الموضوع: ح تقول ايه في استفتاء التعديلات الدستورية السبت القادم ؟؟

المشاركة الأصلية كتبت بواسطة ahmedjumpo

يا حاج احمد اولا رقم ال 100 اللى احنا حفظناه من التعديلات ليس رقما مقدسا لا يجوز ان يتنازل عنه
و عندك مثال فرنسا جمعيتها التأسيسية كانت من خمسين عضو فقط و هذا العدد كافى جدا
طبعا هاتقولى هننتخبهم ازاى و هأقول لحضرتك فكرة و اكيد فى أفكار تانية بس ديه فكرة منها
* جزء من الخمسين عضو هم فقهاء دستوريين و دول الاساتذة اللى هيعملوا الصياغة القانونية لمواد الدستور و دول فى منتهى السهولة ان يختارهم الجيش و ذلك بالتشاور مع اساتذتهم و كده يبقى جزء مهم من اللجنة خلصناه

* باقى اعضاء اللجنة هيكون بحل من اثنين
الاول : ان كل طائفة تنتخب من يمثلها بمعنى ان الاقتصاديين ينتخبوا العدد المحدد من قبل اللجنة لهم و كذلك المحامين و كذلك الاحزاب و كذلك الاقباط و كذلك الزراعيين و رجال الدين الاسلامى و العمال عن طريق النقابة العامة والجمعيات الحقوقية
و بالطريقة ديه يبقى كل طوائف الشعب اختارت ممثليها الذين يستطيعوا التعبير عنهم و اعتقد ان هذه الطريقة من افضل الطرق و ستأتى بالافضل من كل جهة و بالطريقة ديه اعتقد ان اللجنة ستشكل فى اقل من شهرين

اما الحل الثانى : هو ان كل طائفة من السابق ذكرها ترشح عدد من المنتمين اليها يزيد مثلا عن المحدد ليها بثلاثة ثم يقوم المجلس العسكرى بطرح الاسماء المرشحة و لتكن 80 او 100 اسم فى صورة مجموعات بمعنى مجموعة مرشحى الاقتصاد و مجموعة مرشحى العمال و هكذا ونختار مثلا 35 عضو بالاضافة الى الفقهاء الدستوريين و تبقى تمت اللجنة
و عند الاستفتاء و علاجا لحالة الامية اللى حضرتك قولت عليه فأنا مش هلزم اللى يختار انه يختار كل اعضاء اللجنة و لكن يختار العدد اللى هو عارف و فاهم انه يمثله و لو اختار كل اعضاء اللجنة خير

طبعا ممكن حضرتك تقولى طيب و الوقت و ازاى الواحد هيعقد يختار من الاعضاء ديه و فى ثلاث حلول
الحل الاول : ان تجعل الاستفتاء على الاعضاء يكون لمدة ثلاث ايام و ليس يوما واحدا و لنا المثال فى جسور الجمرات لما هدانا الله الى ان نجعلها متعددة الادوار فأصبح لا يوجد زحام و نفس المبدأ للثلاث ايام
الحل الثانى : توزع الاستمارات اللى فيها الاسماء عبر البريد و مراكز محددة يحددها المجلس العسكرى على ان يحدد سوم لتجميع هذه الاستمارات مع تحديد الاستفتاء بالرقم القومى و اللى هيقدم اكثر من استمارة العقوبة غرامة مع الحبس و هيسهل اكتشاف اى استمارات باطلة عن طريق الرقم القومى
الحل الثالث : ان اقسم الجمهورية الى ثلاث مناطق و كل منطقة تستفتى فى يوم

هذا تصور قد يكون فيه مميزات و قد يكون فيه عيوب و لكن اعتقد و الله اعلم ممكن تنفيذه عمليا
و زى ما قلت ممكن يكون فيه تصورات تانية
و ممكن بتعيين من الجيش بعد التشاور مع كل جهة لاختيار ممثلين عنها و اظن كلنا بنثق فى الجيش و اختياراته النزيهة و البعيدة عن الاتجاه الى احد التيارات السياسية و اظن لجنة التعديلات الدستورية الى يوجد الكثير الموافق على تعديلاتها كانت بتعيين من الجيش

ملحوظة اخيرة : عمل الدستور ليس بالصعوبة التى يظنها الكثير لان مواد الحريات و الحقوق لن يوجد عليها خلافات و نتناقش فى باقى المواد التى هى فى الاخير مبادئ عامة

اعتقد من خلال تصورى المتواضع ان الموضوع ليس بالاستحالة التى يصورها البعض
و تحياتى لحضرتك

أنا معاك يا اخ أحمد فى فكرة تقسيم أعضاء الجمعية التأسيسية أو لجنة وضع الدستور إلى مجموعات

اساتذة و خبراء دساتير و قوانين ... أساتذة و خبراء علوم سياسة ... أساتذة و خبراء إقتصاد و مال ... خبراء فى التعليم و الصحة..

خبراء فى الزراعة والصناعة ...خبراء عسكريين و دبلوماسيين ...و أن يتم ثميل كافة القوى و التيارات السياسية فى هذة المجموعات

أن يتم انتخاب كل مجموعة أو مجموعتين فى يوم مثلا ... يعنى خلال3 - 4 أيام نكون انتخبنا اللجنة التأسيسية

و فعلا خبراء الدستور يعلونون أن وضع الدستور ممكن فى شهرو نصف أو شهرين فقط و ربنا المستعان و الموفق

لكن إننا نرضى بوضع إحنا مش مقتنعين به و متأكدين من أخطاءه بالإجماع كالدستور الحالى ولو مؤقتا وضع مقلق جدا

و تقبلوا تحياتى جميعا

المشاركة الأصلية كتبت بواسطة زينة الله

أنا معاك يا اخ أحمد فى فكرة تقسيم أعضاء الجمعية التأسيسية أو لجنة وضع الدستور إلى مجموعات

اساتذة و خبراء دساتير و قوانين ... أساتذة و خبراء علوم سياسة ... أساتذة و خبراء إقتصاد و مال ... خبراء فى التعليم و الصحة..

خبراء فى الزراعة والصناعة ...خبراء عسكريين و دبلوماسيين ...و أن يتم ثميل كافة القوى و التيارات السياسية فى هذة المجموعات

أن يتم انتخاب كل مجموعة أو مجموعتين فى يوم مثلا ... يعنى خلال3 - 4 أيام نكون انتخبنا اللجنة التأسيسية

و فعلا خبراء الدستور يعلونون أن وضع الدستور ممكن فى شهرو نصف أو شهرين فقط و ربنا المستعان و الموفق

لكن إننا نرضى بوضع إحنا مش مقتنعين به و متأكدين من أخطاءه بالإجماع كالدستور الحالى ولو مؤقتا وضع مقلق جدا

و تقبلوا تحياتى جميعا

اشكرك يا اختى العزيزةعلى تأييد الفكرة و صدقينى مفيش حاجة مستحيلة بس للاسف احنا المصريين اتعلمنا من زمان الخوف من المواجهة و المجهول
مع ان غيرنا وصل لكوكب المشترى بأعمال العقل و العلم
و المشكلة ان احنا بنختلف على حاجة عملها غيرنا عشرات المرات و احنا بنتكلم كأننا هنخترعها

للأهمية
http://www.nilemotors.net/Nile/207543-a.html

المشاركة الأصلية كتبت بواسطة wawoo

جمال أسعد: إقرار التعديلات الدستورية يَخلف أسوأ مجلس شعب في تاريخ مصر

حذر جمال أسعد المفكر السياسي من إقرار الموافقة على التعديلات الدستورية لإعتبارها تطبيقا لخارطة الطريق التي وضعها الرئيس السابق حسني مبارك مؤكدا أن خطورة التعديلات- إذا ما تم الموافقة عليها- لان الانتخابات القادمة البرلمانية ستشهد ترشيحات غير ناضجة تناسب العملية الديمقراطية مما سيعصف بمجلس الشعب القادم ليكون بذلك اسوأ مجلس شهدته مصر.
جاء ذلك خلال "المؤتمر الأول لطلاب ائتلاف شباب الثورة بالإسماعيلية" والذي عقد بجامعة قناة السويس وذلك لمناقشة التعديلات الدستورية والاستفتاء عليها، حاضر في المؤتمر محمود العسقلاني منسق حركة مواطنون ضد الغلاء و ناصر عبد الحميد عضو ائتلاف شباب الثورة

وقال أسعد أن عدم اتاحة الفرصة والوقت للتيارات السياسية المختلفة لإعادة ترتيب أوراقها سيؤدي لإختيار نسبة كبيرة من المرشحين السابقين للمجلس القادم بنسبة قد تتعدى ال60%.مما يعني اجهاض الثورة والابقاء على نظام سابق يتجدد .

انتقد اسعد تعدد المجموعات والائتلافات الشبابية الغير منظمة وعدم وجود الية للتنسيق بينهم مما سيؤدي الي استنزاف قوي الثورة المتمثلة فيهم، وأكد انه الشباب عليهم اصعب الادوار وهم نسيج المجتمع المصري وهم من قاموا بالثورة .

وقال محمود العسقلاني اننا بصدد بناء دولة جديدة ينبغي لها دستورا جديدا يجب ان نحدد فيه أولوياتنا وأهدافنا وان نضع فيه صيغ محددة وواضحة لضمان عدم المساس بمقدرات الدولة وانتهاك حرمتها كما كان يحدث في العهد الماضي مشيرا الي ان الثورة حتى الان في إطار إصلاحات سياسية فقط ولكن الفساد تخطي حدود السياسة.
وأكد ناصر عبد الحميد ان ائتلاف الثورة كان موقفه من التعديلات الدستورية واضح منذ البداية فنحن طالبنا بعد التنحي مباشرة بصدور إعلان دستوري ينظم الحياة في البلاد ,وان ائتلاف الثورة يرفض التعديلات الدستورية لعدة السباب منها أن الدستور المعدل سقط مرتين من قبل الأولي بعد نجاح الثورة وسقط النظام، والثانية بعد تولي المجلس الاعلي للقوات المسلحة ادارة شئون البلاد وليس رئيس مجلس الشعب كما هو منصوص عليه، كما أن المجلس الاعلي للقوات المسلحة يحكم مصر بموجب إعلان دستوري تم نشره في الجريدة الرسمية وهو ما نعتبره إعلان دستوري ناقص لأنه تعرض
لسلطات المجلس فقط، كما أن تمرير التعديلات الدستورية سيؤدي الي قيام نظام تشريعي علي أفراد من النظام السابق في ظل عدم جماهيرية الأحزاب السياسية وافتقادها لدعم الشعب نتيجة لممارسات النظام السابق ضدها،وأضاف ناصر أن الإئتلاف سيرضي بالنتيجة الديمقراطية للاستفتاء، وأن المعركة القادمة اذا ما مرت التعديلات ستكون في الانتخابات التشريعية .

بخصوص مجلس الشعب لانه هيتحكم فى حاجات كتير المره الجايه لو تم اقرار التعديلات يبقى ظلمنا شباب الثوره... لا انكر دور الاخوان بس كان نسبتهم لاتتجاوز 15% يعنى كان فى 85% شباب غير مسيس ... دلوقتى احنا عايزين نعمل انتخابات سلق بيض من غير ما ندى للشباب دا فرصه يعمل احزاب لانه هو الى المفروض يكون اغلبيه فى مجلس الشعب ودا بكلام الكل ... لكن كدا بتطلع الشباب دول من اللعبه خالص وتديها للاخوان والحزب الوطنى.. ولاحظ تقريبا 97% من اى واحد كان ضد الثوره والشباب على طول الخط دلوقتى بيقول نعم.. ودا مش كلامى بس الكلام دا اتقال فى اكتر من برنامج ان لا كأنها بتتكلم بالنيابه عن الثوره ونعم بتتكم بالنيابه عن الناس الى عارضتهم فى الاول وساعه خطاب مبارك وانت ماشى بقى