السلام عليكم،،، أمامي رينو 9 موديل 1986 موتور 1400، السيارة مركونة أو شبه مهجورة عند جيراني وبفكر اشتريها لأخويا، المهم انها دواخل فابريقة يعني أساسيات الشاسيه تمام بس شكلها عاوز كل حاجة لأنهم مش بيستخدموها من سنين، عاوز حد ينصحني اشتريها ولا بلاش؟ يعني قطع غيارها إيه ظروفها في سوق الجديد أو الاستيراد من حيث السعر والتواجد، ياريت حد ينصحني علما بأنهم عايزين يبيعوها ومش عارفين كمان سعرها يعمل كام وأنا حطيت في حساباتي أسوأ الظروف إنها عاوزة موتور بفتيس بجيع اكسسواره وصالون جديد وتابلوه وعفشة كاملة وطقم كاوتش يعني هتصرف والسعر مش هنختلف معاهم عليه اللي احنا الاتنين مش عارفينه، أنا طول عمري بركب فرنساوي بس بيجو وطبعا الرينو محترم جدا وأخويا هيستخدمها و عندنا استعداد نوضبها واحدة واحدة... ممكن حد يشيرني؟؟؟ وربنا يكرمه