المشاركة الأصلية كتبت بواسطة زينة الله
يا حج أحمد أنا لا أتهكم على كلامك يا فندم و لا على كلام أى حد من الزملاء ...
أنا لا أدعى إن أحد من الزملاء فاهم غلط و بالتالى لا أدعى إن أى عالم من العلماء فاهم غلط فى أى جزئية
و بصراحة اللى ضحكنى إننا بدل ما نعرض وجهة نظرنا نتهم الرأى الآخر إنه فاهم خطأ ولو لأى جزء و خاصة وهو عالم
يافندم لما اقول على شخص انه فاهم موضوع معين غلط ده مش عيب ولا تهكم ولا سخرية منه
مثلا : لغاية امبارح بالليل ناس مثقفة وعلى درجة من العلم والتعليم فوق الجامعي ( دكتوراة ) ماكانوش يعرفو ان فيه حاجة اسمها مادة 189 مكرر .... وخايفين ان بعد الانتخابات المجلس والرئيس ما يعملوش دستور جديد علشان المادة 189 بتقول لكل من.... ومش بتقول على كل من .....ولما عرفو فوجئوا ان تغيير الدستور حتمي في خلال سنة و15 يوم من الاستفتاء
فمش عيب ابدا ان الدكتور نافعة او غيره مايعرفش ان تغيير الدستور لا يستوجب اعادة انتخاب الرئيس والمجلس .... والدليل ان دجستور 71 لما اتعمل لم يعاد انتخاب السادات ولا المجلس
محدش بيعرف كل حاجة ..... ربنا بس اللي بيعرف كل حاجة
وكمان لما يقول ان دستور 71 ح يرجع تاني ومش عاوزين دستور مرقع يبقى ما سمعش من اللي عملو التعديلات ومن المجلس العسكري ان دستور 71 لن يعود بأي شكل من الاشكال ولكن سيتم اعلان دستوري للفترة الانتقالية بالاضافة الى المواد المعدلة في حالة الموافقة عليها
..
للأسف احنا بنكسل نقرأ او نسمع وجهة النظر الاخري
طبعا محدش منزه و لا معصوم من الخطأ لكننا نقتنع برأى و لا نقتنع بغيره و الاختلاف طبيعى و صحى
إجابة سؤال حضرتك عن مناقشة الدستور يا فندم كرأى خاص و مناقشة أخوية
هناك لجنة مكونة من جهابذة الدساتير و القوانين و الاتجاهات السياسية ستضع و تناقش الدستور إن شاء الله فى حالة نعم أو لا
يافندم اللجنة دي ح تتعمل في الحالتين ... نعم ... ولكن في حالة لا يتم تعيينها ... في حالة نعم سيتم اختيارها بواسطة البرلمان المنتخب وستكون من داخل وخارج البرلمان وستحوي برضه جهابذة الدستور والقانون .... ده لا خلاف عليه
فى حالة نعم : -
1 - يتم عمل انتخابات أولا لمجلسى الشعب والشورى
( بالوضع المعيب فى الدستور الحالى 50% فلاحين وعمال و مجلس شورى يشكل عبء على الميزانية)
ده حسب الاعلان الدستوري يافندم لأن دستور 71 سقط من زمان ولن يتم الانتخاب بموجب احكامه .... يعني ممكن اوي الاعلان الدستوري لا يشمل نسبة 50% عمال وده مطلب شعبي اعتقد انه لا خلاف عليه
2- ثم تشكل لجنة من الخبراء لوضع الدستور
اللجنة ح تبقى منتخبة من مجلس منتخب .... والمجلس سيناقش الدستور الجديد مادة مادة على مدى شهور في جلسات علنية زي اللي كنا بنشوفها في القناة الاولى بس من غير تمثيل
3 - ثم سيعرض الدستور الجديد على مجلسى الشعب و الشورى للموافقة علية أو التعديل فيه ( اللى أساسا مش عاجبينا)
4 - ثم يحدث استفتاء عليه من قبل الشعب و يا نوافق عليه يا لا
5 - إذا كانت هناك أسس جديدة سليمة لمجلسى الشعب و الشورى سيتم انتخابهم مرة أخرى و طبعا محدش بيسيب السلطة
النقطة دي بالذات مش صح ودي اللي كنت باقول ان دكتور نافعة فاهمها غلط ... الدستور الجديد لا يستوجب اعادة انتخاب الرئيس الحالي والبرلمان الحالي مرة اخرى
6- يتم انتخاب الرئيس
الرئيس سيتم انتخابه قبل الدستور الجديد ..... خلال فترة الستة شهور بين الانتخابات و تشكيل اللجنة
فى حالة لا : -
1- ثم تشكل لجنة من الخبراء لوضع الدستور
ده اللي انا معترض عليه .... اللجنة سيتم تعيينها .... وانا ضد التعيين
ولن يكون هناك ال جهة تقوم بمناقشتها .... يعني ح يبقى قرارها دكتاتوري لا يمكن مناقشته
وحيث اننا مختلفين على المواد الحالية التي تعد على اصابع اليدين تقريبا .... اعتقد انه ستحدث حالة غير مسبوقة من الفوضى السياسية في الشارع المصري... وربنا يستر
2 - يتم الاستفتاء على الدستور من قبل الشعب
3- يتم عمل انتخابات أولا لمجلسى الشعب والشورى بالأسس الجديد فى الدستور الجديد
لماذا سيكون هذا المجلس موافق عليه والآخر بتاع نعم مش كويس ؟؟؟؟؟؟
مع انه يوجد مهلة 6 شهور للأستعداد لهذه الانتخابات لو قلنا نعم وسيتم الانتخابات وفق اعلان دستوري وليس دستور 71 كما يعتقد البعض..... 6 شهور مش كفاية ؟؟؟؟؟
4 - يتم انتخاب الرئيس
و ما تزعلش يا حج أحمد أنا لا أتهكم عليك و لا أقدر يا فندم
أنت أخ كبير وفاضل و تقبل تحياتى و أحترامى
...
مفيش زعل ولا حاجة بس انا باؤكد ان مفيش بني آدمين فوق النقد والخطأ لا الدكتور نافعة ولا مرشد الاخوان ولا الشيخ الشعراوي الله يرحمه ..... لا يوجد كهنوت ولا رهبوت ..... وحي السماء انقطع عن الارض من 1430 سنة تقريبا ... والعصمة للأنبياء وليست للعلماء
وكمان انا بقالي 4 ايام في نقاش حامي في هذا الموضوع لم اسخر ولم اتهكم من اي حد برغم الاختلاف في الرأي
علشان كدة زعلت لما لقيتك بتعلقي بضحك انا اعتبرته تهكم
وربنا مايجيبش زعل
