الموضوع: مطلوب محاكمة جودة الملط .... الآن

المشاركة الأصلية كتبت بواسطة osoliman88

عندي سؤال لحضرتك
هل قرأت كل الردود علشان تقول كل الأعضاء ردت بالنفي !!!!!

سيدي الفاضل أنا لا أريد فرض رآي على أحد
كل ما نسعى اليه هو محاولة الوصول للحقيقة ما أستطعنا حتى لا نقع في مصائب جديدة

فبدل من أن ترد على سؤالى بعدد الحالات التي حولها للنيابة ، أردت أن تبين ان الموضوع حول تصلب في الرأي من جانبي.

سيدي الفاضل نحن في منتدي للنقاش وليست حربا
تقبل تحياتي

سيدى الفاضل
تحياتى لك أولا

أنا غرضى من مشاركتى أسأل لغاية أمتى المناقشه
بمعنى
طبعا حضرتك معندكش عداوه شخصيه مع الملط
وحضرتك قلت وجهة نظرك للصالح العام
والأعضاء اللى ردوا قالوا وجهة نظرهم أنه برئ محدش منهم قريب له أو مناسبه بس برضه للصالح العام

يبقى أكيد فيه حد وجهة نظره مش صحيحه
ده مش عيب له أبدا لأن أسمها وجهة نظر

بس بعد كل المناقشات دى حضرتك متمسك بوجهة نظرك وبتدافع عنها بأسلوب محترم
والأعضاء نفس الكلام

يبقى لغاية أمتى المناقشه

كل مواضيع المنتدى كده

كل واحد متمسك بوجهة نظره وبنفضل نتكلم ونتكلم ونتكلم وفى أخر الموضوع نفس الكلام

كل واحد مصر على رأيه وأحيانا بمنتهى الحده

بس أنا لاحظت فى موضوعك أن الغالبيه أن لم يكن كلهم قالوا عليه كويس يبقى كلنا نقول الأيام هتثبت ( أى من النظريتين ) ونتناقش فى مواضيع تانيه

وعلى فكره الكلام مش موجه ليك شخصيا

الكلام للفكره

وممكن حضرتك تقول يبقى أعملها موضوع منفصل

رأيك صح , بس هى جت فى بالى وأنا بشوف الموضوع ده

وحقك عليا يا سيدى لو كانت جت فيك أنت

بس حضرتك فيك ميزه برضه أنك مش من النوع اللى بيهاجم وبمنتهى الحده وخلاص

مع تحياتى