لو رفضنا التعديلات لان مفيش رئيس جمهورية و مفيش مجلس شعب و بالتالى لو الجيش حب يرجع العمل بالدستور القديم يبقى يسلم السلطة لرئيس المحكمة الدستورية العليا اللى المفروض يدعو الى انتخابات رئاسة الجمهورية خلال ستين يوم و لكن نتيجة ان مجلس الشعب تم حله يبقى مفيش مرشحين بسبب المادة التعجيزية الموجودة فى الدستور القديم و بالتالى برده لابد من الغاء الدستور
شوفت ان الجيش زنق نفسه و لو رفضنا التعديلات مش هيبقى قدامه الا الغاء الدستور القديم
و على فكرة فى لقاء لعضو المجلس العسكرى فى برنامج مصر النهاردة حلقة السبت 12/3 قال ان الانتخابات البرلمانية لن تكون قبل سبتمبر الى بعد ستة اشهر فالا تعتقد يا استاذى ان مدة ستة اشهر كافية لعمل دستور جديد و بالتالى تكون الانتخابات البرلمانية و الرئاسية القادمة على هذا الدستور الجديد مما يحقق الاستقرار الفعلى لان كل من رئيس الجمهورية و مجلس الشعب عرف اختصاصاته و نركز بعد كده مجهودنا فى وضع خطط التنمية
بالاضافة الى الوظيفة الاهم لمجلس الشعب القادم الذى سوف يقوم بأصلاح كل القوانين القديمة و التى تتعارض مع الدستور الجديد
شوفت حضرتك اهمية ان احنا نبداء بعمل دستور الان دون ابطاء
كلام جميل وعاقل ... حضرتك نبهتنى كمان للجزئيه بتاع الحلين الى مفيش غيرهم لو تم اقرار التعديلات
--------
على فكره الدكتور يحى الجمل النهارده فى اتصال مع عمرو اديب سألوه هتقول "نعم"ولا "لا" قالهم انا موافق على بعض التعديلات ومش موافق على الباقى وحاول يقولهم يعملوا تصويت على كل ماده منفرده ردوا عليه ان الموضوع غايه فى الصعوبه.. المذيع قاله يعنى هتقول لا من كلامك ... المهم هرب من السؤال ومقالش اجابه صريحه بس مضمون كلامه انها لا على ما اعتقد يعنى
انا من متابعة كل الاراء و بعد تفكير عميق و مرهق توصلت للاتى
لو قلنا لا حندخل فى معضلة دستورية و لو قلنا نعم حتدخل فى معضلة و متاهة دستورية اكبر منها
كلا الاختيارين فيهم مشاكل
بس مشاكل نعم الدستورية اكبر و اعقد بكتير
يبقى الاختيار لا مشكلة اقل و حلها ممكن
و تاجيل الاستفتاء فكرة مش بطالة برضو
فى حيرة
أنا الآن أقرب للا
لا للتعديلات الدستوريه
كما قال الفقيه الدستورى / ابراهيم درويش فان مجرد الاستفتاء بنعم تعيد الدستور القديم الى الحياه ومن ثم يتحتم نقل السلطه من المجلس الاعلى للقوات المسلحه الى رئيس المحكمه الدستوريه العليا واجراء انتخابات رئاسيه جديده فى غضون 60 يوما , وحيث انه من المتوقع ان لا يتنازل المجلس الاعلى للقوات المسلحه على السلطه حاليا فيصبح مغتصبا للسلطه و يسقط الدستور وسيكون من السهل فيما بعد الطعن على كل الاجراءات التى قامت لان الذى بنى على باطل باطل
فطالما الدستور قد سقط منذ قيام الثوره فلا يجوز استدعاء جزء فقط منه وترك الجزء الاخر وهذا يضع البلاد والعباد فى شر مستطير , لذا فاننى سأقول لا فى الاستفتاء بأذن الله وادعو الجميع لفعل ذلك
يعني الكبار اللي بيقولو لأ....كانوا فين قبل ما اللجنة تتشكل؟؟؟
و كانوا فين و قت ما الجيش طلع الاعلان الدستوري
خصوصا ان التعديلات نفسها مفيهاش عوار
وبعدين مش ده كان مطلب الثورة من الاول؟
أولا أنا شايف ان التعديلات منطقية جدا وحقول نعم عليها
بس علشان نستفيد اكثر ممكن اللى بيقول ان الدستور بعد تعديله لا يزال يعطى الصلاحية المطلقة لرئيس الجمهورية ممكن نعرف ايه المواد اللى لسه بتقول كده؟
شكرا لكل من أيد و شكرا لكل من رفض التعديلات عن اقتناع و تفهم لعواقب كل موقف منهم :S_thum1[1]:
حبيت أضيف وجهة نظر أخرى تستحق أن تسمعها لمزيد من تبادل الأراء
[youtube]http://www.youtube.com/watch?v=lXTuCy0TQS0&feature=player_embedded[/youtube]