السلام عليكم
فيه حد عنده معلومات عن كومبريسور الهواء الموجود فى عربيات النقل ؟
انا بسأل عن المواصفات الفنية و الانواع و الاسعار
و شكرا
عرض للطباعة
السلام عليكم
فيه حد عنده معلومات عن كومبريسور الهواء الموجود فى عربيات النقل ؟
انا بسأل عن المواصفات الفنية و الانواع و الاسعار
و شكرا
انزل الباحثة فى شبرا مصر شارع الجسر من ناحية بيبو هناك تجار قطع غيار النقل التقيل
بس انت عايزة لية
انا قرات عن فكرة واحد عملها فى عربيته بأنه شغل كومبريسور التكييف و كأنه كومبريسور هواء , فكرة عجبتنى و عاوز اعملها , انا حسأل على كومبريسور الهواء بتاع عربيات النقل الاول و لو لقيته غالى او مش حينفع , يبقى احط كومبريسور التكييف
طبعا بتاع النقل مش حينفع لان حجمه كبير ده غير ان تمنه غالى لان ده اللى بيشغل منظومة الفرامل كلها
ياباشا فيه انواع كتير منه على حسب العربيه
انا كنت زمان فى السوق بشترى الحاجات دية لعربيات الشركه عندنا وكنت عارف اسعار قطع الغيار لكن دلؤتى معنديش فكره بصراحه
بس اتاكد الاول ينفع يركب ولا لا
انا حروح اتاكد تانى من عربيتى و ارجع اقول لحضرتك ان شاء الله
الحوض عندى واسع , بس حيحتاج يتعمل قاعدة للكومبريسور
فكرة جميلة جدا... بس المهم اللي يعملهالك ميكونش كفتجي....
بص يا سيدي... أنتا هتنزل شارع الجسر.... هتلاقي قطع غيار بتاعت نقل كتيييييييييير.... سكانيا... مان... مرسيدس.... كله...
سيبك من كل الماركات ديه....
تجيب راس كومبريسور بتاعت عربية نصر....
أيوا نصر... بس مش أي موديل.... قوللو عايز الموديل اللي من غير دورة زيت.... oil-less compressor
و دا مش موجود غير في النصر بس.... (دا اللي أسعاره في المتناول)
بعدين تجيب خزان هواء بتاع مرسيدس (قوللو خزان المجموعة الخامسة) هتلاقي حجمه متوسط و معقول...
بعد كدا تطلع على الحجار في السبتية.... و تجيب منه الوصلات....
سيفتي فالف (او زي ما بيقولوها سيكس بلف)
و خراطيم حسب مكان تركيب الكومبريسور....
بعدين تطلع عالحداد... يعمللك قاعدة... و يجيبلك طمبورة دوبل عشان تاخد حركة من الموتور عن طريق سير....
اعكس الخطوات السابقة بأة.... و اطلع عالحداد اللي هينفذ أولا.... عشان على كلامه هتبني كل اللي فات....
لو عايز حداد أستاذ و دكتور... قول لي...
الله ينور عليك يا باشا
انا في الديمكس جبت كمبروسر تكييف عادي
وخزان (طفايه حريق كبيره) كانت قديمه
ووصلناها وشغلنا كل حاجه علشان عملنا عليها سرينه و عملنا خرطوم هوا في الكابينه :)
الله ينور عليك يا باشا
انا اعرف ان كباسات التكييف بيتزيت بالفريون . بالاضافة لزيت موجود فى الكباس نفسه . اخبار الكباس الى انت حاطه ايه ؟؟؟ و بيكبس التانك بتاعك فى اد ايه ؟ و ايه اقصى ضغط بيوصله ؟
كومبريسور التكييف الى جبته سعره كام ؟؟ و ماركته ايه ؟؟
كويسة فكرة طفاية الحريق , بس انا عاوز اسطوانة كبيرة شوية , و فكرة خرطوم الهوا جوة الكابينة عجبانى جدا
هو بيفضل يشحن الخزان لحد ما يتملي... و ساعتها بتلاقي السكس بلف (أو السيفتي فالف) عمل صوت (فسسسسسسس) كدا... زي في العربيات النقل الكبيرة طول مانتا ماشي جمبيها بتلاقيك تسمع الصوت ده :)
فالأفضل... اعمل الكومبريسور على كلتش... بحيث تتحكم انتا في تشغيله و فصله....
انا مش فاهم الموضوع يا جامعه يعنى هنخلى كمبروسر الهواء ده تكييف للعربيه معلى اعذرونى اول مره تفوت علينا دبرنى يا مينا :)
تمام و يبقى متوصل دايما على الموتور اهو يهوى جوا العربيه و يبقى منفاخ للاى حاجه صح كده
دقيقتين زمن كويس جدا .. انا شاكر لحضرتك ردك
انا عاوز اركب الكومبريسور عشان ازود بيه العجل و ممكن اشغل بيه بعض الادوات الى لازم تشتغل بالهواء زى مفتاح فك العجل الى شغال بالهواء و فرشة التنظيف السلك و لتنظيف فلاتر الهواء و حاجات كده
امبارح اتفرجت على السريع كدة على عربية نقل مرسيدس موديل كام سنة فاتت , السواق عمال يفرجنى على الكومبيوتر الى عند فى العربية .... وهم ... زى ما تكون مرسيدس اى كلاس .التكونولوجيا حلوة برضو
المهم ورانى عداد الهواء , الكومبريسور ممكن يشحن لغاية 10 بار , يعنى تقريبا 145 رطل على البوصة قول 150 , و يقدر يشحن مجموعة التانكات الى عنده فى 1 دقيقة .... زمن كويس جدا
ياااااااه
فكرتنى بالذى مضى :11:
لأ يا باشا .... كنت سألت على تمن كومبريسور التكييف و لقيته غالى حبتين ... و انا اعرف ان كومبريسور التكييف بيبرد داخلى من الفريون ... و لو استخدمته مع الهواء حيسخن اكتر
جبت كباس عربية نصر نصف نقل .. و كان حوالى ب 250 جنيه .. و رحت لواحد حداد عملى قاعدة للكباس و ركبته بسير على طنبورة فاضية
بس لاحظت انه مش بيرفع ضغط !!! ففكيته لقيت الشنبر الى فيه قافش ... جبت طقم شنبر و ركبت البستم و لسه متشال على الرف و مكسل اركبه تانى :11:
موضوع شيق ومعلومات مفيده فعلا
متابع للاستفاده
دى صورة للكومبريسور القديم لما فكيته
http://7rea.com/d/1421482113561.jpg
اول حاجه حتشوف المسدس بتاع الرباط بيشتغل على ضغط كام وعزمه كام عند الضغوط المختلفة علشان ممكن تلاقى السيستم ه ميقدرش يفك مسمار العجلة - وبعدين تشوف الكومبريسور بتاعك ضغطه كام ( اعتقد كومبريسور النصر بيبقى شغال على ضغط ٧ بار ) وكمان تشوف الطفاية بتاعة الحريق تتحمل لضغط كام وتظبط السيستم بتاعك على كده وممكن تستعمل بلوف هوا اسمها بلوف فصل سريع بيبقى دكر ونتاية تخلى الدكر فى الماسورة بتاعة خرج الهوا والنتاية فى الخرطوم وتبقى شايل الخرطوم ملفوف فى الشنطة ولما تعوزه توصله فى ثانية
http://www.oaqhire.com.au/Uploads/Ve...__Selected.jpg
انت حالل الهد , المهم دا كمبرسور عربيه نصر ولازم توصله تانك,انت هتركبه في ايه يوت او بيك اب ,هنا المشكله الكبرسور المفروض يديني 10-12 BAR ,هل موتور البيك ع السلانسيه هيقدر يوفر القدره دي ؟؟؟
بضراحة انا مشفتوش بالسيت اب دا ,اي يوت ورشه راكب عليها كمبورسر في الصندوق بالاضافه لاسطوانات الغاز والعده
وادي لوزتي المفضلة لاند كروزر
للأسف .... انا ملحقتش اقيس ضغط الكباس الى كان راكب .... كان جايب 35 رطل/بوصة بالعافية
طفاية الحريق حجمها .... مش كفاية .. اشتريت تانك هواء مرسيدس متوسط من شارع جسر البحر
كنت مركب وصلات سريعة معدن .... بس كنت حاطط الوصلة النتاية فى التانك ... علشان النتاية المعدن بيكون فيها سكس بلف ... بيمنع مرور الهواء للخارج عند فصل الوصلة الدكر زى الى فى الصورة
http://7rea.com/d/1421530344292.jpg
فيه وصلات تانية بلاستيك زى الى فى الصورة دى .... كنت عاملها لعداد ضغط الهواء فى التابلوه
http://7rea.com/d/1421530344231.jpg
بس اللمبى فشل :I_angr1[1]:
والله يا شيخ انت فكرتنى و خلتنى طلعت الكومبريسور المفكوك حتت من اكثر من سنتين .. و حركبه تانى ان شاء الله
السلانسيه بتاع العربية كان مشغل الكومبريسور ... بس لم استطع اختباره بالقدر الكافى لأنه اخره كان بيجيب 35 رطل/بوصة بالعافية
سؤال على جنب محتاج موضوع منفصل من حضرتك ..... ليه اللاند كروزر سمعتها و ادائها زائعة الصيت ؟ و اخبار صيانتها ايه ؟ و كمان قطع غيارها ؟!
معلش يا جماعه
هل ينفع الكلام ده يتركب فى عربيه ملاكى فى الشنطه حتى علشان نستفيد بعمل سارينه عاليه ونفخ الاطارات
وهل الكمبريسور هيبقى حجمه اد ايه