الموضوع: ح تقول ايه في استفتاء التعديلات الدستورية السبت القادم ؟؟

المشاركة الأصلية كتبت بواسطة aif

اولا :المصريين في الخارج دي مشكلة تنفيذ مش مشكلة قانون
تنفيذها يكاد يكون مستحيل ولازم يدرس بتأني
..
ثانيا "انتخاب لجنة تأسيسية من الشعب شبه مستحيل عمليا .... وياريت تقولي ازاي ممكن ننتخبهم ومين اللي حيرشحهم
..
ثالثا : نتخطف ازاي ؟؟؟ المجلس العسكري اساسا مقرر ان الانتخابات البرلمانية لن تجرى قبل أواخر سبتمبر 2011 .....6 شهور مش كفاية للمرشحين انهم يترشحو ويعملو دعايتهم ... مع العلم ان انشاء الاحزاب سيكون بدون شروط وبالاخطار بدأ من نتيجة الاستفتاء
لو مرشح مش لاحق يترشح ويستعد للبرلمان في 6 شهور ..... يبقى خليه في بيته أحسن ويترشح في الدورة القادمة
..
اخيرا الدستور القديم لن يفعل ..... سيتم اعلان دستوري لهذه المرحلة تشمل التعديلات والكلام ده موجود في الفيديو ده



YouTube - ‫ط±طµط¯ | طھط£ظƒظٹط¯ طھط¹ط·ظٹظ„ ط¯ط³طھظˆط± 71‬‎

بص يا حاج أحمد حضرتك من الناس اللي أرائها تحترم طبعا بس اسمح لي أختلف معاك. بالنسبة لموضوع الاعلان الدستوري ده كان ردي في موضوع تاني

"بالعكس حضرتك الكلام اللي أتقال ده أثبت لي ان الناس دي بتعاني من التخبط و ان مناقشات الناس اللي ضد التعديلات و تفنيدهم لنقاط كتير خلاهم يحاولوا يشوفوا أي مخرج حتى لو مش منطقي.

أولا احنا بقالنا اسبوعين بنتكلم على استفتاء على تعديل دستوري, الكلام واضح تعديل مش أعلان دستوري. مفيش أعلان دستوري بيتعمل عليه استفتاء و لا فيه أعلان دستوري فيه مادة 75 و 76 و 189...الخ. الاعلان الدستوري بيبقى 1, 2, 3..... هو فيه حد بيبتدي يعد من 75؟؟؟؟؟؟؟ و بعدين اللي أعرفه ان الأعلان الدستوري زي ما أسمه بيقول اعلان, مش بيستفتى عليه.

ثانيا الكلام اللي هو بيقوله ده معناه ان الاستفتاء ده صوري و النتيجة واحدة سواء قولنا أه او لأ في الحالتين حنعمل أعلان دستوري!!!!!!!!!!!!!!!!!!!!!!!!!!!!!!!! طبعا المواد المعدلة مبتغطيش نقاط كتير زي انتخابات البرلمان مثلا و بالتالي حتفعل مواد من الدستور أو تضيف مواد جديدة غير الي تم الاستفتاء عليها, أمال بتعمل استفتاء ليه لما كدة كدة فيه حاجات حتعملها من دماغك سواء قلنا أه او لأ؟؟؟؟؟؟؟؟؟؟؟؟؟؟؟

ثالثا سمعت بعض القانونيين بيقولوا ان مينفعش تتعمل انتخابات في ظل أعلان دستوري لازم دستور مفعل, بس النقطة دي أنا مش متأكدة منها.

رابعا بقى السيد اللواء بيقول الأعلان الدستوري حيبقى علشان المجلس العسكري بس انما بعد الانتخابات الرئيس الجديد حيحكم بالدستور القائم اللي هو الدستور المعدل!!!! طيب ما ده من أهم اعتراضات الناس أصلا و سبب من أسباب أصرار الناس على أسقاط الدستور. و لا هو عشان اكتشفوا ان لو الناس وافقت على التعديلات دي و الدستور رجع حيبقى وجود المجلس العسكري نفسه و التعديلات اللي اتعملت غير دستورية؟؟؟؟؟؟؟؟؟؟؟

بصراحة الكلام بتاعه امبارح خلاني شايفة ان الناس دي يا أما مش فاهمين حاجة يا أما بيحاولوا يستهبلونا و في الحالتين المفروض نقول لأ و نصر على اننا نمشي في طريق مستقيم و واضح بدل العك ده."

"
بالنسبة لموضوع المصريين اللي في الخارج ده أنا مش شايفة انه مستحيل انهم يصوتوا و لا حاجة, الموضوع ده طبيعي و دول كتير بتعمله نشوف ايه اليات تنفيذه, مش صعبة. ممكن تتعمل في سفاراتنا في الدول او أي طريقة تانية انما موضوع انه مستحيل ده مش واقعي. رأيي الشخصي انه الموضوع متعمد لأن المصريين في الخارج كتير منهم من المثقفين اللي مش من السهل توجيههم بالخطاب الأعلامي عشان كدة تحييدهم مطلوب.

موضوع انتخاب لجنة تأسيسة برضه مش مستحيل و لا حاجة, هو أصلا النواب حيختاروهم ازاي؟؟؟؟ ممكن الجيش يرشح 300 - 500 شخص يمثلوا مختلف التيارات و الطوائف و الشعب ينتخب منهم 100 و بضاف لهم رؤساء المحاكم المختلفة و نوابهم. أو ممكن اي الية تانية انما مش فاهمة مستحيل ليه؟؟؟

النقطة التالتة اللي حضرتك بتقولها صحيحة. بس الست شهور اللي حضرتك بتقول عليهم دول نفسهم اللي موجودين في تعديلات الدستور عشان يتعمل دستور جديد, يبقى ليه منبتديش نعمل الدستور الجديد على طول حتى لو زودنا على الست شهور دول شهر كمان عشان ننتخب لجنة تأسيسة؟؟ على الأقل في الحالة دي مش حنضطر نعيد الانتخابات تاني زي لو عملنا انتخابات قبل الدستور.

بصراحة أنا شايفة انهم مازالوا بيستخدموا معانا نفس الأسلوب بتاع قبل تنحي مبارك, بيحاولوا يبينولنا ان طلباتنا مستحيلة و لو عملناها حندخل في فوضى و الفترة الانتقالية حتطول, انما كل ده كلام مش واقعي و تفنيده سهل, انما هما بيلعبوا على الخوف من المجهول و عشان كدة موضحوش من زمان ايه البديل لو الناس قالت لأ في الاستفتاء ده.

المشاركة الأصلية كتبت بواسطة LanCeLoT

مش عارف ليه ابتديت احس ان الجيش ابتدى يعك
كل يوم يغير حاجه في المواد .. ويطلعوا بتصريحات جديده .. دستور 71 مش هيعمل بيه تاني .. الرئيس مش هياخد الصلاحيات تاني
طب فين نصوص الكلام دخ و هتبقى صلاحياته ايه الفعليه .. وبقيت بنود الوثيقه اللي هتعلن مع التعديلات لو الناس قالت اه هتبقى ايه .. وبرده ماحددش سيناريو واضح لو النتيجه طلعت لا .. والاعلان الدستوري المؤقت اللي هيطلع ساعتها هتبقى ايه بنوده .. زيما يكون عاوز الناس تقول نعم و خلاص ..طب عمل الاستفتاء ليه اصلا طالما هوا مش مستعد للنتيجه بلا .. عذره في الموضوع ده انه اول مره يتحط في الموقف ده ..
بس بصراحه العك ده مخليني مصمم على لا .. عشان نبتدي على نضافه .. واي بنود هيحتوي عليها الاعلان الدستوري المؤقت مش هتبقى مشكله طالما مؤقته وهنبتدي على نضافه و بدستور جديد