http://www4.0zz0.com/2011/03/14/00/738928234.jpg
لا لترقيع الدستور
انا هصوت بلا فى التعديلات احنا محتاجين دستور جديد بالكامل ويكون دائم
يا خبر أبيض .. وصلت كمان بالبعض لأن يجعل موضوع المادة الثانية سبباً فى رفض أو قبول التعديلات الأخيرة والتى ليس لها أى علاقة بتلك المادة؟؟؟؟
طيب يا زميلى الفاضل ، ما الدستور الجديد جاى جاى .. والفرق شهور فاللى عايز يتكلم فى المادة الثانية أو أى مادة هيتكلم هيتكلم.
فى هذه الحالة سيكون عندنا بالفعل دستور موجود نستند عليه فى حالة عدم الاتفاق
و الدستور الحالى سيتم التصويت عليه بعد الثورة و التعديل اى انه ملكنا
و ما تم تعديله به جاء حسب مطالب الثورة الاساسية تماما فلماذا لا نوافق عليه ؟؟
فهو ضمان لنا فى حالة حدوث فوضى او عدم اتفاق على اى دستور جديد فيما بعد
بالاضافة الى ان وجود دستور الان بين يدينا يجعلنا ننشىء دستور بعد ذلك بتأنى و بدراسة جيدة
دون تعجل حتى يتفق عليه الجميع و يكون مناسب تماما للعصر الذى نعيش فيه .
هو فين حضرتك الحزب الوطنى اللى موافق ؟؟؟
الاخوان المسلمين بينهم و بين الحزب الوطنى حرب اساسا و لا يتفقوا ابدا
و اذا وافق الاخوان على التعديل فهذا عن دراسة متأنية و ليس له علاقة بالحزب الوطنى
و من غير المعقول ان كل البشر اللى موافقة على التعديل يقال انهم تبع الحزب الوطنى .
و للعلم لو الحزب الوطنى يريد ان لا تصوت للتعديل سينشر انه سيصوت عليه
كنوع من الحرب النفسية الخبيثة على الثورة حتى يخاف الناس من التصويت على التعديل
لننزلق الى فوضى و جدال دائم فى كل بند يصاغ بعد ذلك فى دستور جديد بسبب اختلاف الاراء المستمر