[b][b]تحويل السيارات للعمل بالغاز الطبيعى[/b][/b]

**alking_2006** · 15-10-2012 01:29 PM

منصحش بيه حد بصراحة

لسه واحد قريبى معاه ياريس موديل 2007 (مكملتش 5 سنين) و مركبلها الغاز من ساعتها و عايز اقولكوا الماتور شيع بدرى بدرى و عمله عمره و باعها قبل ما تفتح معاه و جاب ياريس تانيه موديل احدث و ماشى بنزين

من الاخر الغاز

مميزاته
1- اوفر بمراحل من البنزين
2- متوفر باستمرار مش زى البنزين

عيوبه
1- بيتقل السحب بطريقة ملحوظة عن البنزين
2- اللى انتا وفرته هتصرفه على تصليح الماتور لأنه بيهلك الماتور جامد (حامى على الماتور عن البنزين)

**Formulator** · 15-10-2012 04:10 PM

لما تكون الشركات برا بتنزلها كده:

فيات T-JET LPG

فولكس TSI LPG

وحتى الكيا 1.6 GDI

وبتديك نفس الضمان على العربية.. وطبعا بيبيعهالك بسعر أعلى عشان تجهيز الكيت بتاع الـLPG
(Pressure-regulator و injectors-Set وكمان Switch/Map للكنترول)

يبقى مستحيــــــــــــــــل أثق فـ أى محطة-مركز فـ مصر بتعمل التعديل الحقير اللى أنا بشوفه فـ التاكسيات ده
طبعا مانصحش أى حد بيه على الإطلاق،
إلا لو مش فارقة معاك العربية (أو عندك إستعداد تسقط موتور كل سنتين-3)
Rgds،

**besso** · 16-10-2012 12:25 AM

ماهو احنا لو عندنا أليه فى مصر تخلى الشركات تعملنا عربيات مجهزه للعمل بالغاز الطبيعى كان المشكله اتحلت من زمان بره بيحلوا مشكله المحرك دى بانهم بيرشوا جدار الاسطوانه بتاعه المحرك بالسراميك لانه بيتحمل الحراره العاليه جدا والاحتكاك العالى جدا
علشان كده العربيات الجديده اللى بيتتحول غاز بتشيع بدرى بدرى بسبب انها غير مهيئه للعمل بالغاز زى البنزين

**besso** · 16-10-2012 12:27 AM

ماهو احنا لو عندنا أليه فى مصر تخلى الشركات تعملنا عربيات مجهزه للعمل بالغاز الطبيعى كان المشكله اتحلت من زمان بره بيحلوا مشكله المحرك دى بانهم بيرشوا جدار الاسطوانه بتاعه المحرك بالسراميك لانه بيتحمل الحراره العاليه جدا والاحتكاك العالى جدا
علشان كده العربيات الجديده اللى بيتتحول غاز بتشيع بدرى بدرى بسبب انها غير مهيئه للعمل بالغاز زى البنزين

**مواطن مصرى** · 16-10-2012 12:52 AM

المشاركة الأصلية كتبت بواسطة formulator

لما تكون الشركات برا بتنزلها كده:

فيات t-jet lpg

فولكس tsi lpg

وحتى الكيا 1.6 gdi

وبتديك نفس الضمان على العربية.. وطبعا بيبيعهالك بسعر أعلى عشان تجهيز الكيت بتاع الـlpg
(pressure-regulator و injectors-set وكمان switch/map للكنترول)

يبقى مستحيــــــــــــــــل أثق فـ أى محطة-مركز فـ مصر بتعمل التعديل الحقير اللى أنا بشوفه فـ التاكسيات ده :t_thum1[1]:
طبعا مانصحش أى حد بيه على الإطلاق،
إلا لو مش فارقة معاك العربية (أو عندك إستعداد تسقط موتور كل سنتين-3)

rgds،

طبعا كلام حضرتك سليم 100% فى الجزئية الاولى (السيارات المعدله من مصانعها للعمل بالغاز الطبيعى) و دى نفسنا تنزل مصر ...

لكن موضوع ان حضرتك متنحصش حد يركب غاز اختلف مع حضرتك فيه لان انا واحد من الناس مركب غاز من 2005 على سيارتى الريجاتا و الى الان لم اسقط موتور و لم اعمله عمره رغم انى بتحرك كثير فى العربيه و بسافر بيها اسكندريه و اسيوط و سوهاج و ....

الفكره الاهم فى طرحها (و لم تطرحها حضرتك) انك بلاش تركب غاز فى موتور عربيه زيرو (بتوع التاكسى مركبين غاز غصب عنهم علشان التوفير لانهم لو مونوا بنزين هيتخرب بيتهم و مش هيعرفوا يدفعوا قسط التاكسى)

لكن لو عربيه قديمه (زى الشاهين و الدوجان و الريجاتا و اللادا و المازدا و الفولفو ... الخ) و بتتحرك بيها كثير و موضوع البنزين هيفرق معاك و بتدور على التوفير يبقى مفيش حل غير الغاز و موضوع الجهاز اللى بيركب فى محطات كارجاس او تاون جاس هو اختراع مصرى 100% مالوش دعوه خالص باجهزه الغاز اللى بتركب فى اوروبا و الدول المتقدمه و شغال و محدش اشتكى منه او سبب خطوره او عمل انفجار عربيه او اى حاجه من دى .. و فيه الوف العربيات اللى مركباه و شغاله بيه عادى (مجبر اخاك لا بطل) ...

مختصر كلامى : الغاز الطبيعى موفر جدا جدا جدا عن البنزين لو كانت العربيه قديمه و بتتحرك بيها كثير ... غير كده بلاش تركب غاز ...