اقتباس المشاركة الأصلية كتبت بواسطة زينة الله مشاهدة المشاركة
ههههههههههههههههه الدكتور حسن نافعة فهمه غلط للموضوع و إحنا اللى بنقول كدا !!!!!!!!

إختلاف علماء السياسة فى الرأى مش معناه إن بعضهم مش فاهم هههههههههههه إمتا بقى نحترم الرأى الآخر !!

يا فندم أختك الصغيرة بتدرس دبلوم فى الحكم المحلى و الدستور و أساتذتنا بيشرحولنا العجب العجاب عن مواد الدستور

و عن مجلس الشورى المبجل و كيف نشأ و ترعرع و تكلف الاموال الباهظة دون أى جدوى و أزاى إنه مجلس لجبر الخواطر

يعنى عايز تركن حد على الرف و مش عايز يبعبع و نظام إحنا دافنينه سوا تقوم تتبع نظام إطعم الفوم تستحى العين

و عضوية قليلة تمنع بلاوى كتيرة !!!!!! و ملاين بل مليارات تختفى !!!!

لو فى الدستور الجديد عايزين نقرر إلغاء هذا المجلس (الشورى) أو تقنين مهمامه ؟؟ هل نواب الشورى المنتخبين هيسمحوا بكدا

لو عايزين نغير نسبة الفلاحين والعمال ونقللها يا ترى الـ 50% فلاحين وعمال هيروحوا فين و يصوتوا للتطوير دا

فى رأى مفيش مستفيد بيتخلى عن الاستفاده اللى بيأخدها و من تربح من الخطأ لا يصحح ذلك الخطأ
يا اختنا اعزيزة
انا ردي اللي انتي عملتي منه اقتباس عن نقطة محددة
ان المجلس والرئيس سيعاد انتخابهم بعد اقرار الدستور الجديد
انتي خدتي اقتباس من كلامي وأوحيتي اني باقول ان رأي الراجل فهمه لأجمالي الموضوع غلط
رجاء .... ما تاخديش كلمة من كلامي موجهه لنقطة معينة وتعمميها وتضحكي منها
انا قلت الكلام ده رد على كلام ان الدكتور نافعة بيقول ان المجلس والرئيس سيتم انتخابهم من جديد بعد اعلان الدستور الجديد ... وده غلط
وبعديد كلام الدكتور نافعة لم ينزل في سورة البقرة ده بني آدم زينا .... ولا ايه ؟؟
يعني مش حاجة مضحكة وغريبة ان كلامه يكون غلط
وبعدين فيه برضو اساتذة دستوري بيقولو نعم
مش اجماع من المتعلمين والقانونين اننا نقول لا
..

سيبك بقى من كلام الدكاترة
خليني بعقلي واختياري
افترضي اننا قلنا لا
ممكن تقوليلي بخطوات واقعية ايه اللي ح يحصل ...
وازاي ح يتعمل الدستور الجديد
ومين اللي حيعين اللجنة التأسيسية
ومين اللي ح يناقش مواد الدستور الجديد مادة مادة في ظل عدم وجود برلمان
منتظر ردك
وبدون تهكم لو سمحتي