مشكور جدا علي نقل صورة 620 الجميله
شكرا لمجودك
عرض للطباعة
مشكور جدا علي نقل صورة 620 الجميله
شكرا لمجودك
تجربتى الأولى على الطريق الدولى بال 620 ما شاء الله عربيه تحفه وثابته جدا كنت ماشى الطريق كله 180 وثابته جدا ما شاء الله وكنت مشغل التكيف وكلو تمام
احلى من ال 516 بكتير متعه انا كنت ماشى الطريق كلو مفيش عربيه عدتنى وثابت على 180 وكمان غرز خفيفه وحاسس ان انا على 100 مش مصدق نفسى ان على السرعه دى وماسك الطاره بأيد واحده
هي بصراحة عربية حلوة وجميلة وثابتة وقليلة الأعطال كل ده صح ومقارنة بسعرها فتعتبر العربية بلاش وتمشي 180 أو 190 كحد أقصى فكلامك مظبوط بس السرعة بتبان فيها شوية مش لدرجة إنك تخاف وتهدي بس اللي ركب عربيات أمريكاني وألماني يعرف الفرق يعني ال 100 في ال 620 إسبرانزا تحسها كأنها 140 في عربية أمريكاني أو 160 في مرسيدس من ال 6 سلندر والأحجام دي إنما الإسبرانزا عربية محترمة جدا بصراحة بس السرعة بتيان فيها مع إعتزازي وتقبلوا مروري
ربنا يخليك يارب ويحفظنا جميعا من شر الطريق
كنت عايز اعرف منك عشان توصل لل 200 العربيه اخدت وقت قد ايه اصل انا حسيت ان الأستجابه بعد ال180 مش اوى فكنت عايز اعرف بتوصل للسرعه دى بسرعه ولا بتاخد وقت عشان توصل لل 200
السلام عليكم
معلش النت كان قاطع عندي فتره طويله فماعرفتش ارد عليك
العربيه اخدت وقت مني ولكن من اكتر الاسباب اللي عطلتني انه كان دايما الاقي عربيه قدامي او ملف فكنت دابما بهدي وابدأ من جديد, وكمان كنت محمل العربيه علي الاخر والشنطه كانت مكبوسه +وكنت شايف اني ممكن اكنت اجيب اكتر من 200 بس محتاج انسياب فى الطريق اكتر ويفضل ماتكنش محل العربيه اوي ولا مالي الشنطه علي اخرها علشان الوزن
الف شكر مفيش جديد على وحده الرفع
ده فى وحده جديده حلوه اوى نوعها سباى بس جامده جداا
بترفع كل ازاز لواحده
يعنى مثلا تبتدى بالسواق وبعد ما يقفل تدخل على اللى بعده وهكذا وسعرها 60 جنيه
دى احسن بكتير لآن لما بتيجى تقفل اتنين مع بعض او اربعه الكهربا بتقل وبيطلعو بصعوبه فا دى احسن بكتير
بس المشكله دلوقت فى التركيب
المشكله فى عربيتنا انها بتدى ارضى بس
فى كل العربيات بتدى كهربا وارضى فامش عارف ايه الحل انا لفيت كتير
واحد بس اللى قالى هركبهالك ومتخافش بس خايف يلعب كتير لآن قالى هنفك الأربع ابواب وناخد من كل باب سلكين وكبرلى الحوار
كويس موضوع وحدات الرفع الجديده دي
بس عايز اقولك ان مفيش حاجه اسمها عربيه بتدي ارضي بس !!!!! مستحيل , لازم يكون فى فرع تغذيه يعني بيدي كهربا بس حتلاقي الكهربائيه مش واخدين عليها بس لان نظامها مختلف شويه
اهلا بيكم !
من حوالي اسبوعين او تلاته حجزت علي صيانة ال30الف كم فى ابو رواش
وكنت عامل حوالي 296xxكم
المهم رحت ودخلت الصبح الساعه 9:00 ص ودخلت العربيه الساعه 9:30ص , وكل اللي اتعملي :
1- تغيير زيت
2- تغيير فلتر
3-تنظيف فلتر
4-مراجعة وربط عفشه
واخدت العربيه الساعه 4:00عصرا ولقيت انهم ما نضفوش الفلتر , طبعا عملت مشكله لاني مستني زياده عن 6 ساعات علشان حاجات تتعمل فى نص ساعه, ودخلت تاني ونضفلي الفلتر
وكتبت فيهم شكوي للتقصير والتخاذل فى العمل
طبعا انا عرفت منين انهم مانضفوش الفلتر ؟؟ّّ فتحت الكبوت وفتحت علبة الفلتر لقيته لسه فيه تراب زي ماهوا .... ودي نصيحه بقولها لكل واحد بيعمل صيانه انه يحاول يراجع وراهم علي قد مايقدر قبل ما يمشي او حتي بعد مايمشي
والتكلفه النهائية:
زيت+فلتر+مصنعية صيانة دوريه= 391جنيه
ودمتم سالمين
اهلا بيكم !
من اسبوع رحت علشان ارخص لان الرخصه انتهت
ولقيت تكلفة ترخيص 2000 سي سي اللي فات عليها سنة = 1050جنيه
انا استغربت وقلتله ليه هوا مش المفروض تقل وتكون اقل من كده, قالي ماهي هيا كده اقل من الجديد ب50 جنيه لان عربيتك اقدم سنة
ولقيت ان موديل السنة لل2000 سى سى = 1100جنيه وبيقل 50 جنيه سنويا
ودفعت تأمين 112 ج ورسوم ورق 10ج وبس , مفيش حاجه اسمها اكراميه واو اي حاجه تحت الترابيزه
الاجمالي
1050+112+10= 1172جنيه رخصة سنة واحده
نقل الملكيه كان كام ياباشا عشان هنقل الشهر الجاى ان شاء الله
السلام عليكم ورحمة الله
نقل الملكية كلف الناقل حوالي 1600 جنيه , بس لان شركة ابو الفتوح كانو كاتبين السعر كامل
لكن لو انت كاتب زي ما الكل بيكتب حوالي 1000جنيه ..... تقريبا مش حيزيد عن 400جنيه
رخصت ولا لسه
بقالي فتره استهلاك البنزين عالي يعني بيعمل مش اكتر من 140-160كم علي الاكثر
ولكن الصراحه انا بقالي تقريبا نفس الفتره بسيب البنزين علي الاخر فاعتقد ده اثر علي الرشاشات
علي العموم الايام دي كل اما بمون البنزين بحط معاه اضافات وانا ماشي معاه علي الهادي وربنا يسهل يرجع زي الاول
ساوافيكم باخر الاخبار
ممكن يكون البوجيهات اكشف عليها ده بالنسبه للبنزين
بالنسبه لنقل الملكيه مش فاهم يعنى ايه لو انا كاتب زى ما الناس بتكتب مش فاهم
يعنى حضرتك انا هدفع حوالى كام نقل ملكيه وهدفع حوالى كام ترخيص سنه
ممكن فعلا .... حغيرها بس الصيانة الجاية ان شاء الله او يكشفو عليها .... ونفسي اجيب بوجيهات 4 شمعه زيك
بالنسبة لنقل الملكية : لو انت كاتب فى عقد البيع البلغ كامل اللي اشتريت بيه, فحيكون مصاريف نقل الكيه فى حدود 1600ج علشان فى حاجه اسمها طابع محاماه وضريبه ونسبة ..... لكن لو انت كاتب زي الناس ما بتكتب ان سعر الشراء كان 1000 جنيه بس فحيكون مصاريف النقل فى حدود 400-600 جنيه وبيتحدد معاها السعة اللتريه والموديل
اما الترخيص : حتدفع 1050ج لانك موديل 2010 زيي + الضريبة 112 + 10مصاريف الورق = 1172ج
وبالتوفيق
انا مش عامل عقد انا معايا توكيل من الراجل ليا يبقى كده ايه النظام
كده يبقي ان شاء الله مش حتتكلف غير 400 جنيه تقريبا بس ... لانك حتكتب فى نقل الملكيه القيمة المباعه واكتبها 1000 بس لاتزيد ولاتنقص
وبلغنا باخر الاخبار
بالتوفيق
بس انا لما سألت فى الشهر العقارى قالولى ملوش دعوه بالقيمه ده بالسى سى وبالموديل ده بالنسبه للعقد المسجل
التسجيل فى الشهر العقارى ملهوش دعوة بقيمة البيع فى العقد عندهم جدول يوضح موديل سنة كام وكام سى سى يقولك القيمة كام
صح ياباشا
كلامك مظبوط ... الواحد نسي :):)
الشهر العقاري : 120ج لسنة 2010 + 600ج نقريبا علي حسب مانا فاكر ل2000سي سي
لا اعتقد مش اقل من 1300
انا نقلت ملكيه واتكلفت 1625 بالظبط ده عشان انا 2010 و 2000 سى سى
الف مبروك .... فكرتني بالاسعار
ان شاء الله لما اجدد اقولكم ثمن التجديد كام
وكمان البطاريه باظت لو حد عندو اى معلوه عن البطاريه يقولى عشان بتاعه ال 620 75 امبير واللى فى السوق 70 امبير والفعلى بتاعها 64 فقوليله قوى فرق كبير لآن اللى عندنا الفعلى بتاعها 75 برضه
انهارده رحت جددت سنه لعربيتى ودى تفاصيل الأسعار والعربيه 2010
ملف 34 جنيه
طفايه 85 ج
وثيقه تأمين 135 ج
ضريبه سنه 1295 ج
كله =1549 ج
انا مش مصدق ازاى السعر ده انا حاسس انهم غلطانين ياريت اى حد جدد الترخيص يقولى دفع كام
انا خلاص جددت انهارده وطلع عندى زياده 255 جنيه
100 ضريبه ترفيهيه عشان عندى عربيه تانيه
155 تمن النمر الجديده عشان كانت نمر جيزه وعلقت نمر منصوره
يبقى اى حد غيرى 2010 برضه هيروح هيدفه 1294 جنيه ده ضريبه سنه
ممكن يكون الضريبه الترفيهيه 100 عشان عندى عربيتين مثلا
والله شويه حراميه
ضرورى لكل اللى معاه 620
عايزكو تتأكدو لما بتدوسو فرامل مفاجئه بتحسو ان فى هوا بيمنع الدوسه
ضرورى جدا ياجماعه نجربو وتقولولى او حتى والعربيه واقفه واكبس فرامل جامد
تحس باللى قولته وبتسمع كمان صوت هوا ياريت تقولولى ضرورى
انتو فين ياجماعه
تمام هو ده اللى بحسه برضه ورحت التوكيل قالولى كل ال 620 كده
مش عارف بقى ايه ده
من حوالي 3 اسابيع تقريبا لقيت موضوع الحراره بيزيد فى العربية والحراره بترتفع مره وتنخفض تاني
وبعد ما فتحت الكابوت لقيت بعض اثار الميه تحت اربة الميه ..... قلت بس يبقي الحلوه عملتها
المهم فضلت ماشي بيها حوالي اسبوعين كده وعمال احطلها ميه من الفلتر علشان تقريبا كل مشوار بتفضي الميه اللي فى الاربة
وبعدين من اسبوع تقريبا رحت للتوكيل لانه جنب شغلي (وكنت ناسي :) ) رحتلهم وحكتلهم المشكله وقلتلهم "الحقوني العربيه حتولع مني اعمل ايه"
المهم دخلو العربية فحص وقالولي ان اربة الميه اتخرمت , وركبولي واحدة جديده علي الضمان وعبولي الاربه مياه خضراء كامله
التكلفه الاجمالية = صفر جنيه
والحمد لله ماشية زي الفل
برضو من اسبوع لقيت البطاريه خسعت معايا وماباقتش بتقوم العربيه ... لكن بتقومها الصبح بس بالعافيه وبتفضل تعتل لحد ما تقوم والحمد لله بتقوم
(خاص لعمرو سبيد)
المهم رحت من يومين بالظبط اجيب بطاريه , وطبعا بعد لف ودوران علشان الاقي بطاريه نفس الحجم والسعه 75 امبير ..... مالقيتش , لقيت كله 62 او 65 او 70 امبير
ولكن الحمد لله ربنا هداني لواحد اسمه المتحده لقيت عنده بطاريه ACDeleco وكانت 74 امبير والعرض بتاعها اكبر سنتي واحد , المهم توكلت علي الله واشترتها وركبت وشغاله زي الفل
التكلفه: 530 جنيه + القديمة
ياريت يا جماعه تشاركونا لاني مش لاقي اي حد بيشارك خاااالص
أ - احمد عامل ايه فينك واحشنى والله
بالنسبه للبطاريه انا كمان غيرتها من اسبوع وجبت نوع تركى بس بيقولو حلو اسمه - هوجال
وسعرها 525 من غير القديمه و 74 امبير
سؤالى بالنسبه للتوكيل اللى بتروحو
هو مكانه فين ولو فى حاجه عايزه تتغير بيغيرها فى وقتها ولا بيحددلك يوم
ولازم تحجز ولا ايه
عشان عندى فتحه السقف بتجيب هوا على سرعات والمساعدين الخلفى بعد التغيير مش حلويين
الحمد لله كله تمام .... معلش مش بخش كتير هنا لاني مش بلاقي اي مشاركات غير مني ومنك وبس يمكن الايام دي فى بعض الاخوع شاركو ولكن بالقليل
مبروك علي البطاريه .... انا كنت حشتريها برضه التركي قبل اللي معايا وكانت كويسه بس لقيتها 70 امبير بس .... ولكن لقيت بطاريه كوري كويسه جدا وبيشكروا فيها بس بصراحه انا كنت مجرب قبل كده ال ACDelco وكانت جميله جدا فقلت اجيبها تاني
التوكيل اللي بروحه هو ابورواش ومكانه فى قبل بوابات طريق اسكندريه (بعد الرمايه-هرم) يمين بعد القرية الذكية, وبيغير الحاجه فى وقتها بس تجيله بدري وبياخد فى التغيير حوالي مش اقل من 2-3 ساعات علبال مابتخش فى دورك ولازم تحجز قبلها ماعدا الاعطال المفاجئه تخش بدون حجز
بالنسبة للمساعدين لو ان كنت مغيرهم علي الضمان تروح لنفس المكان وتقدم شكوتك ليهم او تاخد الورق بتاع التغيير وتروح لابو رواش وتشرح المشكله ويبصو عليها ... محترمين جدا
ان شاء الله انا عايز اجيب مساعدين مونرو بس قدام شويه ... لان اللي فيها كويسين