انا جربت موضوع النيتروجين في الكاوتش و الاداء عال العال في الفرامل و الهدوء
يعني تعدي علي بلاعه مثلا بتكون اهدي من الاول شويه
انا جربت موضوع النيتروجين في الكاوتش و الاداء عال العال في الفرامل و الهدوء
يعني تعدي علي بلاعه مثلا بتكون اهدي من الاول شويه
سمعت ان الفيرنا 2010 عملو فيها تعديلات ورفعوها عن الأرض وظبطو الفرامل هل الكلام دا صح ولا غلط ولو صح ايه اللي اتعدل فيها بالظبط؟؟؟؟
عربيتي 2008 و انا بشتريها الراجل قال الشكمان اترفع و مش عارف ايه و افلام و طبعا كان كل كلامه كدب
الله اعلم بقا ف 2010
اعتقد لو عدل فيها حاجه كان سعرها هيزيد
يا جماعة ربنا يكرمكم حد يفتينا في المشكلة المقرفة دية
لما اجي ادور العربية و هيا باردة و خصوصا في الايام السقعة الموتور يدور لمدة 30 ثانية كانة متلت او قاطع بوجية و يترجرج جامد و بعدين يعدل تاني مع نفسة الحكاية دية مش كل يوم بس ساعات و بتكون مقرفة مش لاقيلها سبب
عندي مشكلة :فيه صوت صفارة مزعج ملازم ليا دايما سواء العربية ماشية او ممورة..بيروح فقط لما بادوس على الدبرياج ( سواء ماشي او واقف )
ياترى ده ايه حله ويتكلف كام خارج التوكيل؟
حد جرب يركب ورا اربع سماعات و لا المكان مش هيكفي؟
عندي نفس الحكاية بس مش صوت صفاره ولكن صوت زن أو غروشه وبيروح لما ادوس دبرياج
وفعلا هي 80 % بلية دبرياج زي ما قال blackverna
وبالنسبة للتكاليف بحسبه تقريبيه سعر البليه من 50 ل75 جنية
بالنسبة للمصنعية فتغيير اسطوانة الدبرياج بيتكلف من 100 ل120 جنية عند اي ميكانيكي
فالمشكلة انك عشان تغير البليه فقط الميكانيكي هيفك نفس اللي هيفكه لو بيغير الأسطوانه فهيحسب عليك المصنعيه كامله
الرجه اللى بتيجى و العربيه بارده دى حلها سوفت وير جديد للعربيه و طبعا لو روحت لغبور و قولتله كده ممكن يديلك بالعربيه فى دماغك يبقى اتكيف عليها و خلاص
الف شكر استاذ خالد طلعت وان شاء الله هشوف ف التوكيل هيعملوا ايه وخصوصا ان مكنتش متابع للصيانة الدورية قمت فقط بعمل صيانة الالف ثم الخمسة وعملت صيانة 40 و45 والسيارة عامله الان 49 الف
بص يا اخ / ميدو
أنا كان عندى نفس المشكله و علاجها سهل جداً ..
لما تيجى تدور العربيه الصبح خليك على start اللى هو فى فتحة الكونتاكت ( قبل ما تسمع صوت الموتور ) حوالى تلات أو أربع ثوانى ( أنا الحقيقه معلمها بأنى بستنى لحد ما لمبة الحزام تبطل تولع و تطفى ) و بعدين تكمل دواره بالمفتاح عادى لحد ما تسمع ان الموتور دار ..
بأذن الله مشكلتك تختفى .. و لو عاوز حاجه اتفضل اسأل ...
تحياتى ,,
الحكاية دي كانت بتحصل معايا في ايام البرد بس.. او لو العربية تقعد كام يوم متتحركش
و محصلتش معايا من زمان الحمد لله ... و انا رأيي انها مفيش منها قلق ان شاء الله
انا عندي الصوت دا برضه .. بيروح و ييجي على فترات
بس هو فعلاً لما بييجي مبيروحش غير لما ادوس دبرياج و انا خلاص اتأقلمت عليه و مطنشه
سوفت وير جديد ازاي يا احمد باشا؟
فعلا الحوار دا بيحصل ايام البرد بس زي ما كل الناس اجمعت بس الغريبة ان الموضوع دا بيحصل في مواتير الفيرنا بس بالرغم من انها نفس مواتير الماتريكس و الكوبية اذن المشكلة ممكن تكون حاجة في البتاع الي الباشا قال علية دا
يا جماعة اي حد عنده فيرنا 1600 اتوماتيك ياريت يكلمنا عن خبرته وعيوب ومميزات اتوماتيك الفيرنا
منتظر ردودكم
فعلا يارجاله سوفت وير جديد تخيلوا انا اتصدمت لما عرفت الحكايه دى و الله
حصل ان هيونداى كوريا وصلها ان فى العملاء بتشتكى من حكايه الخنقه اللى بتكون لمده 30 ثانيه فى و قت البرد دى و بالتالى عملوا ابحاثهم و الكلام الكبير ده و اكتشفوا وجود نقطه قصور محدده فى نظام تشغيل الحساسات فى وقت البروده و بالتالى نزلوا ابجريت للسوفت وير بتاع العربيه
و الحكايه ممكن تتعمل بس مش فى مصر لان زى ماقولتلكوا لو غبور عرف اننا عرفنا كده ممكن بعتقلنا بتهمه اخراب مصالحه الشخصيه
المعلومه دى عرفتها من صديق ليا مهندس فى هيونداى و موثوق فى كلامه
سؤال إلى خبراء الفيرنا
بس قبل السؤال أحب أقول جزاكم الله خير على هذا ا لموضوع الجميل والمفيد....
أما السؤال فهو إني معايا 40000 جنيه وعايز أشتري فيرنا وعايز أعرف ممكن المبلغ ده يجيب موديل كام والمواصفات والأو بشين اللي فيها ممكن يكون ايه وأكشف عليها فين وهل المبلغ ده أصلاً يجيب عربية كويسة ولا لأ..... وشكراً لكل من شارك في هذا الموضوع
معاك من اول موديل 2004 الى 2005
أحمد باشا شكراً على الرد... حلو قوي 2004 أو 2005 بس هتكون حالتها ايه كويسة ولا تعبانة وبالنسبة للكماليات هيكون فيها كمالايات ولا فاضية أنا مش هتفرق معايا الأوتوماتيك مثلاً بس باقي الكماليات تفرق كتير وعلى فكرة أنا خبرتي بالعربيات تعتبر صفر ودي أول عربية أشتريها
النهاردة غيرت طقم الدبرياج (اسطوانة وديسك وبلية ) ومن الصبح عند الميكانيكي بس خد مني مصنعية 150 جنيه بعد مناهده مش عارف ليه حاسس انهم كتير اوي
وكانت الاسعار ودي للـ 1500 :
بلية دبرياج 75 ودي بتاعت الالنترا 2008
اسطوانة 175
ديسك 225
وكان اليوم ممل بصراحة
صوت غريب جديد ظهر لي من كام يوم و مش عايز يروح.. :(
عارف لما تيجي تمسح الإزاز بورقة جرنان ؟؟ عارف صوت الصفارة او التزييق البسيط اللي بيحصل دا ؟؟
هو دا اللي بسمعه مع تحريك الدركسيون يمين او شمال..
بس الصوت منخفض جداً مبسمعوش غير لما اكون واقف و قافل ازاز العربية.. :( بس مضايقني .
شيكت على زيت الباور لقيت ان مستواه مش باين من برة القربة بتاعته ... روحت فاتحها و بصيت لقيت في زيت عادي ( و محدش كان لعب فيه قبل كدا)
حد عنده فكرة دا من اية؟ او حد ظهر عنده؟ مع العلم اني مش حاسس بفرق في الدركسيون (مش تقيل ولا حاجة يعني)
شكراً
هو الصوت ده بيجي عندي لما اكسر العجل وانا دايس فرامل على الاخر
يا باشا الصوت طبيعي جدا لو دايس فرامل و انت بتكسر الدركسيون
و هتلاحظه جدا في العربيات الاوتوماتيك
انما مش عارف لو بيطلع من غير فرامل ده ايه
شكراً للرد يا رجالة..
بس الصوت بيظهر غالباً لما اكون واقف (هو اصلاً صوت خفيف جداً و مش واضح اوي) و مش بكون دايس فرامل و الصوت من جوة العربية مش من الخارج زي ما محمد محسن قال.. و زي ماقولت مش بحس بيه غير و انا قافل الإزاز لأنه صوته خفيف خالص..
غالبا عاوز تشحم القطمه بتاعته الدركسيون
طب و لو سبتها كدا عادي ولا غلط؟؟
طب هي مكانها فين اصلاً ؟؟
متشكر على ردك يا باشا
السلام عليكم يا أهل الفيرنا....
أول مشاركة ليا معاكو بس أحب أقول فعلا موضوع رائع و ساعدنى كتير ::
الحمد لله اشتريت فيرنا 2010 كاملة مانيوال و لاقيتها بالعافية وبصراحة عربية تمام و الحمد لله وأحب أفيد بعض الناس للى عايزة تشترى.
أولا العربية علوها شوية و اخيرا غيروا علبة الشكمان صغروها و رفعوها.
و ديه الحاجات اللى انا عملتها فيها :
1- غيرت الجنوط ب 195\50\R15 مش مهمة لو اخرك مية او يعنى مش شاب (مع احترامى لجميع الاعمار) بس بصراحة احساسها رائع و عشان محدش يقولى العفشة و زنت ال stock طلع 15 كيلو بالكاوتش و الجنط 16 بالكاوتش.
2- ركبت SENSORS
3- فيمت الفوانيس (ما بحبهاش الوان الطيف كده) مع العلم ان فى وشوش smoke جاهزة(متفيمة ياعنى)
4- غيرت ال sound system طبعا (كنت جايبه فى عربيتى القدبمة) السماعات بيضاوى فالبرده بتتشال و الصاج بيتنشر بشنيور غريب كده !!! و على فكرة مفيش سماعات مدورة هتديك صوت محترم بس سبت السماعات اللى قدام و طبعا الكاسيت و خليت الاريال على الراديو بس
5-غيرت اللمض الصفرة بلمض يعنى معماتش كتاوت و لا حاجة diamond vision 55/60Wphilips
العربية ديه كان ناقصها بس مرايات كهرباء و فوجات, لو حد ركب فوجات فى التوكيل ممكن يقولى خده مصنعية كام
ومعلش ممكن حد يدينى جدول الصيانة الدورى عشان لو هغير بره ابقى عارف الكيلوهات بالضبط., هو بيومى ده فين بالضبط فى مصطفى النحاس؟؟
اولا مبروك و ثانيا مش ضرورى تركبها فى التوكيل الفوجات الوصلات بتعها جاهزه هيه بس عاوزه كتاوت و زرار و سلك يتوصل على البطاريه و الدنيا هاتبقى تمام
أيوه ما أنا عارف أنها سهلة بره بس اللى سمعتوه من كل الناس فى المنتدى ان ضمان الكهرباء كده هيروح منك.
ممكن بس حد يقولى لو عمل فوجات فى التوكيل بكام و لو بره بكام و كمان بيتعمل زرارها عادى جنب الانتظار ولا فى حتة تانية و شكرا على مجهوداتكم
مش هاتطلع من الضمان ولا حاجه و الزرار بيتباع فى شارع دمشق ب 50 جنيه غالبا الزرار الاصلى
و الفوجات صينى ب 150 و تركيب ب 50 يبقى كله 250
دلوقتى سؤالى للجميع ممكن :)))
العربية 2008 عاملة 40الف معملتش صيانة من ساعة ال 25 الف و بغير زيت و فلتر بأنتظام
المشكلة :
1) من كام يوم كذا مرة الصبح و العربية باردة أدور العربية الrpm يعلى جدا و يعلق على 4 كدا بتاع 20 ثانية و بعدين الموتور يترجرج جامد لمدة 20 ثانية كمان بعدين العفريت يطلع و ترجع عادى جدا
2) مرة وانا ماشى شيلت رجلى من ع البنزين لقيت العربية دايسة لوحدها ! وزاد لحد 5 و معرفتش اظبتها غير لما مورت و بطلت العربية وانا سايق و دورتها تانى اتظبت
غير كدا العربية ذى الفل و سحبها فوق الممتاز و مفيش مشاكل غير لما العفريت دة يركبها ؟!؟!؟!!؟!!؟!!؟!؟!؟!!؟
........ ممكن اعرف دى كهربا زيادة و بوابة انجيكشن ولا اية بالضبط
الرجاء الاهتمام و شكرا
اكشف عليها على الكمبيوتر و غالبا حساس ال tps بعافيه شويه و تمنه 120 جنيه