الكينود دى مضروبه ولا الكلام ده غلط

**Piowood** · 19-03-2011 04:32 AM

المشاركة الأصلية كتبت بواسطة misoalex

طيب ومال حضرتك بتتكلم بعصبيه اوى اوى كده ليه انت شغال فى كينود ولا ايه

وبعدين يا باشا انا رحت التوكيل واتأكدت ان السماعات دى مش عندهم وكده يبقى اللى بره دى مضروبه او الله اعلم ايه نظامها

ثانيا الصوره اللى انا حاططها دى من على النت ومكن اجيبلك 100 صوره زيها مش موجود عليها لوجو على بابا

وبعدين انا مش بثير الشك انا كنت محتار عشان كانو معروضين عليا بسعر كويس وخوفت اشتريهم لما عملت بحث على النت عنهم
ولما لاقيت ان اللى فى التوكيل صينى واللى مش صينى اسعارها غاليه صرفت نظر عن الكينود لانى مش عاوز حاجه صينى

وبعدين موضوع بلد المنشأ ده حاجه عاديه نوكيا وسامسونج اغلب موبايلاتهم مش بيحطو عليها بلد المنشأ ودى شركات محترمه برضه :)

لو حضرتك عاوز تفيدنا اقنعنا بس بطريقه كويسه

اخي الكريم .. الراجل مش متعصب ولا حاجه .. هو بس بيفهمنا عادي وبيقول وجهة نظره .. تحياتي لك وللجميع

**misoalex** · 19-03-2011 03:53 PM

المشاركة الأصلية كتبت بواسطة Ali_mehrem

اعذرنى فى اى حاجه بس جاوبنى يعنى ايه نوكيا و سامسونج اغلب موبيلاتهم معليهاش بلد المنشا عشان انا فى حياتى مسمعتش عن اللى انت بتقولة ده دى اول نقظة تانى نقطة انا مليش دعوة بالتوكيل اللى عندنا عشان الناس دى تفكيرها محدود و بتبقى عايزة تجيب حاجة بياعه و متقعدش كتير عندهم و بعدين فى سماعات بتنزل فى دول معينة و مبتنزلش فى دول تانية زى مثلا الكينوود الدابل بيز لو حبيت تشوفها هتلاقى موديلها موجود موقع كينوود فى دول معينة و دول تانية لا فمش معنى انك ملقتهاش عالموقع اللى انت بتدور فيه تبقى مضروبة ده اللى عايز اوصلهولك و طالما مشتريتهومش انا بقولك ريح دماغك من الشك فيهم واشترى حاجه تانية وانت مطمن متهيقلى كلامى مفيهوش غلط ليك بالعكس دى منفعه عشان تبعد عن حوار اصلى و مش اصلى و ياعم انا مبتكلمش بعصبية ولا حاجه احنا هنا اخوات بس انت اخدت كلامى بزعل ولا ايه مش عارف

حصل خير يا باشا بس انا بتكلم على اللى عندنا هنا فى مصر والسماعات الكينود اللى هنا كلها علبتها بيضاء

ممكن تكوز زى محضرتك بتقول دى بتاعه بره ومبتنزلش فى التوكيل هنا

بس انا فعلا بالرغم من انى بحب الكينود جدا بس لما لقيت كده وفيه تناقض حتى فى التوكيل عندهم الصينى بسعر رخيص جد والاصلى بسعر عالى جد ريحت دماغى وبعدت عن الكينود مدام الايام دى مش مضمونه ومش عارف ايه الحلو وايه الوحش

وبالنسبه لموضوع الموبايلا انا شغال فى الموبايلات وممكن اصورلك استيكرات من على النوكيا والسامسونج مش مكتوب عليها بلد المنشأ مكتوب عليها by سامسونج او by نوكيا يبقى الموبايلات دى مش اصلى

اللى بيحصل انهم بيكتبو كده عشان الحاجات دى متصنعه فى الصين والمعروف فى الدول العربيه انهم مش بيحبو الحاجات المتصنعه فى الصين فبيكتبو كده للنسخه اللى نازله للدول العربيه
وزى مقولتلك ممكن اصوةرلك وارفلك الصور لو مش متأكد

**ahmad--ezzat** · 19-03-2011 04:05 PM

السماعات الدبل بيز فقط هيا اللى فيتنامى....ال 400 وات وال 400 سعرها 550 بضمان سنه وال 350 وات سعرها 450 جنيه والاتنين ممتازين ولا يعيبهم اى حاجه....وشغالين تمام التمام ولا يقلوا عن ا لاندونيسى او الماليزى فى شىء....اعتقد الموضوع مش مصيبه لما نلاقى الكينوود made in vitnam او made in malysia نفس..وطالاما فيه كتالوج للسماعات يبقى خلص الكلام..وياجماعه برضه احنا بنعرف المضروب من الاصلى.....ومهما كان الكينوود مش هيضرب زى البايونير اللى ليه قصص كتير جدا ومحدش عارف سره لحد دلوقتى والسؤال اللى بيطرح نفسه...الواحد يجيب بايونير ايه :) محدش عارف

عشان كده انا بحب الكينوود سماعات كويسه جدا وحماله اسيه وصناعه ممتازه ايا كانت....امال تقولوا ايه بقا على السونى :)