حبيب قلبي :)
فكرتني والله نفس الداء بتاع "آخهاعة"، المفروض نعمل نادي زي بتاع "سعد بيك نبيهة" :)
وافتكرت كمان برنامج "همسة عتاب" عمري ماسمعتها "همسة عتاب"، كنت باسمعها دايما حاجة كدة زي "همسة تعتعتعتاااع" :D
عرض للطباعة
افتكرت موضوع خاص ب "سعيدة" ودي تقريباً هاتطلع أخت "سعد" من عيلة "نبيهة" :)
أغنية ليلى مراد بتاعة الجمعيات الخيرية (اللي في أول فيلم قلبي دليلي) بتقول في أولها
"انتِ سعيدة .. سعيدااااااااا" سعيدااااااا دي بتقولها واحدة
"وانتَ سعيدة .. سعيداااااااااا" سعيدااااااااا المرة دي بيقولها راجل !!
أنا بقى كنت فاكرها بتسألهم "انتِ سعيدة؟" والتانية ترد عليها "سعيدااااااا"
طب الراجل الشحط اللي شنبه في وشه قد كدة إزاي يسكت لها وهي بتقول عليه "سعيدة" ؟؟ !! ده كمان بيرد عليها ويقر إنه "سعيداااا" !! :d
وماما تشرحلي إن سعيدة دي تحية، وانا اتلخبط اكتر هو فيه "تحية" كمان في الموضوع؟ يعني سعيدة وتحية؟ لغاية ما الحاجة زهقت وانا كمان زهقت
لحد ماكتشفت إنها نوع من التحيات البائدة أن يقول المرء "سعيدة" فيرد عليه "سعيدة مبارك"
حبيبي و عنية.. لو في وسط لية.. ما يغلاش علية علية.. ما يغلاش عالاااااااااااااياااااااا ااه :D
و ده لحد قريب.. لحد ما ركزت شوية و لقيت ان الكلمات مش كده خاااااااالص :rolleyes:
يا جماعه انا مش فادر امسك نفسي من الضحك السيبر كله بيتفرج عليه
سعد نبيه ايه بس
انا طول عمري بسمعها صح
وبرده اغنيه ليالي الحلميه
بش بجد مش عارف ابطل ضحك
طب يا جماعه تكمله للموضوع ايه الكلمات اللي كنما بنقولها في طفولتنا غلط
انا كنت بقول علي المطبخ .... مخبخ
وعلي المحكمه ........كجكمه
وعلي الفستان ..........تفتان
وانتو كنتو بتقولوا ايه
أغنية جدو يا جدو، فيه حتة مش عارف إذا كنت باسمعها غلط ولا ايه !!
ايه رأيك في استغماية ... ولا نمثل رواية
انت تاخد دور ___ ... تلبس طرحة وعباية !!
الـ "___" دي ساعات باسمعها "عبلة" وساعات باسمعها "علاف" :)
ممكن حد يفيدني؟
مقدمة مسلسل ألف ليلة و ليلة بتاع حسين فهمي و نجلاء فتحي.. احكي يا شهرزاد احكي لشهريار إشغلي له ليله لطلوع النهار.. حيري له باله و غيري له و خللي عقله دايما في حالة انبهار.
واحدة صحبتي كانت بتسمعها و خللي عقله دايما في حلة بهار :D