+111111111111
معلش يا جماعة حد يقولي بعد اذنكم اعمل صيانة ال5000 فين انا مش عايز اروح التوكيل او اي مركز خدمة معتمد لانهم سوري حرامية جداا ديه حاجة تاني حاجة انا عملت صيانة ال1000 ووخدو مني 390 جنيه تغير زيت وتربيط عفشة فقط ياريت اللي يعرف مركز خدمة يكون كويس اتابع معاه واعمل الصيانة عنده يقولي علما انا من سكان فيصل
مساء الجمال يارجالة مصر
انا اخوكم نور الدين
فيرناوى جديد وها استلمها بعد يومين الفيرنا الاوتوماتيك
بس ليا طلب
لوحد عارف عيوب فيها وعاوز يكتبها ياريت بس يكتبها بخط صغير اوى علشان ما اخدش بالى منها
طبعا انا بهزر بس الفكرة انى بقالى اكتر من سنة بدور على عربية ولف وعجن وفرجة هنا وهناك وفلوس تترمى فى الارض لحد ما استقريت ع الفيرنا الاوتوماتيك وربنا يسترها والله اعلم انى دبرت فلوسها بطلوع الروح والحمد لله
وبالمناسبة دى بهديكم كلكم جزء من اغنية شرين اللى غنيتها لنايل موتورز
وبتقول فيها
ماركبتش من خيرها طب ما تيلا وتركينها
طب فكرت فى عز ماهى وافقة تحت البيت انك تغسيلها ...
وبلاش تغريز يا حبيبى لحسن للتوكيل تشحينها
وفى النهاية احب اشكر كل وأى حد فى نايل موتورز أعضاء ومشرفين ومستجدين لانكم بجد كلكم محترمين وذو أخلاق عالية
وربنا يبارك للجميع
وبجد اتشرفت بالكلام معاكو
نور الدين احمد
ألف مبروك مقدماً يا باشا...
ربنا يديك خيرها و يكفيك شرها
يا باشا متقلقش .. العربية حلوة .. فيها حاجات بسيطة كدا .. بس زي اي عربية .. اذا كان الكورولا اللي اسمها تويوتا طلع فيها عيوب.. عادي الكمال لله وحده
ممكن لو سمحت اعرف من حضرتك سعر الأوتوماتك وصل كام ؟
ياريس الاوتوماتيك بقا ب 74 الف والفيرنا الجديدة اللى هيا ستار الاوتوماتيك منها زايد الفين جنية يعنى ب 76 الف بس على فكرة ال ستار دى مش عاجبانى هوا سبويلر وعتب ودة عيب مش ميزة علشان المطبات دة غير ان شكل التابلوة والنواكل والعدادات اتغيرت فا انا شايف ان ال ستار دى حركة من غبور علشان يرجع شعبية العربية ودى وجهة نظرى
وشكرا لمرورك وردك ياريس
مبروك يا باشا على العربيه
خد بالك وانت بتستلم من كل صغيره وكبيره ويا ريت يكون معاك حد صاحى ..
ونصيحه بلاش تقرص عليها خصوصاً ان الاتوماتيك مش عايز قرص أصلاً - سواء فى التليين أو بعده ..
و ماتنساش تبقى تغير اسم عضويتك بقى :-))))
تسلم ياريس الله يبارك فيك وعقبال ماتجيب اللى احسن منها
وان شاء الله ناوى اخد عربية نص نقل واشحن عليها اصحابى كلهم
علشان يستلمو معايا
وجارى تغير اسم العضوية علشان خاطر عيونك
وتسلم يا لورد
يارب تكون معرفة خير
وشكرا
ياربنس للأسف مش عارف اغير أسم العضوية بتاعى ياريت لو تعرف
تقولى لان بقا شكلى وحش اوى هههههههههه
وياريت حد يساعدنى اغير اسم عضويتى بدل ما احلف ما ما استلمش عربيتى
----------
ياريت تقول لنا الفاتورة مكتوب فيها إية بالضبط
*المفروض تفع ثمن الفلتر والزيت فقط يعني بلكتير 260 : 280 جنية مش فاكر بالضبط
* حتي لو كان فية قطع غيار أخري المفروض تكون ببلاش لأنك لسة بتعمل صيانة الألف الأولي وما فيش أي قطع مستهلكة وبالتالي أي تغيير يكون ف الضمان
* بالنسبة للصيانة فلابد تكون في التوكيل أو مركز صيانة معتمد حتي لا تخرج من الضمان
* أرشح لك مركز برقان في شارع العريش تعاملت معاة فعلاً في صيانة ال 25 الف وفي بعض الأعطال البسيطة وبصراحة ممتاز .. بس بشرط ضروري تختم كتيب الضمان أو تحتفظ بأصل فواتير الصيانة حتي لا تخرج من الضمان
* لو فعلاً دفعت 390 ج في صيانة الألف ومعاك فاتورة بهذا المبلغ روح قبل مدير الصيانة هيونداي وشوف اية السبب ولو ليك حق يبقي شكوي لجهاز حماية المستهلك
حضرتك ادخل على الموضوع دا و اطلب من الإدارة تغيرلك اسمك...
http://www.nilemotors.net/Nile/41838-a.html
وشكراً على ردك
كنت عايز استفسر عن الفوانيس الشبورة للفيرنا
انا ركبت عدسة ورنج بدل فوانيس الشبورة ووصلت الرنج على النور الصغير وجينا نوصل للمبة الى فى العدسة لقينا ما فيش كهربا وصلة لية فى التابلوة
فى وصلة عند الاكصدام بس ما فيش فيشة عند الزرار الى فى التابلوة
فانا كنت عايز استفسر هلى فى فيشة كهرباء فى زرار التابلوة ( زى بتاعة تسخين الزجاج الخلفى) اجيب الزرار وويركب وانور ولا لالا؟ ولو ما فيش حلها اية؟؟
بس عايز حل نضيف لانى ناوى اركب زينون فيعنى هكون صارف حوالى 600 جنية ومش عايز ابوظ الطبخة علشان شوية ملح
أنا جبت الزرار الأصلى ب 40 جنيه و عامل الفوجات يطفوا خالص طالما أنا قافل النور خالص أيا كان وضع الزرار و من أول ما أفتح نور التابلوه يمشى النور مع الزرار عادى
كنت ممكن ماعملش للفوجات زرار و كان يشتغلوا مع التابلوه على طول بس أنا جبت زرار عشان لو عايز أقفلهم و أنا موّلع النور (ماشى على طريق سريع مثلا)
ممكن تقولنا تفاصيل أكتر عن الرينجات اللى فى الفوجات عشان مافهمتش معلش
مين قال ان الزرار ب70 جنية دة ؟؟
دة ب40 واغلى احد بيبيعوا ب45 جنية وياباشا الزرار ارخص حاجة فى الحوار كلوا
طيب ممكن تشرحلى الراجل وصلك الكهرباء ازاى للفوانيس الشبورة؟؟
هى فعلا فى وصلة للفوانيش الشبورة فى الاكصدام موجودة وكاملة ونضيفة موت (فيشة تركب فى فانوس الشبورة على طول ) بس الفيشة دى لازم يكون ليها طرف تانى عند الزرار فى التابلوة هو دة بقى الى مش باين عندى فهو موجود ولا لالا؟؟؟ لو موجود يبقى زى الفل هنكلف بس 40 جنية واوصل الزرار لو مش موجود يبقى دى المشكلة وعايز اعرف حلها
اقولك يا باشا
دلوقتى بيتباع عدسة ومعاها رنج طقم كامل بتركب فى اى فانوس على طول تقطع على حجمها فى الفانوس وتركبها
انا قولت اية المشكلة انى اركبها مكان الفوجات ؟؟؟ روحت شوفتها لقيتها عبارة عن عدسة فعلا وحوليها رنج وليها قاعدة بلاستيك ووصلات كهرباء وحدة للمبة العدسة وواحدة للرنج ومعاها مسامير كمان
قولت للرجال نفك الاكصدام ونحفر مكان ليها بدل الشبورة طبعا الراجل قال دة مجنون ولا اية قولتلوا يا عم فكك منى واعمل الى بقولك علية
وفعلا ركبتها وثبتها بالمسامير ووصلت الكهرباء بتاعة الرنج على النور الصغير وفضلت كهرباء لمبة العدسة
انا مصورها وهنزلك الصور ان شاء الله
بالمرة بقى انا ركبت عدادات للفيرنا الى هى بتنور دى بتاعة الهوندالو حد عايز يركبها
دى صورة للعدسة مع الرنج
Fotos von GO car accessories آ® | Facebook
بس المحل دة غالى بيبعها ب350 جنية وانا جيبها ب240 جنية
ودى العداداات وانا مشتريها بنفس السعر
Fotos von GO car accessories آ® | Facebook
هو إيه اللي بيتغير في صيانة ال60000 بالظبط
أنا حجبت السيور بس ..... في حاجه تاني؟
يا باشا انت منقذى, قولى بسرعة العدادات منيين و بكام ؟؟؟؟؟
ايه خطوات تركيبهم و الحوار صعب و بهدلة ولا سهل
بالنسبة لحوار الفوجات ممكن صورة وهما راكبين و منورين عشان أشوفهم
معلش انا متقل عليك بس أنا بدوّر على العدادات من زمان و نفسى بيهم بصراحة و لو صورة للعدادات كمان تبقى عملت أحلى واجب
دى صورة العدادات
Anmelden | Facebook
ولو عايز اى تفاصيل انا تحت امرك
هى ما فهاش اى لعب خاااالص دة اان حتى استخسرت ادى الواد فلوس التركيب لانوا تقريبا معملش اى حاجة فك وش العدادت ودة عبيط جدا وخلع العدادت وركب الورقة على العدادت الموجود القديمة وبعدين ركبهما تانى ولا اى حاجة خاااالص
و الورقه دي ب 250 جنيه؟؟؟؟؟؟
غالية جدا جدا جدا دى كبيرها 50 جنية
يا شباب انا مش تاجر لا حاجة ولا ببيع حاجات العدادات دى ولا الفوجات لان فى ناس كتير فكرانى انا الى ببعها
اسالوا عليا احمد كار وبلاك فيرنا قوللهم خالد يسن بتاع احمد سعيد انا نزلت معاهم واشترينا جنوط وكاوتش ليا وليهم
على العموم الى عايز اى حاجة بخصوص العدادات او الفوجات , انا مركبهم يكلمنى
0101533503
0113425177
وبردوا اسالوا احمد كار يقولكم
يارجاله خالد ده بجد شخصيه محترمه جدا جدا جدا
انا عمرى ما هنسا ليه وقفته معايا يو ما عملت حادثه و الجنط و الكاوتش اتبهدلوا الراجل كتير خير نزل من بيته و جالى و خلى الناس تبعه يظبطولى الجانط و جابولى كاوتش جديده باسعار ممتازه و الله
ماتقلقوش مش تاجر انا جربته :)))
فعلا يا جماعة خالد دا انسان محترم جدا
و انا اعرفه شخصيا
black verna هو انت عربيتك اللى انت حطيطها السماوى و الا سودا و اذا كانت السماوى انت عامل فتحة سقف و الا منظر بس التفاصيل ياريت
رحت النهاردة ل go بتاع الإكسسوارات عشان كنت عايز العدادات و لكن الموضوع فشل و طلعت غالية أوى على الفاضى و و أنا فى نص الشغل فكست و إديته حق مجهوده و مشيت و الحمد لله أنى ما ركبتوهمش
بس الشهاده لله الناس هناك محترمين جدا جدا و حاجتهم وشغلهم نضيف جدا و طلعوا آخر ذوق بصراحة
هو العنوان بتاع Go ده فين علشان عايز انزل اشتري من عنده
و في حاجه كمان عايز اسأل عليها
انا سمعت ان في جنوط اصلية للفيرنا بتاعت العربية الاصلية بتيجي استعمال وارد الخارج و بيبقى عليها اللوجو بتاع الهيونداي حد يعرف عنها اي حاجه و ممكن اجيبها ازاي و من فين؟
و شكرا.....................
شكرا يا باشاعلى العنوان
اما بالنسبة للجنوط فأنا كل اللي اعرفه عنها ان شفت واحد مركبهم و انا ماشي في الشارع و بدات اسأل ناس عليهم قالولي انها بتيجي من بره استعمال بس بصراحه ما اعرفش من فين من بره و ان سعرهم بيبقى حوالي من 1000 الي 1200 جنيه .
ده كل اللي انا اعرفه و ياريت لو حد يعرف حاجه يبعتها و انا ان شاء الله لو عرفت اي معلومات هبقى اقولها .
عندى مشكلة فى راديو الفيرنا gls مانيوال روود ستار
انا اشتريت العربية من 15 يوم وشغالة زى الفل ركنتها امبارح فى الجراج ، بدور العربية النهاردة الصبح لقيت الراديو مش عاوز يشتغل
سبته زى ما هو وقلت اسال حضراتكم الراديو كان شغال امبارح زى الفل ياريت حد يقولى اية السبب ، واعمل ايه
شكرا اخوانى الفيرناوية
اخوكم
م.عصام مهنى
مش شغال ازاي؟
الجهاز كله ولا الراديو بس
عموما جرب زرار ال reset
شيل وش السي دي هتلاقي زرار مكتوب عله reset
دوس عليه و ان شاء الله الدنيا تتظبط