عايز اركب علبة شكمان ذات صوت مميز حد عندة فكرة عن الانواع والاسعار ومنين اشترى
عرض للطباعة
عايز اركب علبة شكمان ذات صوت مميز حد عندة فكرة عن الانواع والاسعار ومنين اشترى
اتصل بالرقم ده
اسمه استاذ نور
وهو هيفيدك
0122607379
علبه الشكمان العاليه بتبهدل الموتور لان العادم بيسند الموتور اثناء السير وخصوصا على السرعات العاليه وانتا كده بتخرج العادم ال خارج من الموتور كله وده غلط جدا ............
فنصيحه بلاش تلعب فيها لو الخواجه عايز يعلى صوتها كان نزلهالك متعدله جاهزة والعلبه دى كمان هتخلى الموتور مايسخنش لدرجه الحرارة المطلوبة وكل لما تيجى تدورها هتحتاج تسخنها شوية والبساتم بتجرح فى الشمايز وده موضوع تانى يطول شرحه انما علبه الفابريكه بتحافظ ليك على حرارة الموتور طول النهار .........ارجو وضوح الصورة وبعدين ياجماعه بطلوا منظرة بقى والنبى خلو ربنا يسترها علينا الله يباركلكوا فى صحتكوا هتستفاد ايه لما تبقى ماشي والناس بتبص عليك وواحد يخبطك عين تبهدلك انت والموتوسكل بتاعك ومتقولش ده دجل لا ياباشا الحسد مذكور فى القران وفى قوله تعالى......بسم الله الرحمن الرحيم (ومن شر حاسد إذا حسد).....صدق الله العظيم../////////.ارجو تقتنع بكلامى انا عارف انا بقولك ايه ...انا خايف عليك والله لان الصوت العالى غير ضرره على الموتور جدا غير ضرره على سمعك بعد كده وغير انه هيسخنك للجرى اكتر علشان تسمع صوت اكتر ..........:first:
بص هو لية فوايد تنية
1- بيخلى اى حد ياخد بالة منك محدش بيكسر عليك او بيخبطك لانة صوتة موميز وعالى ودية ميزة
2- الصوت العالى فى ناس بتحبة زى قلى مشغل كاست العربية بصوت مرتفع هو مذاجة كدة وفى ناس تكنيك السواقة مع الموسيقا ودة موجود
3- هى مش منظرة اكتر من ان الرياضة دية بتخليك تحس بالتميز وسط الجميع
4- انا عن نفسى لا احبزة الا بالشكمان الاصلى عشان صوتة مذعج جدا
5- ربنا كتبلك حاجة هتشفها هتشفها مش هتهرب من نصيبك
اسعار العلب من 250 300 الى 1000 وفى اكتر حسب صوتة وخمتة وفى فلتر داخلى ولا لا الحجات التعبانة بتبوظ المحرك لاكن فى بعض الانواع ممتازة مش كلة بيازى وبيسخن المتور
الشكمان العالي بيتعب الموتور البايك انا عن نفسي كنت مركب عبلة شكمان عشان الصوت فعلن انا حسيت في الاول ان كويس بس مع الاستعمال حسيت ان الموتور تعب شلتو رميته ما فيش احسن ان تمشي بالبايك يكون ملوش صوت
بدون دخول ف جدال الاكزوست سيستم عمره ما كان بيبوظ المواتير
دا بالعكس بيدى الموتور نفس اكتر ومش بيخليه يسخن (دا كلام علمى) والسبب ان مواسير الاستانليس اللى بتركب مع السيستم بتكون مقاومتها للهواء اقل وبتكون اوسع
ولو تخيلنا ان الموتور بياخد نفس شهيق وزفير زى الانسان بيكوتن الجكمان هو المسئول عن اخراج هواء الزفير (تخيل نفسك بتتنفس بسهوله )
وعشان الهوا اللى داخل يكون اكتر ويتناسب مع الهوا اللى خارج بنحط فلتر رياضى
والجكمان الرياضى مع الفلتر الرياضى بيزيد قوه الموتور حوالى 10 حصان
( انا بتكلم على الماركات المحترمه) دا الجانب الخاص بموضوع الاداء
اما الجانب الخاص بموضوع الصوت فده مهم جدا عشان الامان وان العربيات اللى ماشيه جانبك تاخد بالها منك
ولو الصوت عالى شويه ممكن تركب ماسوره خاصه بتقلل الصوت
ازيك يا خالد عامل ايه
انا مكنتش عايز اعلق ع المشاركه دى عشان محدش يزعل بس انا لقيت ان عدم التعليق هيكون موافقه ضمنيه على اللى انت بتقوله
واللى انا متاكد انه غلط مليون فى الميه (متزعلش يموت المعلم ولسه بيتعلم)
انا عايز اقولك ان الاكزوست سيستم ملهوش التاثير السىء اللى انت بتقول عليه (وده كلام الخواجه) وكلامى انا عن تجربه شخصيه
دافع فيها اكتر من 12 الف جنيه(تمن الاكسسوست سيستم الاكروبوفيك+ الفلتر ال k& n )
لبايك 1000 cbr 2008
وموضوع ان الناس تبص على البايك عشان صوته عالى دا مقصود (كاحد عوامل الامان المتعارف عليها عالميا) مش عشان المنظره
وشكرا ليك
دياب
هى الفكرة كلها ان لو خمتة تعبانة وصنعتة تعبانة من الداخل بيعمل على انسداد وبيخلى المكنة صوتها عالى اة لاكن ادائها وحش ودة بعدة مدة من الاستخدام وهو فعلا بيعلى الهورس بور لاكن انا اقصى حاجة سمعتها انة بيعلى حاوالى 5 هورس بور فقط
وفى معلومة عندى بس انا مش عارف اة مدء صحتها ان فى بعض الشكمانات التعديل وحشة جدا وبتعمل على تفاعل المواد الكربونية وبتعمل طبقة سواد بتعمل على تسريب قوة المحرك وبتالى على المداء الطويل الى بوظانة فقط لا غير وخلى بالك انة بيبان اكتر مع السىسى الصغير اكتر واسرع طبعا
بس ماتنساش ان العادم بيسند المحرك برضه اثناء السير ولما المحرك يخرج كل العادم بيلف اسرع من طاقته اقرب مثال هات بايك بالشكمان العادى بتاعه وجيب اخر البنزين هتلاقى مش بيعدى الريد لاين
اخلع بقى الشكمان الاصلى وركب شكمان تانى وقم بنفس التجربة انك تجيب البنزين على الاخر هتلاقى الموتور جاب حوالى الف لفه زياده فى الريد لاين وده معناه ان المحرك وصل لمرحه الخطر ان ممكن اى بستم او اى بيل من البيلات ينتطر من مكانه وطبعا السرعه العاليه خصوصا لما توصل للريد لاين بتعمل ربكه فى الموتور وممكن تجيب سبيكه لاقدر الله الكلام ده مش من عندى ده من ناس متخصصه فى المجال ده بجد
وطول ما فى عادم بداخل الموتور بيفضل منتظم فى حركته انما لما تخرجه كله مابيبقاش حاجة فابلتالى المحرك بيلف اسرع من السرعه المطلوبه وممكن يحصل اى شيء غير متوقع
ياخالد طبيعى لانة بيعلى الهورس بور وخلى بالك ان الاصلى فى مصفاء من جوة وقصة لاكن اغلب التعديل فاضى
بس خلى بالك ياتامر ان اى حاجة بتدى عزم وقوه اكتر بتاخد من عمر الافتراضى للحاجة دى ولا ايه
زى موتور العاده وموتور الفاير........هتلاقى ان موتور الفاير مش بيعيش اد موتور العاده ولا عندك راى تانى
زى بالضبط لما تجيب اتنين وواحد تفضل تديله فى منشطات تلاقى جسمه ديما نشط وبيتحرك بسرعه
والتانى تلاقيه بيتحرك على قده بعد مده من الزمن بص على الاتنين هتلاقى ان ال كان بياخد منشطات بدا يتهالك لان المنشطات خدت من جسمه انما التانى تلاقيه لسا بصحته لانه ماشي بطبيعته
انا اضطريت اوضحها بصورة بدائية شوية بس المهم المضمون يوصل صح
خلوده 2010
حاضر يادياب هشرحها علشانك انت كمان
اولا احنا كلنا عارفين ان الموتور او البستم الواحد بيقوم بكذا عمليه متتابعه مع بعض وهما زى ما الاستاذ دياب وضحها بالفيديو بالاعلى انتا لما بتركب عليه صوت عاليه هنقول ان الصوت جاى من العلبه مش من الموتور بس طبعا الكلام دع غلط لان الموتور والعلبه بيشتركوا فى الصوت معا بسبب ان الموتور صوته بيعلى والعلبه مش بتشتت الصوت كويس فبتظهر ليك صوت الموتوور ومعناه ان الموتور عدد لفاته بيزيد ولما عدد الفات تزيد اكيد درجه حرارته بتعلى ولما درجه حرارته تعلى اكيد هيحدث تاكل فى اجزاء المحرك الداخليه وال عن طريقه ممكن الموتور يحتاج لعمره موتور فكرش ان امبير الحرارة بيظهرلك حرارة المحرك من الداخل لا يابرنس ده حساس لترموستات الحرارة علشان مروحه التبريد لاكن المحرك من الداخل بيبقى كتله نار عموما انا وضحت الفكره الصحيحه وكل واحد يعمل ال هوا شايفه بالنسبه له بس لما تيجى تبيع بايك متعدله علبه شكمان هينزل من سعره حوالى 1000 جنيه ده غير تمن العلبه ال خسره صاحب البايك ..........يلا سلام بقى لانى طالع طلعه بالريس
loud pips save lives
ده كلام متعارف عليه من جميع البيكرز حول العالم
و من ضمن التعديلات ذي ما دياب قال انك بتركب فول اكسوست + فلتر رياضي + بور كومندر = هورس بور اعلي علي حسب البيك
و الكلام ده عن تجربة انا كنت مركب علي بتاعت البيك ال400 القديم علي السوزوكي و كانت صوت علي الفاضي لكن ركبت علبة تانية فكك بقي من الاداء سحب عبيط علي صوت اهبل
و فعلاً العلب فيها حاجات عاليا بغباء ذي D&D لما تتكرب علي 954 ربنا ما يوريك صوتها بيبقا عامل اذاي انا كنت بشوف ناس بتقع من الخضة بتعتها
و العلب الي ليها صوت بتخلي البهايم الي بترمي عليك و انتا ماشي تشوفك هي واحد امبليه و يوسع
نصيحة بقي لصاحب الموضوع
متشتريش صيني خالص خليك في التيواني و طالع ,,, الصيني ولا اداء ولا صوت ولا اي حاجة
خالد باشا
طبعاً الخواجة صح انا معاك
لكن برضة نفس الخواجة هو الي نزل العلب دي علشان اداء رياضي (كل واحد حر يركب حاجة عادية و لا رياضية علشان بره البيك بالنسبة ليهم و هو استوك عادي , غير لما يعدل فيه و يخليه رياضة , زي هنا الناس بتجيب العربية و تسقط ليها مكنة بفلتر و تربو و سوبر تشارجر ) يعني فلتر اسبور زي K&N و فلاتر تانية بطريقة معينة و ابعاد و صفايات داخل العبة علشان تمشي مع ضغط الهواء بتاع الموتور :coolio::coolio:
و الدليل انك لما بتشتري علبة جديدة بيسألك انتا البيك بتاعك نوعه ايه و كام سي سي و موديل ايه علشان كل موتور بيفرق عن التاني :36_9_4:
يعني مش اي علبة تركب علي اي بيك حتدي صوت و اداء
كل حاجة و لبها حاجتها , حسب السي سي و الموديل و الماركة علشان العبة يكون صفيتها و فلاترها متظبطة انها تزود هورس بور للبيك ده , تيجي بقي حضرتك تركبها علي بيك تاني متعملش اي حاجة :U_thin1[1]:
و حكاية ان البيك يقل 1000 جنيه علشان العلبة
الكلام ده الاغبياء هنا في مصر الي بيتعملوا بيه :pffft:
يعني انا لو حشتري R1 استوك ب 60 الف
و قدامي R1 معدلة ب فول اكسوست و فلتر رياضي ب 70 الف حاخدها :S_thum1[1]:
عاملة زي الpaint brush ممكن يكلفك تمن الموتوسيكل اصلاً و يجي هنا المعلم يقولك انا عايز رشة الفبريكة :36_2_49[1]:
هو ممكن يكون وقف يتفرج و متكلمش علشان حاسس ان النقاش مش هيفيد بحاجه
انا مش بدافع عن حد ولا وكلت نفسى محامى عن حد .... ده رأى شخصى
الراجل بيسأل على علبه شكمان و انت رديت و عمال تشرحلو انها غلط و ,و,و, و الناس فهموك ان كلامك غلط
و انت مصمم على الى فى دماغك و خلاص......
انا بشجع حماده عشان هو انسان مجتهد وبيدور وبيقرا
ولما بيكون مش عارف حاجه مبيكابرش
و مبيفتيش
ولو هو كان قال حاجه انا شايفها ومتاكد حط 10 خطوط تحت متاكد كنت راجعته وصلحت ليه معلوماته
وحماده من الناس اللى النقاش معاهم بيكون مثمر وبيشجع الواحد انه يقول اللى عنده
زى اكتر اعضاء القسم
تحياتى
تانى يا جماعة
طيب اعمل اة معاكو بقا
طب بالله عليك انا قلت حاجه غلط
انا قعدت مدخلش القسم لاكتر من شهر
ولا حتى بشارك
وانت عارف
لو عايزنى مصلحش المعلومات الغلط
واكتفى بانى اتفرج
قولى
بس لو حد دخل المنتدى زائر وشاف الكلام الغلط اللى مش بيترد عليه
هيقول على اعضاء المنتدى ايه ولا على مستوى المنتدى ايه
نداء الى خالد بعد اذنك يا خالد فعلا المعلومات دية غير صحيحة بالفعل
نداء الى دياب انا عارف انك راجل فاهم وعارف ومعلوماتك ممتازة ولاغبار عليها لانها مدعمة بحقائق علمية
ولاكن
ما يحدث الاتى
لخالد
1- المعلومات الخطاء تجعل كثير من الناس تهاجم
ودية مش اول مرة فعلا
ارجو منك تحرى الدقة عندما تذكر اى معلومة لأجل الناس التى تريد الاستفادة
2- انا اعرف انك لك نية الخير فى كل هذا ولاكن تحراء الدقة
لدياب
1-ارجو منك بعد اذنك التكرم بعدم الهجوم الشرس على خالد
فهو ياخذها بحمل شخصى بحت يجعلة يتمادا بدون التفكير فيما سينتج عن ذالك
2- قيمتك فى المنتدى ليسة بالقليلة الكل يعلم من هو دياب انك رمز وانا اعتز بمعرفة شخصية مثلك
ارجو اغلاق الموضوع حتى لا يتفاقم ونفقد مصدقية الناس كاناس متحضرين ومثقفين سيكون من الصعب التمادى فى مثل هذا الحديث وبهذة الطريقة
والله العظيم ما هجوم ولا حاجه بس كلامك فوق راسى يا تامر
ومفيش كلام بعد كده
تاب يا جماعة الشكمان الجيد للبيك فى الءداء و عل بيك لبيك 250 بكام ؟
السلام عليكم
اخوى الكبير دياب انا والله بستفاد كتير من المواضيع بتاعتك والله بعزك كتيير وخالد برده بحترمه بس بزعل اوى لما الاقيكو قفلتو انتو الاتنين مع بعض انتا بتشرح وجهة نظرك من منظور علمى ومعاك الدليل وحمادة ايدك وخالد بشرح وجهة نظره برده وطبعا الواحد يقدر يفهم ويعلم الصح والغلط
تاب و اخبار الاسعار ايه :]
شكرا يا جماعة على المشاركة جميعا
دياب وخالد وحمادة وتامر
موضوع مفيد جيدا
وشكر يا خالد على ذكرك هذه النقاط حتى نستطيع جمبعا ان نفهمها ايضا
وكان عند ى بعض المفاهيبم الخاطئة وبعد قرائتى للنقاش اعدت تصحيحها
فليس المهم من قال كلمة صحيحة المهم ان يكون الموضوع مثمر ليستفيد منه الجميع
دياب : ارجو ذكر بعض الانواع والاسعار حتى تكتمل الفائدة
وشكرا جزيلا
شكرا ياباشا وكل واحد يفهمها بوجه نظره الشخصيه انا عندى اعدل فى الشكل الخارجى للبايك انما اعدل فى مكوناته نفسه ما اظنش انها صح ببساطه كده ممكن الحاجة دى ماتتظبطش زى ما فى دماغى وفى الاخر تبقى الدنيا باظت ...العب فى الفيبر ...العب فى العدادات..العب فى الانوار ...بس بلاش تلعب فى اساس البيك ؟؟؟؟؟؟؟؟؟؟ :dontudear:
وعموما ياجماعه هقولكم انا متاسف جدا ومش هشارك فى اى موضوع صيانه تانى وهسيب دياب يكفى المواضيع باكملها بس ياريت ميسيبش اى موضوع الا لما يرد عليه بشرح وافى لانى لاحظت انه كان مش بيشارك اليومين ال فاتواخالص ...وبعدين المثل بيقول (من علمنى حرفا صرت له عبد )وزى ما انا استفدت من دياب هوا كمان استفاد منى وده حقيقه واقعه احنا بنستفاد من بعض من اول عضو جديد لاقدم الاعضاء بس انا هكتفى انى اتعلم بس علشان الواحد مش ناقص تعليقات بدون ذكر اسباب .سلالالالالالالالالالام يا اعضاء اجمل منتدى
.....................................انا مشاركاتى حاليا 1856 مشاركة كان بيزيدوا يوميا بمقدار من 15 الى 20 مشاركة تقريبا مش هيزيدوا بعد كده بمقدار مشاركه او اتنين يوميا هكتفى بكلمه شكر بس علشان انا زهقت من الكلام والجدال وياريته تصحيح بس للاسف ده تصحيح وسخريه ..عموما خير الحمد لله سلام وعلى فكره انا ببيع ال 400 لو حد ناوى عليها انا زهقت من عالم الدراجات ده كفايا بقى كده وناويت اعتزل الحمد لله انى هخرج منه سليم ولا وقعه ولا كسر الحمد لله
يا جماعه هو القسم دا اتعمل ليه؟ اتعمل عشان الناس تستفيد من بعضها مش عشان الناس تتحدى بعضها و كل واحد عايز يبين انه هو الصح . انا من رأيي ان الخطاء او الجدل اللي بيحصل دا نتيجة
أن لما عضو يطرح سؤال باقي الاعضاء مشكورين بيردوا عليه بس للاسف مفيش واحد بيبد
ا الرد بكلمة (من
رأيي) لو كان مش متأكد عشان نعرف ان دا مجرد وجهة نظره في الموضوع كده ممكن اللي يعرف المعلومه الصحيحه يأكدها بحقيقه علميه او حتى فيديو و بكده نكون صححنا اخطاء بنقع فيها كتير نتيجة رأي خاطئ .اسف للاطاله بس حبيت اوضح رايي لأن ملاحظ الفتره اللي فاتت في ناس بتكتب ردود مستفزه