ان شاء الله اول ما افكهم تانى هصور ان شاء الله فى اقرب فرصه
عرض للطباعة
ان شاء الله اول ما افكهم تانى هصور ان شاء الله فى اقرب فرصه
ايه ياجماعه عايزين جديد وياريت المشرف يثبت الموضوع ده
ياريت يثبت الموضوع ده انه تقريبا الموضوع الوحيد الشبه كامل عن موديل 620
بس ياريت ندعمه بشوية صور وفيديوهات
ان شاء الله انا هعمل شويه صور حلوين بس الكامير بايظه هجيب واحده جديده
فين الناس اللى عندها 620
تدفع 74 في عربيه صيني وستعمله حرام عليك
كنت هات النترا احسسسن
هو لو مش مقتنع بيها مكنش جابها وعموما هى عربيه كويسه جدا
ولو انت مش مقتنع ابقى هات الألنتر
الحمد لله انا مقتنع ب620 جدا وانت مقتنع ب الالنترا ...... دي وجهات نظر
يعني ممكن يكون معاك مليون جنيه وتحب تركب مرسيدس اعلي فئه وواحد تاني معاه نفس المبلغ ويحب يركب هامر الجديده !!!! انت من وجهة نظرك انك صح وهوه من وجهة نظره انه صح !!! مظبوط
اهلا بيك معانا
شكر خاص لمشرفي هذا القسم علي التثبيت :16:
شكرا جزيلا :B4_095::plusone1:
عايز اجيب ستاير للعربيه عشان رجعو شدو على الفاميه تانى
ياريت اى حد جا ستاير لل 620 يصورها ويقول جايبها منين ضرورى جدا
تم بحمد الله تغيير المساعدين فى التوكيل عند ابو رواش بعد عناء فى اخذ معاد
وتم الكشف علي جميع العفشة ووجدوا المساعد الشمال خلفي هو الذي يحتاج تغير وتم التغيير مجانا والحمد لله
ووجدوا ايضا الشحم قليل جدا, وتم تشحيم العفشه وعلبة فى العفشة مش فاكر اسمها ملوها شحم للتنعيم...وتم حسابي عليها
ووجدوا ايضا كسر خفي فى العفشة الاماميه ... زانا استغربت جدا من الكلام ده وقلت للمهندس اني مش بسمع اي تخبيط...جاوبني وقالي اكيد حتسمعه وانت راجع للخلف, وفعلا فكرت شويه لقيتني بسمع زي صوت طقطقه اول مابرجع وبعد كده بيروح , بس مش باخد بالي منه اوي لانه مش واضح وقالي المهندس انه اكيد من مطب جامد (فعلا افتكرت اني نزلت فى مطب سخن اوي وربنا ستر)
المهم قالي ان التغيير حيكون علي الضمان يعني مجاني..... والمفاجئه انه خلصان نم قطع الغيار وسجلوه عندهم وقالولي اني اتصل بيهم بعد 10 ايام واسأل
الكلام ده كان من حوالي اسبوع فات
وكانت التكلفه الاجماليه = 47جنيه تمن الشحم ,
الوقت = سلمتهالهم الساعه 9ص ورحت شغلي واتصلت الساعه 3:30 وقالي خلصت واستلمتها 4:00م والحمد لله سليمة وبخير
الف مبروك ياباشا عقبالى بقى انا لسه عايز اغيرهم والله بس للأسف عيسى مش عندهم مساعدين ومستنى قالولى فى خلال الشهر ده
ياريت تشرحلى موضوع الزنه ده عشان عندى زنه بس عايز اتأكده
فا اشرحلى الصوت منين بالظبط
الله يبارك فيك , عقبال ماتغيرهم انت كمان ان شاء الله
الصوت طرقعه مش زنه, وبسمعه وانا برجع ورا وبيكون اول مره بس, يعني لو رجعت ووقفت ورجعت تاني مش حتسمعه, ولما بكون ماشي فى ارض غير ممهده بسمع رجه فى عجلة الدركسيون ماكنتش بسمعها قبل كده
ربنا يسهل ويعملوها علي خير
الحمدلله ركبت المساعدين الخلفى انهارده والفرق ملحوظ طبعا بس حاسس ان العربيه بتهبد من وره مش عارف هجرب برضه واقولكو
الف مبروك
ايه حكاية الهبد دي؟!!!!
حاسس برزعه خفيفه كده انت عندك حاسس بحاجه
تقصد فين بالضبط ؟!!!
سعات بحس بصوت دب مع المطبات , بس مش بحس باثار الدب ده داخل الكبينه لكن بسمع صوته من ورا
ايوه ده اللى بحثه
وعايز اسألك على حاجه فى ناس بتقولى المساعد عشان جديد ناشف ولما يعد شويه هيطرى
فعلا انت حسيت بالكلام ده انت بقالك غتره مركب المساعد
وياريت تقولى اخبار وحده الرفع ايه عشان مش لاقى حل خالص
وبالنسبه للهوا السخن اللى كان عندك اختفى ولا لسه موجود عشان انا عندى موجود وقالولى ان افضل مشفل التكيف نور بس وابقى قافل الكمبروسر والمروحه وده حل الهوا السخن وفعلا اختفى الهوا السخن
وبالنسبه للعلبه اللى بايظه عندك اللى بتعمل طقه مع المارشدير اسمها ايه العلبه دى ياريت تقولى ياباشا
وعايزك تقولى الجديد دايما عشان نتابع مع بعض
1- المساعد الجديد عندي راكب شمال وسماع الدب منه خفيف جدا وبسمع الدب اكتر من اليمين, يعني مش قصدي صوت جامد لكن ملحوظ عن زميله....الجديد انعم من القديم
2- وحدة الرفع دي لها حلين, بعد السؤال لقيت اول حل هو تركيب الكارت بتاع 516 وتغير معاه 6 زراير نوع فتح مزدوج (زي بتاع السواق كده).....والحل التانبي تراسل شركة شيري فى الصين وهما يجيبولك بتاعه الاصلي بكل وصلاته وطبعا حتغير برضه 6 زراير الزجاج
3- الهوا السخن بعد ماعملوه فى التوكيل اصبح كويس جدا ..... ولكن لقيت برضه هوا سخن جاي من فتحات تحت الطاره وماكانش موجود قبل كده ..... حعمل صيانة 25الف قريب ان شاء الله واقولهم عليه......بس حجرب موضوع فتح التكيف بدون تشغيل دي واشوف نتيجته
4- انا عندي كسر فى جزء من عفشة الدركسيون بس مش فاكر اسمها ايه بالظبط وبسمعها لما برجع لورا لكن هيا مش فى المرشدير
5- ان شاء الله حروح اعمل صيانة 25الف قريب بس لسه مش عارف اوصلهم لان كل ما اتكلم اما محدش بيرد او مشغول او مقفول....اخد بس معاد وانشاء الله اتابع معاك
وطبعا انا لسه بتراودني فكرة تركيب بوجيهات 3 شمعه زيك بس لسه شويه لاني لسه مغيرهم فى صيانة 20الف ....يعني ممكن علي صيانة 30 او 40 اعملها ان شاء الله
ساوافيكم باخر الاخبار
ربنا معاك
وبالنسبه للبوجيهات جامده بجد عن تجربه
بالنسبة للأخوة المبتدئين في الإسبرانزا ال 620 أنا طبعا قررت معملش مداخلات هنا تاني لأن فيه شخصيات هنا بتحب تعمل نفسها فاهمة وتهاجم الآخرين عامة بالنسبة للأخوة اللي بيشتكو من رزعة بسبب المساعدين الخلفي والأمامي فالحل بسيط بما إنك مصر تسيب المساعدين التعبانين بتوع الفابريكة فلو عايز تسيبهم تروح للعفشجي بتاعك قلو بس ركبلي علايات وخليه يوريك الفرق بين اللي راكبين فيها وبين اللي حيركبهم وأقل واجب يكون إرتفاعهم حوالي 5 سم عشان الأصلية إرتفاعها حوالي 2 سم وبتدوس كمان وحتستفيد من العملية دي أولا في السرعة العالية على مفاصل الكباري حتخف الطلوع والنزول وكمان حتنعم في المطبات وعربيتك حترتفع عن الأرض شوية وتبعد عن المطبات الصناعية وكمان تحلي شكل العربية وتديها هيبة ومش مكلفة الموضوع كلو للأربع فرد يكلف من 80 ل 120 جنيه حسب شطارتك مع العفشجي وأرجو أكون فدتكم وخلصتكم من موضوع الرزعة وأرجو من إخواني اللي بيعملوا فيها فاهمين هنا ويقلك ثبات العربية ومش ثبات العربية فأنا معليها وماشي فيها 185 سرعة وبصورة دائمة غير إني بملا الشنطة وبحمل فوق العربية وبسوق على 160 للعريش أو لإسكندرية ومبيهمنيش لا مطب ولا هم يحزنون وأرجو من الناس اللي مش عايزة تستفيد عدم ترك تعليقات لا داعي منها والسلام ختام
اهلا بيك ياباشا يعنى انت كان عندك الرزعه دى تمام
اللى انت عملته بقى غيرت المساعدين خالص ولا عملت العلايات دى على المساعدين بتوعهم وعلى فكره دفعه المساعدين دى لسه جديده فى التوكيل والمفروض انهم كويسين بس زى ما بقولك فى رزعه
ياريت توضحلى عملت ايه وياريت تسيبلى رقمك على الخاص عشان افهم منك اكتر وشكرا لمشاركتك وياريت تخليك معانا كلنا نفيد بعض
الأخ العزيز أنا طبعا دلوأتي غيرت المساعدين بمساعدين أطول شوية عشان تناسب زوقي في العربية أما موضوع العلايات فأنا مركبهم تاني يوم من شرا العربية وهي زيرو من التوكيل على المساعدين الأصلي الفاشل وفضلت أكثر من 25 ألف كيلو معايه العربية زي الزبدة على الطريق زكلفتني وقتها 4 فرد بأجور العمل 100 جنيه في الهرم أما الأخوة اللي بيشتكو من الرزعات الخفيفة أما تيجي تاخد مطب خفيف أو في فرملة شديدة حبتين مش أوي فدول نسيو إن عربيتنا أساسي لازم كل 60 يوم تروح لبتاع ظبط الزوايا عشان منها تظبط زوايا الميلان بالكمبيوتر عشان تحافظ عالكوتش أطول فترة ممكنة ممكن توصل ل 70 ألف كيلو لو بعدت عن الخوابير في الكاوتش ومنها كمان يربطلك كل صواميل العفشة من أولها لآخرها ومتنساش صواميل المساعدين والبطاحات من فوق وغالبا معظمنا حيلاقي جلب المقصات فيها شرخ صغير من تحت يكاد ميبانش وهو ده المسؤول عن الرزعة الخفيفة أدام يا إخواننا عربيتنا ال 620 أحسن عربية في فئتها بثمنها ده بس فيها شوية حاجات لازم نعملها صح عشان تكمل معانا صح ومنبقاش زي الأطفال كل حاجة توكيل أبص وأشوف إيه الأحسن حاجة باضت أعملها تعديل أحسن ولا ممكن تروح التوكيل أحسن وعينك ميزانك ومتستسهلش مع حبي وإعتزازي
شكرا وبالنسبه للمساعدين اللى عندك حاليا دول بتوع عربيه نوعها ايه
عندى لما بلف الطاره والعربيه واقفه ال ار بى ام بيعلى شرطه او اتنين ده ايه عيبه
الاخ saddam اشكرك جدا لانك بتفدنا بمعلومات جديده وبتحاول تحل المشاكل وبتوجد حلول عمليه
بالنسبة للمساعدين : ياريت تقولنا علي نوع المساعدين الاطول ومنين علشان نركبهم
بالنبة للعفشة : اشكرك جدا علي التوضيح لان فعلا لازم نربط عفشه كل شهرين تقريبا وحقول الكلام ده بالتفصيل فى التقرير بتاعي لصيانة 25الف
الأخ العزيز شكرا لمجاملتك بالنسبة للمساعدين فأنا مش عارف ليه حضراتكم عملتو منها مشكلة مالهم العفشجية بتوعكم الأمر بسيط أوي أنا رحت للعفشجي بتاعي في الهرم وملحوظة الصنايعية في مصر بيحبوا بيسألوا وبيفتوا في كل حاجة المطلوب منك أوعه تتناقش معاه في حاجة إنت تعملها ومتروحش لعفشجي يقلك أنا أحل وروح إنت يا مواطن جيب الحاجة وتدوخ عليها يا يكون هو عارف بيعمل إيه يا يبعتك لحد يكون هو عارف إن هو عندو أنا بكل بساطة رحت للعفشجي بتاعي قلتلو عايزك تحل العفشة وتركبلي مساعدين أطول من اللي فيهم بحوال 5 سم أقل حاجة قلي ليه ومش ليه قلتلو ملكش دعوة تقدر قال أقدر وقبل متركب توريني الجديد والقديم راح بعد محل بعت الصنايعي وجي بعد حوالي 3 ساعات وقللي إنو جابهم من محل في فيصل بيبيع مساعدين بس يعني مش محل قطع غيار بس هم كوري وإتأكدت إنهم أطول والموضوع كلو بالتركيب بالحبشتكنات كلف أقل من 700 جنيه ونصيحة حقولها آخر مرة روحوا لمحلات بتجيب مساعدين بس متروحوش لتجار قطع الغيار الصيني وتقلهم عاوز مساعدين ولما تخش على محل وشايل معاك المساعدين القديم أوعه تقولوهم ده بتاع أنهي عربية عشان حيحب يعمل ناصح بعدين يا إخواني لو مثلا شال مثلا صامولة أو لحم مكان صامولة من المساعدين القديم للمساعدين الجديد عشان يركب صح ويترش صح المساعدين فده حاجة طبيعية وأنا حاليا عربيتي المرسيدس بغيرلها دلوأتي 4 مساعدين و4 سوست مقاس أعلى وأكبر من الأصلي عشان غيرت الجنوط من 14 إلى 16 وقبل مشتغل سألت العفشجي وقللي موجود ومتاح وبسيط وبالنسبة للأخ بتاع إرتفاع عداد الآر بي إم شارطة أو أكتر بقليل لما بيلف الدركسيون وهو واقف فده طبيعي جدا بس لما يعلى الصوت أكتر من اللزوم فده سببوا حاجتين أولا إنك مبتغيرش زيت البور ستيرن ولو غيرتو حط أغلى نوع عشان ده مبيتغيرش كل يوم ده يا دوبك بتغيرو مرة كل سنتين أو كل 50 ألف كيلو أو بتحط الهوا في الكاوتش على 30 والصح إنو ميقلش عن 32 والأصح بئه عالميا ومن غير هزار هو 35 بس عشان إحنه في مصر بنخاف على العفشة أوي ومطباتنا شديدة بنوزن على 30 في الكاوتش عشان نتجنب الرزع الشديد في العفشة وكان الله في عون الجميع . وإلى الأخ اللي بيشتكي من التكييف فعاوزك من غير كلام تروح لبتاع التكييفات وتقلو حللي الفريزر وتاخدها لمغسلة وتخلوهم ينظفوها بظغط الصابون والماء العالي وتنظفها بفرشة سنان وإرجع ركب وإدعيلي حيفرق معاك التكييف فرقة كأنو لسه العربية طالعة من المصنع مع إعتزازي بالجميع .
اعزائي مالكي 620 بصفة خاصة ولمالكي اسبيرانزا بصفة عامه اليكم تقرير صيانة 25الف لسيارة 620
بعد محاولات عدة فى محاولة الاتصال بابو رواش لحجز مكان للصيانه اخدت معاد الساعة12:30 الضهر وسألتهم علي الاسعار وقالولي سعر صيانة 25الف بتكون 125جنيه غير مصاريف قطع الغيار لو لزم الامر , وطبعا فى اي صيانة للخمسات مابيكنش فيها حاجه غير تربيط عفشه وكشف عام .......يعني فلوس علي الفاضي.......بس انا كنت عايز اروح علشان موضوع الكسر الغريب اللي عندي فى فشة الدركسيون وهما حاجزنلي مكان للتغيير لما القطعه تيجي.....وسألتهم علي القطعه دي قالولي انت فعلا حاجز ولكن حتي الان لسه ماجتش :rfds: فقلت طيب ليه اتفع اكتر واروح مشوار كبير وحجز وشغلانه !!!!!!
رحت لمركز فرست كار اللي جمبي ومن غير حجز ولا اي حاجه وقلتلهم علي الحكايه
المهم انا كان عندي تصفير فى التيل الامامي يمين وقلتلهم يغيروه وكان عندي الكنبة الخلفيه الضهر بتاعها بعد ماغيرت المساعد عند ابو رواش ماركبوهاش كويس وكان فيه خلوص بنها وبين الضهر وشكلها تحس انها مش راكبه, وكنت بشتكي برضو من هوا سخن بيجي من تحت الدركسيون , واخر شكوي ان فتحة مية الساحات واحده من الاربعه مش مفتوحة كويس
بعد الصيانه:
1- تم حل مشكلة التصفير فى التيل الامامي يمين ولم يكن مشكلة تغيير تيل ولكن كا عليه بعض الشوائب وتم التنضيف واختفي الصوت وحسيت ان الفرامل اصبحت اقوي من الاول
2- تنضيف الرشاشات الخاصه بمياه الزجاج الامامي وتعمل جيده
3- لم تحل مشكلة خروج الهواء الساخن واعتذرو عنها وقالولي المشكلة اما فى تغيير العازل اللي فى الموتور او بسد بعض الفتحات , وفى كلا الحالتين ماعندهمش العازل امكانية السد
4- تم عمل ضهر الكنبه الخلفيه بفكها واعادة التركيب الصحيح ورجعت كما اشترتها
- وقالولي اني محتاج اغير "علبة دركيون" كامله, مش كسر ولا حاجه . ... لان فيها بوش وقالولي ممكن تحس بصوت امامي فى المطبات وتعمل معاك اصوات (زي الطرقعه مثلا) ولكن برضو مالقوهاش عندهم وكتبوهالي فى الطلبات
وملاحظتي الشخصية بعد استخدام الفرامل بحوالي ساعه من الخروج من عندهم, اصبحت تصفر تاني ولكن بصوت اخف وتقريبا التنظيف لم يكن جيدا ومحتاجه تنظيف اخر لانهم اكدولي ان الفرامل بحالة جيده ولا تحتاج للتغيير فى الفتره الحاليه....وايضا التكييف اصبح تبريده اجود لانهم نضفو الفلتر وغسلو السربنتينه ونضفو فلتر الهوا وحسيت بفرق افضل
التكلفة:
الصيانه لل25الف= 120جنيه + بعض المصنعيات
الاجمالي = 133 جنيه بالغسيل
واريد ان ااكد علي حاجه مهمه .....زي ماقال اخونا saddam فعلا بعد اعادة تربيط العفشه وتظبطها, فعلا العربيه حاسس انها اصبحت اكثر تماسكا واصوات المطب اصبحت اقل بكتير
فعلا لازم كل شهرين نروح نربط عفشه لان شوارع مصرنا كلها حفر ومطبات
ساوافيكم باخر الاخبار
المشكلة يا استاز saddam اني ماعنديش مكانيكي ولاعفشجي ولا بتعامل مع الحرفيين لاني من فتره طويله جدا لا اتعامل الا مع التوكيلات فقط لاغير ....علشان كده كل شويه بنسألك منين ؟ وبكام ؟ والنوع؟ ووووو
ملحوظه تانيه: انا فعلا وانا فى التوكيل ضبطت الكاوتش علي ضغط 35 وكان المهندس والمكانيكي عمالين يقنعوني انه اخره 32 ولكن عملت زيك ومادتش ودني لحد والحمد لله انا حاسس انها احسن من الاول
وان شاء الله حروح انفخها نيتروجين برضو علي 35 قريب
وان شاء الله حبحث فى المساعدين الاطول والعلايات
اشكرك للافاده
انا كنت فى التوكيل عشان المساعدين الجداد اللى غيرتهم تبع الضمان بينقرو فرحتلهم وقعدو يقنعونى ان ده الطبيعى وكده طبعا انا مش مقتنع
المهم لما اتكلمت مع المهندس سألته ايه بديل المساعدين دول قالى هات بتوع البى ام 518 او 520 تقربا قالى انا عملتها فى عربيه قريبى جبت اتنين استيراد ب 360 جنيه قالى بقت بى ام بالظبط
بالنسبه لضغط الهوا انا جربت 35 و30 و28
احسن حاجه وانعم حاجه هى 30 عن تجربه
35 دى بترزع جامد جدا
يا جماعه معروض عليا ابدل الانوس بتاعتى بواحد ة620 مو 2010 عاملة 30 الف و عربيتى عاملة 15 الف
ابدل اية رائكم
على فكرة انا متردد جدا جدا
و خايف اندم انى بدلت و لو راحت الفرصة هاندم برضة
الفرق كام وعربيتك الانوس موديل كام ولو الفرق كويس اكيد طبعا فرصه عشان لما هتركب ال620 هتعرف الفرق
بس لازم تعرف ان الضريبه غاليه سنويا وبتسحب بنزين اعلى من الانوس لو ميفرقش معاك الكلام ده يبقى متخسرش الفرصه دى
السلام عليكم يا اخوانى
انا معجب جدا بالسيارة ال 620 و ركبتها مرة مع واحد صاحبى و حاسيت انى راكب سفينة و قلت اجى هنا اشوف خبرات الناس الافاضل فى السيارة دية
انا طبعا كنت عايز اجيبها زيرو بس استغربت جدا من الشكاوى بتاعة المساعدين دية مع ان السيارة مع اخونا مشتريها عاملة 18 الف بس فهل دة عشان قطع الغيار مش معمرة ولا عشان السيارة مستعملة ؟ و بعدين من كتر المشاكل فى العربية حسيت ان انتو بتتكلمو على عربية موديل 90 و عدت ال 200 الف انا متحمس و فى نفس الوقت خايف و متردد افيدونى افادكم الله وهل لو رجع بيكم الزمن كنتو بردو هاتشتروها ؟؟؟؟؟؟
السلام عليكم يا اخوانى
انا معجب جدا بالسيارة ال 620 و ركبتها مرة مع واحد صاحبى و حاسيت انى راكب سفينة و قلت اجى هنا اشوف خبرات الناس الافاضل فى السيارة دية
انا طبعا كنت عايز اجيبها زيرو بس استغربت جدا من الشكاوى بتاعة المساعدين دية مع ان السيارة مع اخونا مشتريها عاملة 18 الف بس فهل دة عشان قطع الغيار مش معمرة ولا عشان السيارة مستعملة ؟ و بعدين من كتر المشاكل فى العربية حسيت ان انتو بتتكلمو على عربية موديل 90 و عدت ال 200 الف انا متحمس و فى نفس الوقت خايف و متردد افيدونى افادكم الله وهل لو رجع بيكم الزمن كنتو بردو هاتشتروها ؟؟؟؟؟؟
لا متخافش العربيه كويسه جدا وعلى فكره انا عن نفسى الحمدلله العيب المؤثر اللى عندى المساعدين وكمان كل حاجه ليها حل يعنى انا لو مش عندى ضمان هريح دماغى واشترى مساعدين بديلين بتوع اى عربيه المانى وهريح دماغى نهائى بس انا عندى ضمان لازم اخد حقى منهم
انما اى مشكله تانيه بتبقى حجات بسيطه جدا كلها شويه تظبيتات
العربية راقية ومفيهاش أي مشاكل بس عيب تقارن عربية زي اللانوس مخصصة لعامة الشعب بعربية 620 مصممة أساسا لطبقة معينة من الناس فأكيد الفرق مهول ال 620 طبعا أرقى بس حضرتك صاحب اللانوس مش حتبيع وأنا بقلك من دلوأتي لأنك متردد وكل متردد آخرتو حيفضل محلك سر وبعدين حييجي واحد يقنعك بسرعة ويقلك أقعد يا عم دي اللانوس بتتباع بسرعة وال 620 بتاخد وقت عقبال متتباع بس عارف يصحبي الغلط منين الغلط من الراجل اللي معاه 620 وحينزل منها عشان يركب عربية دون المستوى وآخرتها إتعملت تكسي عجبي وربنا يهدي الفوضى في مصر